شاراينا
سەيسەنبى, 22 مامىر 2012 6:56
اليانس اۋە شابۋىلىنان قورعانباقشى
اقش-تىڭ چيكاگو قالاسىندا ناتو-نىڭ ءسامميتى ءوتىپ جاتقانى بەلگىلى.اليانسقا قاتىسۋشى ەلدەر ءوز ءماجىءلىستەرىنىڭ العاشقى كۇنى ەۋروپادازىمىرانعا قارسى قورعانىس (زقق) جۇيەسىنىڭ العاشقى فازاسىن قۇرۋتۋرالى ۋاعدالاستىققا كەلدى.
سەيسەنبى, 22 مامىر 2012 6:56
اليانس اۋە شابۋىلىنان قورعانباقشى
اقش-تىڭ چيكاگو قالاسىندا ناتو-نىڭ ءسامميتى ءوتىپ جاتقانى بەلگىلى.اليانسقا قاتىسۋشى ەلدەر ءوز ءماجىءلىستەرىنىڭ العاشقى كۇنى ەۋروپادازىمىرانعا قارسى قورعانىس (زقق) جۇيەسىنىڭ العاشقى فازاسىن قۇرۋتۋرالى ۋاعدالاستىققا كەلدى.
ءسويتىپ, تۇركيا جاعالاۋلارىندا ورنالاسقان امەريكالىق اسكەري كورابلدەگى زقق ەندى ناتو-نىڭ گەرمانياداعى بازاسىنىڭ كوماندوۆانيەسى باقىلاۋىنا بەرىلەتىن بولادى. بۇعان دەيىن حابارلانعانىنداي, زقق جۇيەسىن قۇرۋ ءتورت كەزەڭ بويىنشا جۇرسە, بۇل ۇدەرىس 2018 جىلى اياقتالماق. جۇيە ەلەمەنتتەرى بىرنەشە ەلدىڭ اۋماعىندا, اتاپ ايتقاندا, پولشا, رۋمىنيا, چەحيا, تۇركيا, نيدەرلاندى جانە يسپانيادا قۇرىلاتىن بولادى.
بوريس تاديچ جەڭىلىسىن مويىندادى
سەربيادا جەكسەنبى كۇنى پرەزيدەنتتىك سايلاۋ بولىپ ءوتتى. ونىڭ ناتيجەلەرىبويىنشا توميسلاۆ نيكوليچ ءسال عانا باسىمدىقپەن جەڭىسكە جەتتى. ەلدىڭ ءىسباسىنداعى پرەزيدەنتى بوريس تاديچ ءوزىنىڭ جەڭىلىسىن مويىنداپ,قارسىلاسىن جەڭىسىمەن قۇتتىقتادى.
سەربيانىڭ 2004 جىلدان بەرگى پرەزيدەنتى ب.تاديچ جاڭا سايلانعان پرەزيدەنتتى ەۋروينتەگراتسيا جوسپارلارىنان باس تارتپاۋعا شاقىرا كەلىپ, جۇمىسىنا تابىس تىلەدى. ت.نيكوليچ ءوز كەزەگىندە سەربيانىڭ «ەۋروپالىق» باعىتتان اۋىتقىمايتىنىنا ۋادە بەردى.
تايۆانعا ۇشاق ساتۋدى ماقۇلدادى
اقش-تىڭ وكىلدەر پالاتاسى تايۆانعا جاڭا 66 ع-16س جويعىش ۇشاعىنساتۋ جونىندەگى ۇسىنىسقا قولداۋ ءبىلدىردى. ەندى زاڭ جوباسى اۋەلى سەناتتىڭقاراۋىنا, سودان كەيىن اق ءۇيدىڭ قاراۋىنا ءتۇسۋى ءتيىس.
اۋەلدە اقش پرەزيدەنتى باراك وبامانىڭ اكىمشىلىگى ۇشاق ساتىپ الۋ تۋرالى تايۆاننىڭ تاپسىرىسىن كەرى قايتارعان بولاتىن. الايدا, كەيىنىرەك بۇل شەشىمدى قايتا قاراۋى ىقتيمال ەكەنىن بىلدىرگەن ەدى. ال تايۆان تاراپى بولسا, سوڭعى بىرنەشە جىل بويى اقش-تان جاڭا ع-16 ۇشاقتارىن ساتىپ الۋدى قاتتى قالاپ كەلەدى.
پارادقا دايىندىق كەزىندەگى قىرعىن
يەمەننىڭ استاناسى – سانا قالاسىندا اسكەري پارادقا دايىندىقبارىسىندا جانكەشتىنىڭ ءوزىن ءوزى جارىپ جىبەرۋى سالدارىنان كەم دەگەندە50 ادام وپات بولدى. ونداعان ادام دەنە جاراقاتتارىن العان. 21 مامىركۇنگى لاڭكەستىك يەمەن اسكەريلەرىنە باعىتتالعان.
جارىلىس پرەزيدەنت سارايى جانىنداعى الاڭدا جۇزەگە اسىرىلعان. اسكەري كيىم كيگەن جانكەشتى ءوزىن سولداتتاردىڭ ورتاسىندا تۇرعاندا جارىپ جىبەرگەن. ال اسكەري شەرۋ 22 مامىر – يەمەن بىرىگۋىنىڭ 22 جىلدىعىنا ارنالعان مەرەكەگە وراي وتكىزىلۋى كەرەك ەدى. ازىرشە لاڭكەستىككە قاتىستى ەشقانداي ۇيىم وزىنە جاۋاپكەرشىلىك العان جوق.
