«رەيتەر» اگەنتتىگىنىڭ حابارى
بەيسەنبى, 13 قىركۇيەك 2012 7:40
يەمەن پرەزيدەنتى ابد راببو مانسۋر حادي كەشە ءوز اكىمشىلىگى مەن جەتەكشىمينيسترلىكتەردىڭ باسشىلارىن اۋىستىردى. «رەيتەر» اگەنتتىگىنىڭحابارلاۋىنشا, مۇناي جانە ءبىلىم مينيسترلەرى, سونداي-اق سىرتقى بارلاۋجانە ۇلتتىق قاۋىپسىزدىك قىزمەتىنىڭ باسشىلارى قىزمەتتەرىنەنبوساتىلعان.
بەيسەنبى, 13 قىركۇيەك 2012 7:40
يەمەن پرەزيدەنتى ابد راببو مانسۋر حادي كەشە ءوز اكىمشىلىگى مەن جەتەكشىمينيسترلىكتەردىڭ باسشىلارىن اۋىستىردى. «رەيتەر» اگەنتتىگىنىڭحابارلاۋىنشا, مۇناي جانە ءبىلىم مينيسترلەرى, سونداي-اق سىرتقى بارلاۋجانە ۇلتتىق قاۋىپسىزدىك قىزمەتىنىڭ باسشىلارى قىزمەتتەرىنەنبوساتىلعان.
ناقتى دەرەكتەرگە قاراعاندا, قىزمەتتەرىنەن بوساتىلعان بۇل لاۋازىمدى تۇلعالار ەلدىڭ بۇرىنعى پرەزيدەنتى الي ابدۋللا سالەحتىڭ سەرىكتەرى بولعان كورىنەدى. الي سالەح ەلدەگى توڭكەرىس سالدارىنان پرەزيدەنتتىكتەن كەتۋگە ءماجبۇر بولعان ەدى. پرەزيدەنت سونداي-اق بىرقاتار كۇش ۆەدومستۆولارىنىڭ باسشىلارىن دا قىزمەتتەرىنەن بوساتىپ وتىر. كەيبىر ساراپشىلار لاۋازىمدى تۇلعالاردىڭ قىزمەتتەن بوساتىلۋىن 11 قىركۇيەكتە ەلدىڭ قورعانىس ءمينيسترى موحاممەد ناسەر احمەد اليگە جاسالعان قاستاندىقپەن بايلانىستىرادى.
كاراچيدەگى جاعداي
«فرانس-پرەسس» اگەنتتىگىنىڭ تاراتقان اقپاراتتارى بويىنشا, پاكستاننىڭ كاراچي قالاسىنداعى تىگىن فابريكاسىندا بولعان ورتتەن قازا تاپقاندار سانى 110 ادامنان اسقان. كاراچي قالاسى ءورت قىزمەتى باستىعى ەحتەشام ءساليمنىڭ ءمالىم ەتۋىنشە, ورتەنگەن عيماراتتان ادامداردىڭ مۇردەسىن ىزدەستىرۋ جۇمىستارى جالعاسۋدا.
ءورت قىزمەتى باستىعىنىڭ ايتۋىنشا, اجال قۇشقانداردىڭ كوپشىلىگىنىڭ دەنەسى عيمارات استىنداعى جەرتولەدەن تابىلىپ وتىر. جەرتولە تولىعىمەن جانىپ كەتكەن. ەلدىڭ قارجىلىق جانە ونەركاسىپ استاناسى سانالاتىن كاراچيدەگى ورتتەن اپات بولعاندار سانى ارتا ءتۇسۋى ءمۇمكىن. ال ءورت 11 قىركۇيەكتە بولعان. وسى كۇنى سونداي-اق لاحور قالاسىنداعى اياق كيىم فابريكاسىندا دا ءورت شىققان. سونىڭ سالدارىنان 25 ادام مەرت بولعان ەكەن. ءبىر كۇندە ەكى ءىرى فابريكادا ورىن العان ورتكە قاتىستى پاكستان بيلىگىنە سىندار دا ايتىلا باستادى.
رەسمي مالىمدەمە جاسامادى
سەيسەنبى كۇنى كەشكىسىن اقش-تىڭ بەنگازي قالاسىنداعى كونسۋلدىعىنا شابۋىل جاسالدى. «فرانس-پرەسس» اگەنتتىگىنىڭ ليۆياداعى ءتىلشىسىنىڭ حابارلاۋىنشا, قارۋلانعان توپ ديپلوماتيالىق ميسسيانىڭ عيماراتىنا باسىپ كىرىپ, ورتەپ جىبەرگەن.
