كوفي انناننىڭ ءىسىن كىم جالعاستىرادى؟
جۇما, 10 تامىز 2012 19:43
بىرىككەن ۇلتتار ۇيىمى مەن اراب مەملەكەتتەرى ليگاسىنىڭ (امل) سيريا شيەلەنىسىن رەتتەۋ جونىندەگى ارنايى وكىلى كوفي انناننىڭ 2012 جىلعى 31 تامىزدان كەيىن مەرزىمدى ۋاقىتى بىتكەن سوڭ, قىزمەتىنەن كەتەتىنى تۋرالى مالىمدەمەسى ءتۇرلى تۇرعىداعى اڭگىمەلەرگە ارقاۋ بولىپ وتىر.
بۇۇ باس حاتشىسى پان گي مۋن وعان قاتتى وكىنىش ءبىلدىردى. بىرەۋلەر ونىڭ ميسسياسىنىڭ كۇنى بۇرىن ساتسىزدىككە ۇشىرايتىنى بەلگىلى ەدى دەپ تابالاعانداي پىكىر ايتىپ جاتىر. ءبىر ءسوزبەن ايتقاندا, بىرەۋلەر وكىنسە, بىرەۋلەر قۋانعانداي. كوفي انناننىڭ ميسسياسى, ول ۇسىنعان بىتىمگەرشىلىك جوسپارى, بار تاراپتان قولداۋ تاپقاندا, شيەلەنىستى ءبىتىمگەرشىلىكپەن شەشۋگە مۇمكىندىك بار ەدى, بىراق بۇل مۇمكىندىك پايدالانىلمادى. وعان كوپ كەدەرگى جاسالدى.
جۇما, 10 تامىز 2012 19:43
بىرىككەن ۇلتتار ۇيىمى مەن اراب مەملەكەتتەرى ليگاسىنىڭ (امل) سيريا شيەلەنىسىن رەتتەۋ جونىندەگى ارنايى وكىلى كوفي انناننىڭ 2012 جىلعى 31 تامىزدان كەيىن مەرزىمدى ۋاقىتى بىتكەن سوڭ, قىزمەتىنەن كەتەتىنى تۋرالى مالىمدەمەسى ءتۇرلى تۇرعىداعى اڭگىمەلەرگە ارقاۋ بولىپ وتىر.
بۇۇ باس حاتشىسى پان گي مۋن وعان قاتتى وكىنىش ءبىلدىردى. بىرەۋلەر ونىڭ ميسسياسىنىڭ كۇنى بۇرىن ساتسىزدىككە ۇشىرايتىنى بەلگىلى ەدى دەپ تابالاعانداي پىكىر ايتىپ جاتىر. ءبىر ءسوزبەن ايتقاندا, بىرەۋلەر وكىنسە, بىرەۋلەر قۋانعانداي. كوفي انناننىڭ ميسسياسى, ول ۇسىنعان بىتىمگەرشىلىك جوسپارى, بار تاراپتان قولداۋ تاپقاندا, شيەلەنىستى ءبىتىمگەرشىلىكپەن شەشۋگە مۇمكىندىك بار ەدى, بىراق بۇل مۇمكىندىك پايدالانىلمادى. وعان كوپ كەدەرگى جاسالدى.
ارنايى وكىل رەتىندە كوفي اننان بيىلعى اقپان ايىنان جۇمىسقا كىرىسكەن. قارسى جاقتار ءتىل تابىسا الماي جاتقاندا, اراعايىندىققا بەلگىلى الەمدىك قايراتكەر, زامانىمىزدىڭ ۇلى ديپلوماتى دەپ سيپاتتاسا دا بولعانداي كوفي انناننىڭ تاڭدالۋى ءۇمىت وتىن جاققانداي ەدى. ەڭ الدىمەن ونىڭ حالىقارالىق بەدەلى ايرىقشا ءرول اتقارۋعا ءتيىس ەدى.
