«ن.نازارباەۆ كەڭەس وداعىنىڭ يمپەرياسى قۇلاعان ۋاقىتتان, قازاقستان تاۋەلسىزدىكتى جاريالاعان 1991 جىلدىڭ جەلتوقساننان بەرى پرەزيدەنت لاۋازىمىندا بولدى. 28 جىلدىڭ ىشىندە نۇرسۇلتان نازارباەۆ 5 مارتە پرەزيدەنت سايلاۋىندا جەڭىسكە جەتتى. ال ونىڭ «نۇر وتان» پارتياسى مەن ونىڭ فيليالدارى پارلامەنتتىڭ تومەنگى جانە جوعارى پالاتالارىندا ەڭ تومەندەگى دەڭگەيدەگى وپپوزيتسياسىمەن باسىمدىققا يە بولدى», دەيدى The Star.
سايت ەلباسىنىڭ ەڭبەك جولى مالايزيادان ءبولىنىپ شىققان سينگاپۋردى 30 جىل باسقارعان لي كۆان يۋ جانە پارلامەنتكە باسىم بولعان ونىڭ الەۋمەتتىك-دەموكراتيالىق «حالىق ارەكەتى پارتياسىنىڭ» باسقارۋ ءستيلىن جۇمىسىن ەسكە تۇسىرەتىنىن ايتادى.
«ن.نازارباەۆ مەملەكەت باسشىسى رەتىندەگى حالىققا جولدانعان سوڭعى ۇندەۋىندە كەڭەس يمپەرياسىنىڭ قۇلاعان ۋاقىتتا ەكونوميكانىڭ قيراۋى, جۇيەسىز ساياسات, ازىق-ت ۇلىك پەن تاۋار تاپشىلىعى, وندىرىستەردىڭ توقىراۋى, ءجىو كولەمىنىڭ ەكى ەسەگە دەيىن ازايۋى ءتارىزدى قيىندىقتاردى ەسكە ءتۇسىردى.
ن.نازارباەۆ پەن ونىڭ جاقتاستاردىڭ الدىندا ەڭ بىرىنشىدەن كوممۋنيستىك توتاليتارلىق جۇيەنى جانە يدەولوگيانى جويۋ, نارىقتىق ەكونوميكانى قالىپتاستىرۋ جانە ەكونوميكانى دامىتا وتىرىپ ازاماتتاردىڭ ءال-اۋقاتىن ارتتىرۋ مىندەتى تۇردى», دەيدى ماقالا اۆتورى.
بۇدان كەيىن سايت قازاقستان دەموكراتيالىق مەملەكەتكە اينالعانىن, مۇناي-گاز بەن مينەرالدىق رەسۋرستاردىڭ ارقاسىندا اگرارلى ەكونوميكادان وندىرىستىك ەكونوميكاعا قادام باسقانىن حابارلاعان.
«مۇناي باعاسىنىڭ قىمبات بولۋى مەن شەتەلدىك تىكەلەي ينۆەستيتسيالاردىڭ تارتىلۋى شيكىزات جانە مينەرالدىق سەكتوردىڭ دامۋىنا وڭ ىقپالىن تيگىزگەن. قازىرگى تاڭدا قازاقستان الەم بويىنشا ۋران وندىرۋدەن الدىڭعى ورىنعا شىعىپ, اقش, رەسەي, قحر ءتارىزدى يادرولىق ەنەرگيانىڭ نەگىزگى وندىرۋشىلەردىڭ قىزىعۋشىلىعىن تۋعىزدى.
ن.نازارباەۆ جەر كولەمى ۇلكەن, 18,4 ميلليون حالقى بار, كوپ ەتنيكالىق جانە كوپ كونفەسسيالى (70% مۇسىلمان جانە 26% حريستيان) مەملەكەتتە تۇراقتىلىق پەن كەلىسىم ورناتا ءبىلدى. ينۆەستيتسيالار ينفراقۇرىلىمدار سالۋعا, زاماناۋي ءبىلىم بەرەتىن ەكوجۇيەلەردى قالىپتاستىرۋعا باعىتتالدى. وسىنىڭ ناتيجەسىندە قازاقستاننىڭ استاناسىندا جوعارى دەڭگەيلى ۇلتتىق ۋنيۆەرسيتەت اشىلدى» دەلىنگەن ماقالادا.
