شاراينا
سەنبى, 9 ماۋسىم 2012 7:28
قارىز ادىم اشتىرماي وتىر
ەۋروپاداعى گەرمانيا مەن فرانتسيادان كەيىنگى ەكونوميكا سانالاتىنيتاليادا ونەركاسىپ ونىمدەرىن وندىرۋ ساۋىر ايىندا ناۋرىزبەن سالىستىرعاندا 1,9 پايىزعا ازايعان. ملرد.-تاعان ەۋرونى قۇرايتىن بۇل كولەمساراپشىلاردىڭ كۇتكەن بولجامىنان تورت ەسە تومەن.
ول ەۋروايماقتاعى قارىزدىق داعدارىستىڭ تەرەڭدەي ءتۇسۋ سالدارىنان بولىپ وتىر. ساراپشىلار 0,5 پايىزعا عانا قۇلدىراۋ بولادى دەپ بولجاعان ەكەن. قازىر ەلدەگى جۇمىسسىزدىق دەڭگەيى دە سوڭعى 10 جىلداعى ەڭ جوعارى كورسەتكىشكە جەتكەن.
سەنبى, 9 ماۋسىم 2012 7:28
قارىز ادىم اشتىرماي وتىر
ەۋروپاداعى گەرمانيا مەن فرانتسيادان كەيىنگى ەكونوميكا سانالاتىنيتاليادا ونەركاسىپ ونىمدەرىن وندىرۋ ساۋىر ايىندا ناۋرىزبەن سالىستىرعاندا 1,9 پايىزعا ازايعان. ملرد.-تاعان ەۋرونى قۇرايتىن بۇل كولەمساراپشىلاردىڭ كۇتكەن بولجامىنان تورت ەسە تومەن.
ول ەۋروايماقتاعى قارىزدىق داعدارىستىڭ تەرەڭدەي ءتۇسۋ سالدارىنان بولىپ وتىر. ساراپشىلار 0,5 پايىزعا عانا قۇلدىراۋ بولادى دەپ بولجاعان ەكەن. قازىر ەلدەگى جۇمىسسىزدىق دەڭگەيى دە سوڭعى 10 جىلداعى ەڭ جوعارى كورسەتكىشكە جەتكەن.
اجال اياق استىندا دەگەن وسى
بوليۆيادا چيكالوما قالاسىنان لا-پاسقا بەت العان جولاۋشىلاراۆتوبۋسى 100 مەترلىك بيىكتىكتەن شىڭىراۋعا قۇلاعان. ونىڭ ىشىندەساياحاتقا شىققان 14 پەن 23 جاس ارالىعىنداعى ستۋدەنتتەر مەن وقۋشىلاربولعان.
اپات سالدارىنان 18 ادام بىردەن كوز جۇمىپ, 32-ءسى اۋىر جاراقاتتار العان. كوز كورگەندەردىڭ ايتۋىنا قاراعاندا, اۆتوبۋس وزگە ماشينەگە جول بەرەمىن دەپ جيەككە تاقالعان, سول كەزدە استىنداعى توپىراق قاباتى ەزىلىپ كەتكەن. قۇزدان قۇلاعان اۆتوبۋس جول بويعى تاستارعا سوعىلىپ, ابدەن قيراعان.
بەلگىلى ديسسيدەنتتىڭ ءولىمى نەدەن؟
قىتايدا ايگىلى تيانانمەن وقيعاسىنا قاتىسقان, كەيىنگى جىلدارىكاسىپوداق بەلسەندىسى بولىپ, بيلىككە جاقپاي جۇرەتىن لي ۆان ياننىڭ دەنەسىاۋرۋحاناداعى بولمەسىنەن ولى كۇيىندە تابىلعان. بيلىك ونى وزى اسىلىپءولدى دەپ جاريالاسا دا ديسسيدەنتتىڭ دوستارى مەن تۋىستارى بۇعان سەنبەيوتىر.
63 جاستاعى اقىل توقتاتقان ادامنىڭ مۇنداي قادامعا بارۋى مۇمكىن ەمەس دەسەدى ولار. ونىڭ ۇستىنە ءمايىت اسۋلى كۇيدە تابىلعاندا اياعى جەرگە جەتىپ تۇرعان كورىنەدى. مەديتسينا قىزمەتكەرلەرى اسۋلى تۇرعان ءمايىتتى سۋرەتكە دە ءتۇسىرتپەپتى. مارقۇمنىڭ جاقىندارى مەن دوستارى اجالدىڭ نەدەن بولعانىن انىقتايتىن رەسمي كوميسسيا قۇرۋدى تالاپ ەتۋدە.
سيريا تىنىشتانا الماي-اق تۇر
بەيسەنبىدەن جۇماعا قاراعان تۇنى سيريادا بولعان ۇلكەن اتىستان كەمدەگەندە 80 ادام كوز جۇمدى. وپپوزيتسيا بۇل وكىمەت اسكەرلەرىنىڭ حاماماڭىن بىرجاقتى اتقىلاۋىنان بولدى دەسە, بيلىك تاراپى بۇل سىرتتانكەلگەن تەرروريستەردىڭ ارەكەتى دەگەندى كولدەنەڭ تارتىپ وتىر.
