شاراينا
سەيسەنبى, 5 ماۋسىم 2012 6:44
اپاتتان امان قالعاندار جوق
نيگەريادا جولاۋشىلار ۇشاعى اپاتقا ۇشىرادى. لوگوس قالاسىنداعى بۇل اپاتتان ۇشاق پورتىنداعى 150 ادام تۇگەل كوز جۇمدى. نيگەريانىڭ Dana Air اۋە كومپانياسىنا تيەسىلى ۇشاق 3 ماۋسىم كۇنى جەرگىلىكتى اۋەجاي ماڭىنداعى ەكى قاباتتى عيماراتقا سوعىلعان بولاتىن.
سەيسەنبى, 5 ماۋسىم 2012 6:44
اپاتتان امان قالعاندار جوق
نيگەريادا جولاۋشىلار ۇشاعى اپاتقا ۇشىرادى. لوگوس قالاسىنداعى بۇل اپاتتان ۇشاق پورتىنداعى 150 ادام تۇگەل كوز جۇمدى. نيگەريانىڭ Dana Air اۋە كومپانياسىنا تيەسىلى ۇشاق 3 ماۋسىم كۇنى جەرگىلىكتى اۋەجاي ماڭىنداعى ەكى قاباتتى عيماراتقا سوعىلعان بولاتىن.
نيگەريا باسشىلىعى اۋە اپاتىنىڭ نە سەبەپتى بولعانى تۋرالى الدىن الا ەش مالىمەت بەرىپ وتىرعان جوق. بىراق ۇشاق قۇلاعان جەردەن «قارا جاشىكتەردىڭ» ءبىرى الىنىپ, پوليتسياعا تاپسىرىلعان. قايعىلى وقيعاعا بايلانىستى نيگەريا پرەزيدەنتى گۋلداك دجوناتان ءۇش كۇندىك ۇلتتىق قارالى كۇن جاريالادى. بۇل نيگەريادا سوڭعى ون جىلدا بولعان ەكىنشى وسىنداي ۇلكەن اپات بولىپ تابىلادى.
ۇلتارالىق كەڭەس قۇرامى بەلگىلى
جاقىن كۇندەرى رەسەي پرەزيدەنتى ۆلاديمير پۋتين رەسەي پرەزيدەنتى جانىنداعى ۇلتارالىق قارىم-قاتىناس جونىندەگى كەڭەس قۇرۋ تۋرالى جارلىققا قول قويادى. كەڭەستىڭ باسشىسى پرەزيدەنتتىڭ ءوزى بولادى. ورىنباسارلىق ورىنتاقتىڭ ءبىرى ۆيتسە-پرەمەر دميتري كوزاكقا بۇيىرعالى وتىر.
تاعى ءبىر ورىنباسارلىق ۇلتتىق ساياسات ماسەلەسىمەن اينالىساتىن پرەزيدەنت اكىمشىلىگى باسشىسىنىڭ ءبىرىنشى ورىنباسارى ۆياچەسلاۆ ۆولودينگە تاپسىرىلماق. كەڭەسكە سونداي-اق بىرقاتار ۇكىمەت مۇشەلەرى: ءبىلىم ءمينيسترى دميتري ليۆانوۆ, مادەنيەت ءمينيسترى ۆلاديمير مەدينسكي, وڭىرلىك دامۋ ءمينيسترى ولەگ گوۆورۋن جانە فەدەرالدى ميگراتسيالىق قىزمەتتىڭ ديرەكتورى كونستانتين رومودانوۆسكي ەنەدى.
ديۆەرسانتتار شابۋىلىنىڭ الدىن العان
ارمەنيا قورعانىس ءمينيسترى ازەربايجان ديۆەرسيالىق توبىنىڭ رەسپۋبليكا اۋماعىنا وتپەك بولعان ارەكەتىنىڭ الدى الىنعانى تۋرالى مالىمدەمە جاسادى. وپەراتسيا بارىسىندا ارمەنيا قارۋلى كۇشتەرىنىڭ ءۇش قىزمەتكەرى قازا تاپقان. جارالانعاندار دا بار دەلىنىپ وتىر.
وقيعا ارمەنيانىڭ سولتۇستىك-شىعىسىندا ورىن العان. قورعانىس ۆەدومستۆوسىنىڭ دەرەكتەرىنە قاراعاندا, ديۆەرسيالىق توپ تاۆۋش وبلىسىنىڭ بەرداۆان جانە چيناري ەلدى مەكەندەرىنە قاراي باعىت الىپ, ارميانىڭ اسكەري پوزيتسيالارىنا وتۋگە ارەكەت جاساپتى-مىس. بۇل وقيعاعا بايلانىستى ازەربايجان تاراپى ازىرشە ەشنارسە ايتا قويعان جوق.
