قازاقستان ءانشىسىنىڭ ءۇش ساعاتقا جۋىق ۋاقىتقا سوزىلعان جەكە كونتسەرتى وتكەن سارايدا ينە شانشار ورىن بولعان جوق. بيلەتتەر ساتىلىمعا تۇسكەن العاشقى كۇندەردە-اق ءوتىپ كەتكەن بولاتىن. قازىرگى ۋاقىتتا الەۋمەتتىك جەلىدە ديماش كونتسەرتىنىڭ ۆيدەوسى جۇكتەلگەن.
ماسكەۋدەگى كونتسەرتكە ديماشتىڭ شىعارماشىلىعىنا شىنايى بەرىلگەن الەمنىڭ 50-دەن استام ەلىنەن جانكۇيەرلەر كەلگەن. قۇرمەتتى قوناقتار اراسىندا ءانشىنىڭ اتا-اناسى, قازاقستاننىڭ رەسەيدەگى ەلشىسى, قازاقستاننىڭ مادەنيەت جانە سپورت ءمينيسترى, رەسەي پرەمەر-ءمينيسترىنىڭ جۇبايى, ەسترادا جۇلدىزدارى جانە وزگە دە بەدەلدى ازاماتتار بولعان.
ديماشتىڭ ءار ءانى اياقتالعان سايىن جانكۇيەرلەردىڭ «ديماش!», «جارايسىڭ!» دەگەن داۋىستاردان زال جاڭعىرىپ تۇردى. اسىرەسە, قىتايلىق ونەرسۇيەر قاۋىمنىڭ «ديماشي», «شەشە» دەگەن ايقايىنان قۇلاق تۇنادى.
قازاقستاندىق ءانشى ديماش قۇدايبەرگەننىڭ كونتسەرتىنەن ءبىر كۇن بۇرىن الەمنىڭ 56 ەلىنەن 400-دەن استام جانكۇيەر ماسكەۋدە «pre-party»-دە باس قوسقان ەدى.
