21 ناۋرىز، 2019

ەۋرووداق نۇرسۇلتان نازارباەۆتىڭ شەشىمىنە پىكىر ءبىلدىردى

873 رەت كورسەتىلدى

ەۋروپالىق وداق سىرتقى ساياسات قىزمەتىنىڭ رەسمي وكىلى مايا كوسيانچيچ ەلباسى نۇرسۇل­تان نازارباەۆتىڭ قازاقستان پرەزيدەنتى وكىلەتتىگىن توقتاتۋ شەشىمىنە وراي پىكىر ءبىلدىردى. 

«پرەزيدەنت نۇرسۇلتان نازارباەۆتىڭ وتستاۆكاسى جايىندا بىلدىك. ول قازاقستاننىڭ پرەزيدەنتى بولعان 30 جىلعا جۋىق ۋاقىتتىڭ ىشىندە كونس­تيتۋتسيالىق رەفورمالاردى قوسا العاندا جاڭعىرۋ رەفورمالارىن ىلگەرىلەتتى. پرەزي­دەنت نازارباەۆ بەيبىتشىلىك، تۇراقتىلىق پەن قاۋىپسىزدىككە جاردەمدەسۋگە ايرىقشا ءمان بەرە وتىرىپ، وڭىرلىك، سونىمەن قاتار جاھاندىق دەڭگەيدەگى ىنتىماقتاستىقتى دامىتۋدا ماڭىزدى رولگە يە بولدى»،  دەدى  م.كوسيانچيچ. سونىمەن قاتار ول  قازاقستان ەۋروپالىق وداق ءۇشىن ماڭىزدى ءوڭىر بولىپ قالا بەرەتىندىگىن باسا ايتتى. «ەۋروپالىق وداق ءۇشىن  وڭىردەگى ماڭىزدى سەرىكتەس بولىپ قالا بەرەتىن قازاقستان ورتالىق ازيا ەلدەرىنىڭ ىشىندە ەو-مەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمگە ەڭ ءبىرىنشى قول قويعان ەدى. ەۋروپالىق وداق قازاقستاننىڭ ەڭ ءبىرىنشى ساۋدا سەرىكتەسى ءارى ينۆەستورى بولىپ سانالادى»، دەدى ول.

سوڭعى جاڭالىقتار

تاكەن جازعان اشتىق

تاريح • كەشە

ۇقساس جاڭالىقتار