ايماقتار • 23 ناۋرىز، 2019

اتىراۋ حالقى ەرلىكپەن قازا تاپقان پوليتسەيدى سوڭعى ساپارعا شىعارىپ سالدى

914 رەتكورسەتىلدى

بۇگىن اتىراۋدا سۋعا كەتكەن قىزدى قۇتقارۋ كەزىندە قازا بولعان پوليتسيا سەرجانتى شالقار اقىمعاليەۆتى اقىرعى ساپارعا شىعارىپ سالۋ راسىمىنە مىڭنان استام قالا حالقى جينالدى.

 

جينالعان قاۋىم اراسىندا اتىراۋ وبلىسىنىڭ اكىمى ن.نوعاەۆ، قر ءىىم اكىمشىلىك پوليتسيا كوميتەتى باستىعىنىڭ ورىنباسارى پوليتسيا پولكوۆنيگى م.بايبولوۆ، وبلىستىڭ باس پوليتسەيى پوليتسيا پولكوۆنيگى ا.دۇيسەمباەۆ، سونداي-اق پوليتسيا دەپارتامەنتىنىڭ جەكە قۇرامى بولدى.

قارالى جيىندا قىزمەتكەرىنىڭ جوعارى ادامگەرشىلىك قاسيەتتەرىن ەسكە العان پوليتسيا دەپارتامەنتىنىڭ باستىعى ايان دۇيسەمباەۆ:  «مەنىڭ ءوزىمنىڭ قىزمەت ەتكەن بىرنەشە جىلداردىڭ ىشىندە العاش رەت جاس جاۋىنگەرىمنەن ايىرىلىپ تۇرمىن. مەنىڭ جاۋىنگەرىم قان مايداندا ەمەس، ادامدى اجالدان اراشالاۋ كەزىندە جايىقتىڭ اساۋ تولقىنىندا قازا بولدى. قوش بول، مەنىڭ جاس جاۋىنگەرىم!» - دەپ تولقي سويلەدى.

اقىمعاليەۆتەر وتباسىنا كوڭىل ايتىپ جولداعان قر سەنات پارلامەنتىنىڭ توراعاسى د.نازارباەۆا، «نۇر وتان» پارتياسى توراعاسىنىڭ ءبىرىنشىسى حاتشىسى م.اشىمباەۆ، قر ىشكى ىستەر ءمينيسترى ە.تۇرعىمباەۆتىڭ جەدەل حاتتارى تانىستىرىلدى. جەرلەۋ ءراسىمى كەزىندە ەرلىكپەن قازا تاپقان پوليتسيا سەرجانتى شالقار اقىمعاليەۆقا قۇرمەت كورسەتۋ ءۇشىن پوليتسيا دەپارتامەنتى قىزمەتكەرلەرى اسپانعا ءۇش مارتە بوس پاتروندارمەن وق اتىپ، قوشتاسۋ بەلگىسىن ءبىلدىردى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار