رۋحانيات • 24 ناۋرىز، 2019

ديماش قۇدايبەرگەننىڭ كرەملدەگى كونتسەرتىنىڭ تولىق ۆيدەوسى جاريالاندى

1150 رەتكورسەتىلدى

تانىمال قازاقستاندىق ءانشى ديماش قۇدايبەرگەن 22 جانە 23 ناۋرىزدا رەسەيدىڭ ەڭ بەدەلدى الاڭى مەملەكەتتىك كرەمل سارايىندا ەكى جەكە كونتسەرتىن بەردى. ءارتىستىڭ ونەرىن تاماشالاۋ ءۇشىن بۇكىل الەمنەن جانكۇيەرلەرى جينالدى.

ءوز وتانىن عانا ەمەس، رەسەي، قىتاي، امەريكا، فرانتسيا، ۇلىبريتانيا جانە باسقا دا ەلدەردى ونەرىمەن ءتانتى ەتكەن قازاقستاندىق ورىنداۋشى تۋرالى نتۆ تەلەارناسىندا "تسەنترالنوە تەلەۆيدەنيە" باعدارلاماسىندا سيۋجەت  كورسەتىلدى. 

باعدارلاما ستۋدياسىندا ديماش "مادەمۋازەل حايد" (Mademoiselle Hyde) جاڭا كومپوزيتسياسىن شىرقادى، ونى بۇرىن كانادالىق ءانشى لارا فابيان ورىنداعان. مۋزىكا اۆتورى - يگور كرۋتوي. ول ء"ان جازۋعا شابىت بەرەتىن مۇنداي ورىنداۋشىنى بۇرىننان ىزدەگەنىن" مالىمدەگەن. "لارا فابيان: "ول عارىشتان كەلگەن بالا" دەپ ايتقان، - دەدى كومپوزيتور.

ديماشتىڭ ءوزى ءبارىنىڭ باقىتتى جانە ۇزاق ءومىر سۇرگەنىن، الەمدە ماحاببات ورناۋىن قالايتىنىن ايتقان. سونداي-اق، "يگور ياكوۆلەۆيچتەن كوبىرەك ءان العىم كەلەدى"، - دەدى ول.

باق وكىلدەرىنىڭ اقپاراتى بويىنشا، ماسكەۋدەگى ديماش قۇدايبەرگەننىڭ كونتسەرتىنە الەمنىڭ 50-دەن استام ەلىنەن جانكۇيەرلەر كەلگەن. كورەرمەندەر اراسىندا رەسەيلىك پرەمەر-ءمينيستردىڭ جارى سۆەتلانا مەدۆەدەۆا، قازاقستاننىڭ رەسەيدەگى ەلشىسى يمانعالي تاسماعانبەتوۆ، قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى جانە قازاقستاندىق جانە رەسەيلىك ەسترادا جۇلدىزدارى بولدى.

كونتسەرت انشلاگپەن ءوتتى. جەلىدە قازاقستاندىق ءانشىنىڭ كرەملدە كورسەتكەن ونەرىنىڭ تولىق ۆيدەوسى پايدا بولدى.



سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار