جالپى, رەسپۋبليكا بويىنشا 2019 جىلدىڭ 13 ناۋرىزىنا 33 121 سالىق تولەۋشى بيۋدجەتكە 2018 جىلدىڭ 1 قازانىندا بولعان جالپى سوماسى 7,3 ميلليارد تەڭگەنى قۇرايتىن نەگىزگى قارىزىن تولەگەن. بۇل سالىق تولەۋشىلەر بويىنشا 1,6 ميلليارد تەڭگە ءوسىمپۇل جانە 208,0 ميلليون تەڭگە ايىپپۇل ەسەپتەن شىعارىلادى.
ال قازىرگە دەيىن 8 283 سالىق تولەۋشى بويىنشا 587 ميلليون تەڭگە سوماسىندا ءوسىمپۇل, ءۇش سالىق تولەۋشى بويىنشا 219 مىڭ تەڭگە سوماسىندا ايىپپۇل ەسەپتەن شىعارىلىپ ۇلگەردى.
جۇرگىزىلىپ جاتقان سالىقتىق امنيستيا اياسىندا 714,5 ميلليون تەڭگە نەگىزگى قارىزىن تولەگەن اتىراۋ وبلىسىنىڭ كاسىپورنىنا 89 ميلليون تەڭگە ءوسىمپ ۇلى كەشىرىلدى. وسى وبلىستا 480 تەڭگە سالىق بەرەشەگىن تولەگەن جەكە كاسىپكەردىڭ 10 مىڭ تەڭگە ءوسىمپ ۇلى ەسەپتەن شىعارىلدى.
2019 جىلدىڭ 1 قاڭتارىنان باستاپ شاعىن جانە ورتا بيزنەس سۋبەكتىلەرى ءۇشىن سالىقتىق راقىمشىلىقتى جۇرگىزۋدى قاراستىراتىن زاڭ كۇشىنە ەنگەنى بەلگىلى. ال 2019 جىلدىڭ 8 اقپانىنان باستاپ بەرەسىنى تولەگەن جاعدايدا ءوسىمپۇل مەن ايىپپۇل سوماسىن ەسەپتەن شىعارۋ قاعيدالارى قولدانىسقا ەنگەن بولاتىن.
الدىن-الا دەرەكتەر بويىنشا 2018 جىلعى 1 قازانداعى جاعدايعا سايكەس 340,6 ملرد تەڭگە سالىق بەرەشەگى بار 90 077 شاعىن جانە ورتا بيزنەس سۋبەكتىلەرى (31 210 زاڭدى تۇلعالار جانە 58 867 دارا كاسىپكەرلەر) راحىمشىلىققا جاتادى.
بۇل رەتتە, شاعىن جانە ورتا بيزنەس سۋبەكتىلەرىنىڭ مەملەكەتتىك كىرىستەر ورگاندارىنا بارۋدىڭ قاجەتى جوق: ءوسىمپۇلدار مەن ايىپپۇلدار سالىق تولەۋشىنىڭ ءوتىنىشىنسىز ەسەپتەن شىعارىلادى. وڭالتۋ راسىمىندەگى جانە سالىقتار بويىنشا تولەۋ مەرزىمىن ۇزارتقان سالىق تولەۋشىلەرگە قاتىستى راحىمشىلىق قولدانۋدىڭ ءتارتىبى باسقاشا.
