بۇل تۋرالى «ەرتىس دارىنى» وڭىرلىك قوسىمشا ءبىلىم بەرۋ وقۋ-ادىستەمەلىك ورتالىعى ءمالىم ەتتى.
- جاراتىلىستانۋ-ماتەماتيكالىق باعىتتاعى پاندەر بويىنشا رەسپۋبليكالىق وليمپيادا اقتوبە قالاسىندا ءوتتى, - دەدى ورتالىقتا. – ءبىلىم باسەكەسىنە ەلىمىزدىڭ 14 ايماعىنان كەلگەن 19 كوماندا قۇرامىندا 832 وقۋشى قاتىستى. پاۆلودار وبلىسىنىڭ نامىسىن قورعاعان وبلىستىق وليمپيادانىڭ 43 جەڭىمپازدارىنىڭ ىشىنەن 22 وقۋشى جۇلدەلى ورىنعا ىلىكتى. ونىڭ ىشىندە 6 التىن, 3 كۇمىس جانە 13 قولا مەدالدى جەڭىپ الدى.
قاجىرلى دا قىزىقتى كۇرەس بارىسىندا التىن مەدالداردى فيزيكا پانىنەن دارىندى بالالارعا ارنالعان №8 ليتسەي-مەكتەبىنىڭ 8, 9, 10, 11 سىنىپ وقۋشىلارى دىنمۇحامەد راحىمجانوۆ, انتون دراگانچۋك, ميراس قوبلان جانە ۆلاديمير ليم يەلەندى. ال, گەوگرافيا پانىنەن – دارىندى بالالارعا ارنالعان اباي اتىنداعى №10 ليتسەي-مەكتەبىنىڭ 10 سىنىپ وقۋشىسى اياجان ەگىنباي, حيميا پانىنەن – دارىندى بالالارعا ارنالعان №8 ليتسەي-مەكتەبىنىڭ 11 سىنىپ وقۋشىسى ۆلاديسلاۆ چەردانتسەۆ ۇتىپ الدى. 3 كۇمىس, 13 قولامەن قوسا, دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 9, 10, 11 سىنىپ وقۋشىلارى ازامات اتيكەەۆ, ءمادي ماديەۆ, ءشامىل ەرجانوۆ جانە پاۆلودار قالالىق №39 مەكتەبىنىڭ 10 سىنىپ وقۋشىسى سۇلتان ءىلياس پەن دارىندى قىز بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 11 سىنىپ وقۋشىسى كارينا تەمىرجان «دارىن» رعپو-نىڭ «قۇرمەت گراموتاسىن» الدى.
ايتا كەتەيىك, وبلىس وقۋشىلارىنىڭ كومانداسى جالپى ەسەپتە 3-ورىنعا قول جەتكىزىپ, «ەڭ ۇزدىك وليمپيادالىق كوماندا - 2019» اتاعىنا يە بولدى.
