بايقاۋشىلار كوبەيىپ كەلەدى
سەيسەنبى, 15 مامىر 2012 7:34
سيرياداعىاحۋالدى بايقاۋجونىندەگى بۇۇميسسياسىنىڭسانى وتكەن اپتادا70-تەن 201 ادامعادەيىن كوبەيدى.
11 مامىردا سيريادا 145 قارۋلى بايقاۋشىلار جانە 56 ازاماتتىق سالا ماماندارى جۇمىس ىستەي باستادى. بۇعان دەيىن بۇۇ باس حاتشىسى پان گي مۋن 15 مامىرعا قاراي سيريادا ۇيىمنىڭ 230 اسكەري بايقاۋشىسى بولاتىندىعىن جانە ايدىڭ سوڭىنا تامان قاۋىپسىزدىك كەڭەسىنىڭ شەشىمىنە سايكەس ميسسيا قۇرامىنىڭ تولىق جاساقتالاتىنىن ايتقان بولاتىن. ول ۋاقىتتا مۇندا 300 اسكەري بايقاۋشى مەن 100 ازاماتتىق تۇلعا جۇمىس ىستەۋى ءتيىس.
سەيسەنبى, 15 مامىر 2012 7:34
سيرياداعىاحۋالدى بايقاۋجونىندەگى بۇۇميسسياسىنىڭسانى وتكەن اپتادا70-تەن 201 ادامعادەيىن كوبەيدى.
11 مامىردا سيريادا 145 قارۋلى بايقاۋشىلار جانە 56 ازاماتتىق سالا ماماندارى جۇمىس ىستەي باستادى. بۇعان دەيىن بۇۇ باس حاتشىسى پان گي مۋن 15 مامىرعا قاراي سيريادا ۇيىمنىڭ 230 اسكەري بايقاۋشىسى بولاتىندىعىن جانە ايدىڭ سوڭىنا تامان قاۋىپسىزدىك كەڭەسىنىڭ شەشىمىنە سايكەس ميسسيا قۇرامىنىڭ تولىق جاساقتالاتىنىن ايتقان بولاتىن. ول ۋاقىتتا مۇندا 300 اسكەري بايقاۋشى مەن 100 ازاماتتىق تۇلعا جۇمىس ىستەۋى ءتيىس.
جاۋاپكەرشىلىك اۋىسۋدا
اۋعانستاندا ەلدەگى قاۋىپسىزدىك ءۇشىن جاۋاپكەرشىلىكتى ناتو-نىڭكواليتسيالىق كۇشتەرىنەن اۋعاندىق اسكەريلەرگە بەرۋدىڭ ءۇشىنشىفازاسى باستالدى.
بۇل تۋرالى بۇرناعى كۇنى ەل پرەزيدەنتى حاميد كارزاي مالىمدەگەن. قازىردىڭ وزىندە ۇكىمەت اسكەرلەرى 230 ءوڭىردى ءوز باقىلاۋلارىنا الىپ وتىر. ولاردىڭ قاتارىندا «تاليبان» قوزعالىسىنىڭ تىرەگى سانالاتىن كانداگار دا بار. سونىمەن بىرگە, اۋعانستاندا بەيبىتشىلىك زامان ورنادى دەپ ايتۋعا ءالى دە ەرتە. كوپتەگەن اۋداندار كۇنى بۇگىنگە دەيىن سودىرلار شابۋىلىنا ۇشىراۋدا. جانە ەلدىڭ رەسمي ادامدارى نەعۇرلىم جاعدايدىڭ تۇراقتالعاندىعى تۋرالى حابارلاعان سايىن, شابۋىلدار دا سولعۇرلىم كۇشەيە تۇسۋدە.
نەمىستەر مەركەلگە قارسى
حريستياندىق دەموكراتتار ەڭ ءىرى سانالاتىن فەدەرالدىق جەردە كۇيرەتە سوققى الدى.
سولتۇستىك رەين-ۆەستفاليا جەرىندەگى لاندتاگ (پارلامەنت) سايلاۋىندا 51جاستاعى حاننەلورە كرافت باستاعان وپپوزيتسياداعى سوتسيال-دەموكراتتار انگەلا مەركەل پارتياسىن سەنىمدى تۇردە جەڭىپ شىقتى. وسى ارقىلى ولار فەدەراتسيانىڭ ەڭ ءىرى سۋبەكتىسىندەگى ءوز جاعدايلارىن نىعايتا ءتۇسىپ وتىر. كەزەكتى ساتسىزدىك نەمىس كابينەتى باسشىسىنىڭ باس اۋرۋىن ودان بەتەر كۇشەيتە تۇسكەن سىڭايلى. ول بۇعان دەيىن فەدەرالدىق پرەزيدەنت كريستيان ءۆۋلفتىڭ وتستاۆكاعا كەتۋى مەن ەرووداقتاعى ارىپتەسى نيكوليا ساركوزيدىڭ سايلاۋداعى جەڭىلىسىن باستان وتكەرگەن بولاتىن.
