بۇل كەزدەسۋدىڭ ءبىرىنشى كەزەڭدە عانا ءبىزدىڭ جىگىتتەر ءبىراز تىرەستى. دەسەك تە 14 مينۋتتا اندرەي ستاس «اۆانگاردتى» العا شىعاردى. ۇزىلىستەن شىققان بەتتە سەرگەي شۋماكوۆ ەكىنشى شايبانى قاقپاعا ەنگىزدى.
سودان كەيىن-اق ويىننىڭ ءمانى دە, ءسانى دە كەتتى. قوس كوماندانىڭ ويىنشىلارى ءبىر-بىرىنە جۇدىرىقتارىن الا جۇگىردى. نەگىزگى ايقاس پاۆەل اكولزين مەن ميحايل فيسەنكو اراسىندا ءوربىدى. ناتيجەسىندە العاشقىسى ءتورت مينۋتقا, ەكىنشىسى ەكى مينۋتقا مۇز ايدىنىنان قۋىلدى. قالعان ۋاقىتتا دا ومبىلىقتاردىڭ باسىمدىعى ايقىن اڭعارىلدى. سەرگەي شيروكوۆ (36 مينۋت), كيريلل سەميونوۆ (44 مينۋت) جانە كودي فرانسون (53 مينۋت) ءبىر-ءبىر گولدان سوعىپ, ەسەپتە 5:0-گە جەتكىزدى.
وسىلايشا, ءۇش كەزدەسۋدىڭ قورىتىندىسى بويىنشا «اۆانگارد» 2:1 ەسەبىمەن العا شىقتى. ەندى ولار ەرتەڭ قايتا كۇش سىناسادى. بۇل باسەكە دە ومبىدا وتەدى.
عالىم سۇلەيمەن,
«Egemen Qazaqstan»
