«بۇگىنگى كۇنى ەل ەكونوميكاسىندا 6,6 ميلليونعا تارتا جالدامالى جۇمىسكەر جۇمىس ىستەۋدە, بەلسەندى جۇمىس ىستەپ تۇرعان 165 مىڭ كاسىپورىن بار. بۇل ازاماتتاردىڭ ەڭبەك قۇقىقتارىن قورعاۋ جانە ەڭبەك قاتىناستارىن رەتتەۋ قاي قوعامنىڭ بولسا دا وزەكتى ماسەلەسى. وزدەرىڭىزگە بەلگىلى, دۇنيەجۇزىلىك ەكونوميكالىق فورۋم «ەڭبەك نارىعىنىڭ تيىمدىلىگىن» جاھاندىق باسەكەگە قابىلەتتىلىك يندەكس تىزبەسىنە ەنگىزىپ, جىل سايىن جۇمىس بەرۋشىلەر اراسىندا تاۋەلسىز ساۋالناما جۇرگىزىپ كەلەدى» دەدى مينيستر.
سونداي-اق ب.ساپارباەۆ 2018 جىلى وسى ۇيىمنىڭ جۇرگىزگەن ساۋالناماسىنىڭ قورىتىندىسى بويىنشا قازاقستان 140 مەملەكەتتىڭ اراسىندا 35-ورىننان 30-ورىنعا كوتەرىلگەنىن ايتىپ ءوتتى.
«پرەزيدەنتتىڭ 2018 جىلعى 5 قازانداعى جولداۋىنا سايكەس 2019 جىلعى 1 قاڭتاردان باستاپ ەڭ تومەنگى جالاقى 1,5 ەسەگە نەمەسە 42, 5 مىڭ تەڭگەگە ارتتىرىلدى (2018 جىلعى 1 قاڭتاردان باستاپ ەتج 28 284 تەڭگەنى قۇرايدى). جالدامالى جۇمىسكەرلەردىڭ ورتاشا نومينالدى جالاقىسى 176 مىڭ تەڭگەنى قۇرايدى» دەدى مينيستر ب.ساپارباەۆ.
