بۇعان دەيىن تاۋەلسىزدىك اتاۋىن يەلەنگەن كورىكتى كوشەنىڭ جالپى ۇزىندىعى 6,8 شاقىرىم بولسا, كەڭدىگى 16-18 مەتر شاماسىندا. قالانىڭ شىعىس قاپاسىنان باستالىپ, ورتالىق الاڭىنا اكەلەتىن بۇل كوشە بويىندا تۇڭعىش پرەزيدەنت نۇرسۇلتان نازارباەۆتىڭ ەسكەرتكىشى, بەلگىلى قوعام قايراتكەرلەرىنە ورناتىلعان ەسكەرتكىشتەر ورالاسقان.
سونداي-اق, كوشە قاپتالىندا بەس دەمالىس سكۆەرى, ونىڭ ىشىندە ەلىمىزدىڭ مەملەكەتتىك رامىزدەرىنە ارنالعان كەشەن, 1 ورتالىق الاڭ, 1 ورتالىق ساياباق, 1 اكۆاپارك جانە 1 جوعارى وقۋ ورنى, 5 كوللەدج, 2 جالپى ورتا ءبىلىم بەرەتىن مەكتەپ, الماتى وبلىسى اكىمدىگىنىڭ عيماراتى, 2 ءىرى مەملەكەتتىك مەكەمەنىڭ اكىمشىلىك عيماراتتارى, ءى.جانسۇگىروۆ اتىنداعى مادەنيەت سارايى, ءىلياس جانسۇگىروۆتىڭ ادەبي مۇراجايى, 1 بالالار ەمحاناسى, ستراتەگيالىق ماڭىزى جوعارى نىسان بولىپ تابىلاتىن وباعا قارسى ستانسا, 2 بالاباقشا, 5 ءىرى ساۋدا ورنى, مەيرامحانالار قونىستانعان.
قالماحانبەت مۇقامەتقالي,
«Egemen Qazaqstan»
الماتى وبلىسى
