قور كىمدەرگە كومەك كورسەتەدى؟
الماتىدا تۇراقتى تىركەۋى جانە اتاۋلى الەۋمەتتىك كومەك الۋعا قۇقىعى بار (تۇرمىسى تومەن) كوپبالالى از قامتىلعان وتباسىلارعا.
قانداي كومەك تۇرلەرى كورسەتىلەدى؟
قور مىناداي كومەك تۇرلەرىن كورسەتەدى:
- اسىراۋشىسىنان ايرىلعاندا 1 جىلعا دەيىن بىرەتتىك تولەم بەرىلەدى;
- اۋىر سىرقاتقا ۇشىراعان كەزدە مىندەتتى مەديتسينالىق قىزمەت تىزىمىنە ەنبەيتىن مەديتسينالىق كومەكتىڭ بىررەتتىك تولەمى;
- جەكە مەنشىكتەگى اپاتتى ۇيگە جوندەۋ جۇمىستارىن جۇرگىزۋ مەن تۇرعىن ءۇي جاعدايىن جاقسارتۋ ءۇشىن بەرىلەتىن بىررەتتىك تولەم;
- جاراقات العاندا جۇمىس ىستەۋ مۇمكىندىگىنەن ايرىلىپ, رەابليتاتسيا كەزىندەگى اي سايىنعى تولەم;
- ازىق-ت ۇلىك سەرتيفيكاتتارىن بەرۋ;
- بالالاردىڭ كيىمى مەن اياق كيىمىنە سەرتيفيكاتتار بەرۋ;
- بالالار مەن مۇگەدەكتەر اتا-انالارىنىڭ تۇرعىن ۇيگە بەيىمدەلۋىنە كومەك كورسەتۋ;
كومەك الۋ ءۇشىن قانداي قۇجاتتار قاجەت؟
- جوعارىدا اتالعان كومەكتەردىڭ كەز-كەلگەنىن الۋ ءۇشىن مىنا قۇجاتتاردى ۇسىنۋ قاجەت: جازباشا ءوتىنىش, ءاربىر الۋشىنىڭ جەكە مالىمەتتەرىن جيناۋ ءۇشىن كەلىسىم, اتا- انالاردىڭ جەكە كۋالىكتەرى مەن بالالاردىڭ تۋ كۋالىكتەرى, اتاۋلى كومەكتىڭ بەرىلۋى جونىندە اۋداندىق الەۋمەتتىك ءال-اۋقات ءبولىمىنىڭ انىقتاماسى. كومەكتىڭ جەكەلەگەن تۇرلەرى بويىنشا كەستەدە كورسەتىلگەن قوسىمشا قۇجاتتار تالاپ ەتىلەدى.
قۇجاتتار قايدا تاپسىرىلادى؟
- ءسىز الماتى قالاسىنداعى «Nur Otan» پارتياسىنىڭ كەز كەلگەن فيليالىنا تاپسىرا الاسىز.
بۇل كومەكتەر ءجيى كورسەتىلە مە, كوپبالالى جانە تۇرمىسى تومەن وتباسىلارعا قور قانشا مەرزىمگە دەيىن كومەكتەسە الادى؟
- ءبىز كومەكتىڭ ءبىر ءتۇرى بويىنشا بىررەتتىك قولداۋ كورسەتەمىز. قور اشىق جانە تۇراقتى نەگىزدە جۇمىس جاسايدى. اتالعان شارتتار بويىنشا ءبىز جىلدىڭ سوڭىنا دەيىن قۇجاتتار قابىلداۋدى جوسپارلاۋدامىز.
ەگەر وتباسىنىڭ تۇراقتى تىركەۋى جوق بولسا نەمەسە ۋاقىتشا تىركەۋدە تۇرسا شە؟
- مۇنداي جاعدايدا «Nur Otan» پارتياسىنىڭ ءار اۋدانداعى قوعامدىق قابىلداۋىنداعى «بىرىڭعاي الدەۋمەتتىك تەرەزەگە» جۇگىنگەن ءجون. بايلانىس مالىمەتتەرىن پارتيانىڭ Nurotan.kz. سايتىنان تابۋعا بولادى.
ءوز كەزەگىندە «باقىتتى وتباسى – الماتى» قوعامدىق قورىنىڭ ديرەكتورى گۋلناس احمەتوۆا ازاماتتار مەن ۇيىمدار تاراپىنان جينالعان قارجىدان اتاۋلى كومەكتى بەرۋ ءۇشىن الەۋمەتتىك ءال-اۋقات قورى اۋداندىق اكىمدىكتەرمەن بىرگە كەشەندى سكرينينگ ۇيىمداستىراتىنىن, ءار وتباسىن ارالاپ شىعاتىندىقتارىن ايتتى, وسىنىڭ نەگىزىندە كومەككە زارۋلەردىڭ بازاسى جاسالادى.
«كۇنى كەشە عانا ءبىز قۇنى 11 ملن 400 مىڭ تەڭگە بولاتىن ازىق-ت ۇلىك كارزەڭكەسىنىڭ 400 سەرتيفيكاتىن جانە قۇنى 10 ملن 800 مىڭ تەڭگە بولاتىن بالالار كيىمدەرىنىڭ 200 سەرتيفيكاتىن ساتىپ الدىق. بارلىق شىعىنداردى دەپۋتاتتاردان, قوعام بەلسەندىلەرىنەن, بلوگەرلەردەن جانە تۇرمىسى تومەن كوپبالالى وتباسىلار وكىلدەرىنەن قۇرالعان قاداعالاۋ كەڭەسى ءجىتى باقىلايتىن بولادى. قوردىڭ قامقورشىلار كەڭەسى ءار جارتى جىل سايىن قايىرىمدىلىق بويىنشا ىسكە اسقان جوبالار تۋرالى كوپشىلىك الدىندا ەسەپ بەرەدى جانە ول قوردىڭ ارنايى سايتىندا, باسقا دا بۇقارالىق اقپارات كوزدەرىندە جاريالانادى», - دەپ اتاپ ءوتتى گۋلناس احمەتوۆا.
ايتا كەتەرلىگى, بۇرىندارى الماتى اكىمى باۋىرجان بايبەك قالانىڭ تۇرمىسى تومەن كوپبالالى وتباسىلارىنا كەشەندى قولداۋ كورسەتۋدىڭ ناقتىلى مەرزىمى مەن شارالارىن اتاپ وتكەن ەدى, ولار - جەڭىلدەتىلگەن يپوتەكا, وقۋشىلار مەن ستۋدەنتتەردىڭ ستيپەنديالارى, تۇرمىسى تومەن كوپبالالى وتباسىلاردىڭ ەكىنشى بالاسىنان باستاپ تەگىن بالا باقشا, ەڭبەكپەن قامتۋ, انالار ورتالىعىن اشۋ جانە باسقالارى.
جالپى, حالىقتىڭ از قامتىلعان توبىنا, ونىڭ ىشىندە تۇرمىسى تومەن كوپبالالى وتباسىلارعا كەشەندى قولداۋ كورسەتۋ ءۇشىن بيىلعى جىلى الماتىدا قوسىمشا 5,5 ملرد تەڭگەدەن استام قارجى بولىنەتىن بولادى.