وپپوزيتسيانىڭ بىرىنەن ءبىرى وتكەن سۇمدىق حابارلارىنا قاراعاندا, اسكەر الدىمەن تانكىدەن اتىپ, سوسىن ءال-كۋبەير مەن ماارزاۆقا كىرگەن-ءمىس. ەكى ەلدى مەكەندە دە قىرىلعان ادامداردىڭ مايىتتەرى تابىلعان. بۇل ەلدەگى تىنىشتىقتى قايتسە دە بۇزىپ, ارانداتۋ ماقساتىمەن سىرتقى كۇشتەردىڭ جاساعان ارەكەتى دەگەن پىكىرگە توقتالاتىندار كوپ.
مۇناي باعاسى ءتۇسىپ بارادى
نيۋ-يوركتىڭ تاۋار بيرجاسىندا مۇناي باعاسى ەكى كۇن قاتارىنانتومەندەدى. سونىڭ ىشىندە WTI ماركاسىنىڭ فيۋچەرلىك باعاسى 2,6 پايىزعاارزانداپ, ءبىر باررەلىنە 82,6 دوللار بولدى. ال Brent ماركاسىنىڭباعاسى 1,6 پايىزعا تومەندەپ, 98,3 دوللارعا تۇستى.
بۇلاي تومەندەۋ سوڭعى رەت 1988 جىلى بايقالعان ەدى. بۇل ينۆەستورلاردىڭ قىتايدىڭ ماكروەكونوميكالىق كورسەتكىشتەرى ءالسىز دەپ بولجايتىندىعىنا بايلانىستى بولىپ وتىر. مۇناي باعاسىنىڭ قۇلدىراۋىن قىتايدىڭ ورتالىق بانكىنىڭ قايتا قارجىلاندىرۋ ستاۆكاسىن تومەندەتۋ تۋرالى شەشىمى دە توقتاتا المادى.
پەرۋدە تىكۇشاق جوعالىپ كەتتى
پەرۋدە بورتىندا 11 شەتەل ازاماتى بار تىكۇشاق جوعالىپ كەتتى. ەڭ سوڭعىرەت ول بايلانىسقا مازۋكو قالاسىنان ۇشىپ شىعىپ, كۋسكوعا بەتالعاندىعى تۋرالى 6 شىلدە كۇنى شىققان ەكەن.
شەتەلدىك ازاماتتاردىڭ اراسىندا سەگىز وڭتۇستىككورەيالىق, جانە ءبىر-بىردەن چەحيا, شۆەتسيا جانە نيدەرلاندى ازاماتتارى بار كورىنەدى. بۇلاردان باسقا ءۇش ادام پەرۋلىك ەكيپاج مۇشەلەرى. قازىر جەرگىلىكتى بيلىك جوعالعانداردى ىزدەستىرۋ ۇستىندە.
قىسقا قايىرىپ ايتقاندا:
* رەسەي ءرۋبلى كۇشەيىپ كەلە جاتىر دەگەن ءسوز ەكى اپتاعا دا سوزىلمادى. كەشە ول كۇرت تومەن قۇلدىرادى. ال دوللار مەن ەۋرونىڭ ارقايسىسى 50 تيىنعا قىمباتتادى.
*چەشەنستان پرەزيدەنتى رامزان قادىروۆ ايماق باسشىلارى ەكى مەرزىمنەن ارتىق وتىرمايدى دەگەن جاڭا زاڭعا ءوزىنىڭ قارسى ەمەستىگىن ءبىلدىردى. ال 31 مامىردا چەشەنستان پارلامەنتىنىڭ باسشىسى د.ابدۋراحمانوۆ پرەزيدەنتتى ەكى مەرزىممەن شەكتەۋدىڭ قاجەتسىزدىگىن ايتقان بولاتىن.
*ۋكراينادا قاۋىپسىزدىك قىزمەتىنىڭ بۇرىنعى تەرگەۋشىسى 120 مىڭ دوللارعا تەڭ بولاتىن م ۇلىكتىك دالەلدىڭ كوزىن قۇرتقانى ءۇشىن سوتتالدى. دنەپروپەتروۆسك قالاسىنىڭ سوتى ونى 8 جىل مەرزىمگە باس ەركىنەن ايىرىپ, وفيتسەر اتاعىن دا الىپ تاستادى.
*ليتۆا سەيمىندە ك.ماسيۋليس دەگەن دەپۋتات ۆيلنيۋستەگى جاسىل كوپىردىڭ ۇستىنە قويىلعان مۇسىننەن كەڭەستىڭ سيمۆولى بولعان بالعا مەن وراقتى الىپ تاستاۋدى ۇسىندى.
*قىرعىزدىڭ شۋ وبلىسىنداعى شالدۋار ايىلىندا پارا الىپ جاتقان جەرىندە ميليتسيونەردى ۇستاۋ وپەراتسياسى جاپپاي توبەلەسكە ۇلاسقان. وپەراتسيانى ۇلتتىق قاۋىپسىزدىك كوميتەتىنىڭ قىزمەتكەرلەرى ىسكە اسىرماق بولعان ەكەن.
*اقش-تا پرەزيدەنت سايلاۋىنىڭ دوداسى باستالىپ كەتتى. ۇمىتكەردىڭ ءبىرى, ماسساچۋسەتس شتاتىنىڭ بۇرىنعى گۋبەرناتورى ميتت رومني ءوزىنىڭ سەرىگى رەتىندە بۇرىنعى قارسىلاسى رون پولدىڭ بالاسىن اتادى.
ينتەرنەت ماتەريالدارى نەگىزىندە ازىرلەندى.