رەسەي سيريا ۇكىمەتىن «قورعاپ قالدى»
رەسەي فەدەراتسياسىنىڭ سىرتقى ىستەر مينيسترلىگى سيريانىڭ حۋلا كەنتىندە جاپپاي ادام ءولتىرىلۋى تۋرالى قاراردى جازعىرعان مازمۇندا ءپىكىر ءبىلدىردى. بۇل قاراردى كەزەكتەن تىس سەسسياسىندا بۇۇ-نىڭ ادام قۇقى جونىندەگى كەڭەسى قابىلداعان بولاتىن.
رەسەي ءسىم-ىنە قاراردىڭ وقيعاعا بايلانىستى بىرجاقتى نەگىزدە جاسالعانى, ياعني تەك سيريا ۇكىمەتىن قارالايتىنى ۇناماعان. ال قۇجاتتا ب ۇلىكشىل جاساقتار, لاڭكەستەر تۋرالى بىردە-ءبىر ءسوز ايتىلمايدى. ۆەدومستۆونىڭ پىكىرىنشە, قاراردىڭ وبەكتيۆتىلىگى جوق, تەڭدەستىرىلمەگەن جانە بىرجاقتى ءماتىنى كەڭەس مانداتىنىڭ شەڭبەرىنەن شىعىپ كەتكەن. بۇۇ قۇجاتىنا 47 مۇشە ەلدىڭ 41-ءى جاقتاپ داۋىس بەرسە, رەسەي, قىتاي جانە كۋبا قارسى داۋىس بەرگەن.
گيننەستىڭ رەكوردتار كىتابىنا ەندى
ۇلىبريتانيا پاتشايىمى ەليزاۆەتا ءىى-ءنىڭ تاققا وتىرعانىنا 60 جىل تولدى. بۇل داتا ۇلىبريتانيا اۋماعىندا كەڭ كولەمدە اتالىپ ءوتتى. مەرەكەگە وراي 3 ماۋسىم كۇنى تەمزا وزەنىنەن وتكەن فلوتيليا الەمدەگى ەڭ اۋقىمدى كەمەلەر شەرۋى رەتىندە گيننەستىڭ رەكوردتار كىتابىنا ەندى.
وزەندەگى سالتاناتقا شامامەن مىڭ شاقتى كەمە قاتىسقان. ەليزاۆەتا ءىى-ءنىڭ ءوزى جانە پاتشايىمنىڭ وتباسى مۇشەلەرى اتالعان سالتاناتقا ارنايى جوندەۋدەن وتكىزىلگەن كورولدىك «سپيريت وف چارتۋەلل» بارجاسىنىڭ بورتىنا ءمىنىپ قاتىسقان. ءىس-شارا 6 ساعاتقا سوزىلسا, فلوتيلياعا قاتىسۋشىلاردىڭ جالپى سانى 20 مىڭ ادامدى قۇراعان, قوزعالىسىن 1,2 ميلليون ادام تاماشالاعان.
پاناما جاعالاۋلارىندا جەر سىلكىندى
پانامانىڭ تىنىق مۇحيتى جاعالاۋلارىندا 4 ماۋسىمعا قاراعان ءتۇنى مانگيتۋداسى 6,6 بالدىق جەر سىلكىنىسى تىركەلدى. جەراستى ءدۇمپۋلەرىنىڭ ەپيتسەنترى چيريكي پروۆينتسياسىنىڭ اكىمشىلىك ورتالىعى – داۆيد قالاسىنان 370 شاقىرىم جەردە بولعان.
اقش گەولوگيالىق قىزمەتىنىڭ سايتىنداعى مالىمەتتەرگە قاراعاندا, تسۋنامي پايدا بولۋ قاۋپى تۋرالى ەسكەرتۋ ەش جەرگە تاراتىلماعان. سونداي-اق سوڭعى ۋاقىتتارعا دەيىن جەر سىلكىنىسى سالدارىنان زارداپ شەككەندەر جانە عيماراتتاردىڭ قۇلاۋى جونىندە دە ەشنارسە ايتىلمايدى. سوعان قاراعاندا, جەر سىلكىنىسىنىڭ ەپيتسەنترى ەلدى مەكەندەر ورنالاسقان جەردەن اۋلاقتا بولعانعا ۇقسايدى.
ينتەرنەت ماتەريالدارى نەگىزىندە ازىرلەندى.
