اعاشتى تۇركىستان وبلىسى, سارىاعاش اۋدانىنا 2017 جىلى قىتاي ەلىنەن 50 مىڭ ءتۇپ اكەلىپ جەرسىندىرگەن كاسىپكەر, بوس جاتقان 2 گەكتار جەرگە وتىرعىزعان. كاسىپكەردىڭ ايتۋىنشا, باتىستا بۇل اعاش كەڭىنەن تانىمال, وندا جيھاز, فانەر جانە بيوماسسا ءوندىرىسى ءۇشىن وسىرەدى. جاپىراقتارى ۇلكەن, اسىرەسە ءبىرىنشى جىلدا, ءبىر گەكتاردان 1200 تونناعا دەيىن كومىر قىشقىل گازىنىڭ ءسىڭىرىلۋىن قامتاماسىز ەتەدى, ياعني اۋانى تازارتادى. جيھاز ونەركاسىبىندە «اعاش ءاليۋمينيى» رەتىندە بەلگىلى, ياعني بۇرالۋ, شوگۋ مەن دەفورماتسياعا ءتوزىمدى. جاپىراقتارى جەمشوپكە ساپالى تۇردە ۇقساس, ال ءبىرىنشى جىلدارى ەنى 75 سانتيمەترگە جەتەدى. بۇتالار تۇرىندە ءوسىرۋ جايىلىمدىق جاعدايلارى جوق ايماقتاردا ءىرى قارا مالعا ارنالعان جەم-ءشوپ بازاسىن قۇرۋعا مۇمكىندىك بەرەدى. جەردى قۇنارلاندىراتىن قاسيەتى جانە بار. ءۇشىنشى جىلدان باستاپ مامىردىڭ باسى مەن ماۋسىمنىڭ ورتاسىنا دەيىن گۇلدەيدى جانە بال ارالارى ءۇشىن وتە پايدالى.
- وڭتۇستىك جانە وڭتۇستىك-شىعىس ازيا وتانى بولىپ سانالاتىن پاۆلوۆنيا اعاشىنىڭ كوشەتتەرىن ءبىز قىتاي ەلىنەن اكەلىپ, جەرسىندىردىك. ءبىزدىڭ وڭتۇستىك ولكەنىڭ كليماتىن ەسكەرە, ىستىعى مەن سۋىعىنا ءتوزىمدى سورتىنا تاڭداۋ جاسادىق. الىپ كەلگەن كوشەتتىڭ بارلىعى دەرلىك ءوسىپ-ءوندى. كورىكتى دە ءوسىمتال, اۋانى تازارتۋعا, كۇننىڭ ىستىعىندا سايا بولۋعا پايداسى وتە مول اعاشقا سۇرانىس تا كوپ. پاۆلونيا وزىنە ەرەكشە كۇتىمدى قاجەت ەتپەي-اق, تاقىر جەردى 7 جىل ىشىندە ورمانعا اينالدىرا الادى ەكەن. ەلباسى «بولاشاققا باعدار: رۋحاني جاڭعىرۋ» اتتى ماقالاسىندا وزگەلەردىڭ تاجىريبەسىن الىپ, ەڭ وزىق جەتىستىكتەرىن بويعا ءسىڭىرۋ قاجەتتىگىن اتاپ كورسەتتى. «وزىمدىكى عانا تاڭسىق, وزگەنىكى – قاڭسىق» دەپ كەرى تارتپاي, اشىق بولۋ, باسقالاردىڭ ەڭ وزىق جەتىستىكتەرىن قابىلداي ءبىلۋ, بۇل – تابىستىڭ كىلتى, ءارى اشىق زەردەنىڭ باستى كورسەتكىشتەرىنىڭ ءبىرى» ەكەنىن ايتتى. وسى ورايدا ءوڭىردى, ونىڭ ىشىندە قالانى تازا ءارى جاسىل جەلەككە اينالدىرۋدا وزىق جەتىستىكتەردى, جاڭاشىلدىقتى باتىل ەنگىزگەن ءجون, - دەيدى بالتاباي قۇربانباەۆ.
عالىمجان ەلشىباي,
«Egemen Qazaqstan»
تۇركىستان وبلىسى