ءۇش ەل ىنتىماقتاستىقتى ۇلعايتپاق
13 مامىردا پەكيندە وڭتۇستىك ازياداعى ءۇش ەل – قىتاي, جاپونيا جانە وڭتۇستىك كورەيا باسشىلارىنىڭ كەزدەسۋى بولىپ ءوتتى.
كەزدەسۋ بارىسىندا ءۇش ەل باسشىلارى وسى جىلدىڭ سوڭىنا دەيىن ەلدەر اۋماعىنداعى ەركىن ساۋدا ايماعى تۋرالى كەلىسسوزدەر وتكىزۋ جونىندە ۋاعدالاستىققا كەلدى. ال ول ۇزاق جىلدارعا سوزىلعان ەڭبەك پەن كەلىسسوزدەردىڭ الەمدىك ەكونوميكانىڭ بەستەن ءبىرىن قۇرايتىن ەلدەردىڭ ەكونوميكالارىن بىرىگۋگە اكەلۋى مۇمكىن ەكەنىن بىلدىرەدى. ايتا كەتۋ كەرەك, بۇل اتالعان ءۇش مەملەكەت باسشىلارى اراسىندا ءوتىپ وتىرعان ءۇشىنشى كەزدەسۋ. قالاي دەگەندە دە, ەركىن ساۋدا ايماعىنىڭ ءۇش ەل ءۇشىن دە ءتيىمدى بولارى ەش كۇمان تۋعىزبايدى.
بەيبىت تۇرعىنداردى ءولتىردى دەپ ايىپتادى
Human Rights Watch حالىقارالىق قۇقىق قورعاۋ ۇيىمى 2011 جىلى ناتو ليۆيادا وپەراتسيالار ءجۇرگىزگەن كەزدەگى بەيبىت تۇرعىندار اراسىنداعى شىعىندار تۋرالى بايانداما ازىرلەدى.
باياندامانى جاساۋشىلاردىڭ مالىمەتتەرى بويىنشا, ناتو-نىڭ اۋە سوققىلارى سالدارىنان كەم دەگەندە 72 بەيبىت ليۆيالىق, ونىڭ ىشىندە 20 ايەل مەن 24 بالا (بۇل كاتەگورياعا 18 جاستان تومەنگىلەر ەنگىزىلگەن) قازا تاپقان. مالىمەتتەر بومبالانعان اۋدانداردى زەرتتەۋ جانە جەرگىلىكتى حالىقپەن اڭگىمەلەسۋ ناتيجەلەرىنە نەگىزدەلگەن كورىنەدى. سونىمەن بىرگە باياندامادا اليانستىڭ ءالى كۇنگە دەيىن بەيبىت تۇرعىنداردىڭ قازا تاپقاندىعىن مويىنداماعاندىعى جانە وقيعاعا ءتيىستى تەرگەۋلەر جۇرگىزبەگەندىگى اتاپ كورسەتىلگەن.
راديكالدار وڭباي جەڭىلدى
الجيردە ءبىر بلوكپەن سايلاۋعا تۇسكەن ءۇش راديكالدى يسلامدىق پارتيالار «زايىرلى» ساياساتكەرلەردەن كۇيرەتە جەڭىلىس تاپتى.
ءسويتىپ «زايىرلى» دەپۋتاتتار 48 ورىن العان يسلاميستەرگە قارسى پارلامەنتتە 288 ورىنعا يە بولدى. بۇل توڭكەرىستەر دۇبىرلەتكەن اراب الەمىنىڭ بۇكىل شىعىس جاعالاۋى بويىنشا ەرەكشە وقيعا رەتىندە تانىلىپ وتىر. ۇيالعان تەك تۇرماس دەگەندەي, جەڭىلىس تاپقاندار سايلاۋ ءادىل وتكەن جوق, «اكىمشىلىك رەسۋرستار» پايدالانىلدى دەگەن بايبالام سالۋدان دا تىس قالماعان سىڭايلى. حالىقارالىق ساراپشىلاردىڭ باعالاۋىنشا, بۇل 11 جىل بويىنا تەررورلىق ارەكەتتەرمەن اينالىسىپ كەلگەن ءدىني فاناتتاردىڭ حالىق الدىندا ابىرويدان جۇرداي بولعانىن كورسەتەدى.
ينتەرنەت ماتەريالدارى نەگىزىندە ازىرلەندى.