بىراق كوڭىلدەگى وي جۇزەگە اسپادى. اڭگىمە ول ۇسىنعان جوسپاردىڭ كەمشىلىگىنەن دە ەمەس, كەيبىرەۋلەردىڭ پاراساتتى قادامعا قارسى بولاتىندىعىندا ەدى. كوفي اننان, ونىڭ كومانداسى شيەلەنىستى رەتتەۋ جوسپارىن جاساعاندا, وزىنە وكىلدىك بەرىپ وتىرعان بۇۇ مەن امل ۇستانعان باعىتتى باسشىلىققا الۋى دا زاڭدى. ال بۇل باعىتقا قارسىلار بۇرىنعى رايىنان قايتپاي, ءوزدەرىنىڭ اۋماقتىق ءمۇددەلەرىن قورعاپ, الەمدىك پاراساتتى ءمۇددەگە قارسى تۇردى. بۇل اننان جوسپارىن جۇزەگە اسىرمادى.
ءوزىنىڭ كەتۋ سەبەبىن ايتقاندا, كوفي اننان بۇۇ قاۋىپسىزدىك كەڭەسى مۇشەلەرى اراسىنداعى ءبىرىن-ءبىرى قارالاۋ, كىنالاۋدىڭ ورىن الىپ وتىرعانىنا توقتالدى. «ءبىزدىڭ ميسسيامىزعا قاجەتتى جان-جاقتى قولداۋدى مەن كورە المادىم» دەپ نالىدى.
حالىقارالىق قاۋىمداستىقتاعى اۋىزبىرشىلىكتىڭ جوقتىعى, بۇۇ قاۋىپسىزدىك كەڭەسى مۇشەلەرى اراسىنداعى الاۋىزدىق دەگەندە, سول كەڭەس تۇراقتى مۇشەلەرىنىڭ كەيبىرەۋلەرىنىڭ قارسى بولۋى سالدارىنان وسىناۋ سيريا شيەلەنىسىن رەتتەۋگە بايلانىستى بۇۇ-نىڭ قارارىن قابىلداۋ مۇمكىن بولماعانى جۇرتقا بەلگىلى.
بۇۇ قاۋىپسىزدىك كەڭەسى سيرياداعى جاعدايدى رەتتەۋگە بايلانىستى پارمەندى شارالار بەلگىلەگەن قارارلارىن وتكىزە الماعاننان كەيىن ونداعى پاراساتتى ويلاردى جۇزەگە اسىرۋدى وسى كوفي انناننىڭ ميسسياسىنا جۇكتەمەك بولعان. بىراق وعان دا كەدەرگى جاسالدى. ءوز جوسپارىن جۇزەگە اسىرۋ ماقساتىندا كوفي اننان ماسكەۋگە ەكى رەت باردى. ءتىپتى رف پرەزيدەنتى ۆلاديمير پۋتينمەن دە كەزدەستى.
كوفي اننان ءوز بەدەلى تومەندەگەننەن, تاڭداعان جولى جاڭساقتىقتان كەتكەن جوق. پاراساتتى جولعا قارسىلاردىڭ ارەكەتتەرىن ايىپتاپ كەتتى. بۇل دا قوعامعا وي سالۋدىڭ جولى. «الەمدە مەن سياقتى اپەندەلەر از ەمەس, سودان بۇۇ باس حاتشىسى پان گي مۋن مەنەن جاقسىراق جۇمىس ىستەيتىن تاعى ءبىر ادام تابار. سيريا داعدارىسىن شەشەتىن باسقا دا جول بار شىعار», دەدى ول ءوز شەشىمىن تۇسىندىرە وتىرىپ.
جۇرت انناننان بەدەلدى, ودان ىسكەر قايراتكەر ادامنىڭ تابىلاتىنىنا كۇدىكپەن قارايدى. اڭگىمە ادامنىڭ تابىلۋىندا ەمەس, باسقالاردىڭ ۇسىنعان پاراساتتى جولعا قۇلاق اسۋىندا بولىپ وتىر. كەرەعارلار, كىم كەلسە دە ولاردىڭ ايتقانى ءوز مۇددەسىنە ۇيلەسپەسە, وعان قارسى شىعادى. سودان دا كوفي اننان ءىسىنىڭ جالعاسىن تابۋى قيىن.
ماماديار جاقىپ, «ەگەمەن قازاقستان».