ال «ال-ارابيا» تەلەارناسىنىڭ حاباردار ەتۋىنشە, اقش كونسۋلدىعى گراناتومەتتەن اتقىلانعان. ليۆيا بيلىگى وكىلىنىڭ سوزىنە قاراعاندا, كونسۋلدىق عيماراتقا يسلامشىلار شابۋىل جاساعان. ءويتكەنى, وعان امەريكالىق تەلەارنانىڭ 11 قىركۇيەكتەگى تەررورلىق ارەكەتكە وراي كورسەتكەن ءفيلمى سەبەپ بولعان. فيلمدە مۇحاممەد پايعامباردى عايباتتاعان كورىنىستەر بار كورىنەدى. مۇنداي قارسىلىق سونداي-اق ەگيپەت استاناسى كايردە دە وتكەن. اقش-تىڭ مەملەكەتتىك دەپارتامەنتى ليۆياداعى جاعدايعا بايلانىستى قازىرگە رەسمي مالىمدەمە جاساعان جوق.
ءتورت ادام ءتىرى قالدى
رەسەيدىڭ تەرگەۋ كوميتەتى كامچاتكادا اپاتقا ۇشىراعان ان-28 ۇشاعىنا قاتىستى ءۇش جاعدايدى اتادى. ولار: ەكيپاج مۇشەلەرىنىڭ سەنىمسىز ءىس-قيمىلى, ۇشاقتىڭ تەحنيكالىق اقاۋلىعى جانە اۋا رايىنىڭ قولايسىزدىعى.
تەرگەۋشىلەر ۇشاقتاعى جانارمايدى تەكسەرۋدى قولعا العان. سونىمەن بىرگە, ۇشقىشتاردىڭ جەرگىلىكتى باسقارۋ قىزمەتىمەن سويلەسكەن جازبالاردى دا تاپقان. 12 قىركۇيەكتە پەتروپاۆلوۆسك-كامچاتسكىدەن پالانا باعىتى بويىنشا ۇشقان رەيس تۇسكە جاقىن راداردان جوعالىپ كەتكەن. كوپ كەشىكپەي اۋە كەمەسىنىڭ سىنىقتارى جاقىن ماڭنان تابىلدى. اپات سالدارىنان ۇشاقتاعى 10 ادام وپات بولدى, ولاردىڭ ەكەۋى ەكيپاج مۇشەلەرى. ۇشاقتاعى ءتورت جولاۋشى امان قالدى.
كەزدەسۋگە نيەت بىلدىرمەدى
اقش پرەزيدەنتى باراك وباما يزرايل پرەمەر-ءمينيسترى بينيامين نەتانياحۋدىڭ قۇراما شتاتتارىنا ساپارى كەزىندە ونىمەن كەزدەسپەيدى. بۇل جونىندە «فرانس-پرەسس» اقپارات اگەنتتىگى حابارلادى.
ءيزرايلدىڭ جوعارى شەندى وكىلىنىڭ ايتۋىنشا, ب.نەتانياحۋ ءوزىنىڭ ساپارى بارىسىندا ب.وبامامەن كەزدەسۋدى ءوتىنگەن. بىراق اق ءۇي ونىڭ ءوتىنىشىن قابىلداماعان. رەسمي دەرەكتەرگە قاراعاندا, اقش پرەزيدەنتىنىڭ جۇمىس كەستەسى اسا تىعىز بولعاندىقتان, ول يزرايل پرەمەر-مينيسترىمەن كەزدەسۋدى ءجون دەپ تاپپاعان سياقتى. دەگەنمەن, پرەمەر-مينيستر اقش-تىڭ وزگە دە جوعارى لاۋازىم يەلەرىمەن, ونىڭ ىشىندە مەملەكەتتىك حاتشى ح.كلينتونمەن كەزدەسەدى.
وسىنداي دا بولادى ەكەن
لوندوننىڭ باتىسىندا حيتروۋ اۋەجايىنا قونۋى كەزىندە ۇشاقتان قۇلاعان ەر ادامنىڭ دەنەسى تابىلدى. اقپارات كوزدەرىنە قاراعاندا, ول 20-30 جاستارداعى افريكالىق كورىنەدى.
پوليتسيا قىزمەتكەرلەرى ۇستىندە دجينسى مەن كەۋدەشەسى بار ادام ەكيپاج مۇشەلەرى دە ەمەس ەكەندىگىن, ۇشاق بورتىندا مۇنداي ادامنىڭ بولماعانىن دا ايتادى. الدىن الا جاسالعان قورىتىندى بويىنشا, ول ۇشاق شاسسيىنىڭ ءبولىگىندە تىعىلىپ, جاسىرىن ۇشىپ كەلگەن بەيباق سياقتى. جەرگىلىكتى باسىلىمنىڭ جازۋىنشا, الگى ادام 600 مەتردەي بيىكتىكتەن قۇلاعان.
ينتەرنەت ماتەريالدارى نەگىزىندە ازىرلەندى.
