اپپليكاتسيا اتاۋى لاتىننىڭ «قيىستىرۋ», «جابىستىرۋ» دەگەن سوزىمەن ساباقتاسىپ جاتىر. سۋرەت تۇرىندە ورىندالعان اپپليكاتسيا ءتۇرى ەرتەرەكتە گرەك ونەرىندە پايدا بولعان دەسەدى. بۇگىندە قاي حالىقتىڭ مادەنيەتىندە دە بۇل ونەردىڭ الاتىن ورنى ەرەكشە. كوزگە جىلىلىق ۇيالاتاتىن اسەم شىعارمانى كەيىپتەۋگە مەرۋەرت ايعا جۋىق ۋاقىت جۇمساپتى. ءبىر قاراعاندا وپ-وڭاي سەكىلدى كورىنگەنمەن, ءاربىر ءداندى تۇسىنە ساي ۇيلەسىمدى ەتىپ كەنەپ بەتىنە ورنالاستىرۋ اسقان توزىمدىلىك پەن ۇقىپتىلىقتى قاجەت ەتەدى. ون التى جاستاعى ستۋدەنتتىڭ سۋرەت ونەرىنە دەگەن قىزىعۋشىلىعى زور. اسبۇرشاق, كۇرىش, جۇگەرى, قاراقۇمىق, كاكنار, جاسىمىق, ءماش سەكىلدى الۋان ءتۇستى داقىلدار كارتينانىڭ اجارىن اشا تۇسكەن. بايقاۋعا قاتىسقان الپىستان استام شىعارمانىڭ ىشىنەن دارا شىققان تۋىندىسىن تالىمگەر ء«ومىر ءنارى» دەپ اتاپتى.
«بايقاۋعا گەرمانيا, رەسەي ەلدەرىنەن كەلگەن ماماندار قازىلىق جاسادى. ۇستازىم جانار ەرمەكقىزى وسىناۋ ايرىقشا سالانىڭ قىر-سىرىنا باۋلىپ كەلەدى. بۇگىندە كونديتەر ماماندىعى بويىنشا ءبىلىم الامىن. بولاشاقتا ۇلكەن كونديتەر بولۋدى ارماندايمىن. قازاقتىڭ ۇلتتىق تاعامدارىنىڭ الەمدىك برەندكە اينالۋىنا ءوز ۇلەسىمدى قوسسام دەيمىن. قوسىمشا مۇنداي ونەر تۇرىمەن اينالىسۋ ماعان شابىت سىيلايدى ءارى قاناتتاندىرادى. ەڭبەگىمنىڭ باعالانعانىنا قۋانىشتىمىن», – دەيدى مەرۋەرت شايىح.
ارمان وكتيابر,
«Egemen Qazaqstan»
الماتى