سوقىر ديسسيدەنت قۇراما شتاتتاردا
زاعيپ قىتايلىق ديسسيدەنت چەن گۋانچەن وتكەن سەنبى كۇنى كەشكىسىن اقش-قا كەلدى. زايىبىمەن جانە ەكى بالاسىمەن ول مىنگەن ۇشاق نيۋاركا اۋەجايىنا كەلىپ قوندى. ەندى چەن گۋانچەن وتباسىمەن بىرگە مانحەتتەندە تۇراتىن بولادى.
قىتايلىق ديسسيدەنتتى مانحەتتەندە جاقتاستارى قارسى السا, ول سول ارادا قىسقاشا ءسوز سويلەپ, قىتايدان شىعۋىنا كومەكتەسكەن امەريكا بيلىگىنە ريزاشىلىعىن بىلدىرگەن. اقش باق-تارىنىڭ دەرەكتەرىنە قاراعاندا, چەن گۋانچەن نيۋ-يورك ۋنيۆەرسيتەتىندە قۇقىقتانۋدان ساباق الاتىن بولادى. قىرىق جاستاعى قۇقىق قورعاۋشى وسىدان شامالى ۋاقىت بۇرىن ءۇي قاماعىنان قاشىپ شىعىپ, اقش ەلشىلىگىنە جاسىرىنعان ەدى.
ميگرانتتار ءوزارا قىرقىستى
قىرعىزستان مەن وزبەكستاننان كەلگەن ميگرانتتار 20 مامىر كۇنى كەشكىسىن ماسكەۋدەگى وليمپيا پروسپەكتىسىندە ءوزارا جاپپاي توبەلەستى. جاپپاي توبەلەس كەزىندە 79 ادام قاماۋعا الىندى. بۇل ءجونىندە «ينتەرفاكس» اگەنتتىگى حابارلادى.
اگەنتتىكتىڭ دەرەكتەرىنە قاراعاندا, ءتوبەلەس وليمپيا پروسپەكتىسىندەگى №16 ءۇيدىڭ جانىندا بولعان. جانجالدان كەيىن باسىنان جاراقات العان 20 جاسار قىرعىزستان ازاماتى اۋرۋحانا كومەگىنە جۇگىنگەن. بۇدان سوڭ ىشىنەن پىشاق جاراقاتىن العان تاعى ءبىر جاس جىگىت اۋرۋحاناعا جاتقىزىلعان. پوليتسيادا ۇستالعاندارمەن پروفيلاكتيكالىق اڭگىمە وتكىزىلىپ, ولاردان وقيعاعا بايلانىستى ءتۇسىنىكتەمە الىنعان. جاپپاي توبەلەس بويىنشا تەكسەرۋ جۇرگىزىلۋدە.
قىسقا قايىرىپ ايتقاندا:
13 مامىر كۇنى مونتەرەي قالاسى ماڭىندا 49 ادامنىڭ مايىتى تابىلعانبولاتىن. وسى جاۋىزدىق قىلمىسقا قاتىسى بار دەگەن كۇدىكپەن مەكسيكاەسىرتكى مافياسى سەركەلەرىنىڭ بىرى دانيەل ەليزوندو قاماۋعا الىندى.
تۇركىمەنستان پرەزيدەنتى گۋربانگۋلى بەردىمۇحامەدوۆ فۋتبولدان رەسەي چەمپيونىنىڭ التىن مەدالىن الدى. ناگرادا مەن رەسەي كۋبوگىنىڭ كوشىرمەسىن وعان تاتارستان مەملەكەتتىك كەڭەسىنىڭ توراعاسى فاريت مۋحامەتشين تاپسىردى. ويتكەنى, رەسەي كۋبوگىنىڭ يەگەرى – قازاننىڭ «رۋبين» كومانداسىنىڭ باپكەرى وسى ەلدىڭ تۋماسى قۇربان بەردىەۆ بولىپ تابىلادى.
يتاليادا بولعان جەر سىلكىنىسىنەن قازا تاپقاندار سانى 5 ادامعا جەتتى. تاعى 50 ادام زارداپ شەككەن. 5,9 باللدىق جەر سىلكىنىسى جەكسەنبى كۇنى ەرتەڭگىسىن بولونيا, فەررارا جانە مودەنا قالالارىنىڭ اراسىندا تىركەلگەن ەدى.
21 مامىرعا قاراعان ءتۇنى بىشكەكتە جۋرناليست گەننادي پاۆليۋكقا قويىلعان ەسكەرتكىش ۇرلاندى. سكۋلپتۋرا قولادان قۇيىلسا, سالماعى شامامەن 250 كيلوگرامم ەكەن. ەسكەرتكىش قۇنى 20 مىڭ دوللار شاماسىندا. 2010 جىلى قويىلعان ەسكەرتكىشتىڭ وڭاي ولجا تاپقىسى كەلگەندەردىڭ قانجىعاسىندا كەتكەنى كۇمان تۋعىزبايدى.
20 مامىردا ليتۆانىڭ كاۋناس قالاسىندا ناتسيستەردىڭ سەرىگى بولعان ليتۆانىڭ ۋاقىتشا ۇكىمەتىنىڭ بۇرىنعى باسشىسى يۋوزاس برايزايتيستى قايتا جەرلەۋ ءراسىمى وتكىزىلدى. سوعىس اياقتالعان سوڭ اقش-قا قاشقان ول 1974 جىلى سوندا كوز جۇمعان ەكەن.
ينتەرنەت ماتەريالدارى نەگىزىندە ازىرلەندى.
