باس حاتشى باعداد امىرەەۆ 2019 جىلعى 1-2 ناۋرىزدا بىرىككەن اراب امىرلىكتەرىنىڭ ءابۋ-دابي قالاسىندا وتكەن يسلام ىنتىماقتاستىعى ۇيىمى (يىۇ) سىرتقى ىستەر مينيسترلەرى كەڭەسىنىڭ 46-شى وتىرىسى اياسىندا وزبەكستان سىرتقى ىستەر ءمينيسترى ابدۋلازيز كاميلوۆپەن ەكىجاقتى كەزدەسۋ وتكىزدى.
2018 جىلدىڭ 3 قىركۇيەگىندە چولپون-اتا قالاسىندا وتكەن تۇركى كەڭەسىنىڭ 6-شى ءسامميتى بارىسىندا وزبەكستان رەسپۋبليكاسىنىڭ پرەزيدەنتى, جوعارى مارتەبەلi شاۆكات ميرزيوەۆتiڭ اتاپ وتكەن ماسەلەلەرگە توقتالعان باس حاتشى, سىرتقى ىستەر مينيسترىنە تاۋار اينالىمىن ۇلعايتۋ, تۇركىتىلدەس مەملەكەتتەردىڭ جەكە سەكتورلارى اراسىنداعى ينستيتۋتسيونالدىق بايلانىستاردى ورناتۋ, سونداي-اق, شاعىن جانە ورتا كاسiپورىندارعا بەرiلگەن قارجى رەسۋرستارىن ارتاراپتاندىرۋعا باعىتتالعان, تۇركى كەڭەسىنىڭ, اسiرەسە, ەكونوميكا سالاسىندا اتقارىپ جاتقان باستامالارى تۋرالى ايتتى.
وسى تۇرعىدا تاراپتار, وزبەكستاننىڭ, شاۆكات ميرزيوەۆتiڭ باستاماسىمەن بيىل تاشكەنتتە وتەتiن تۇركى ىسكەرلىك كەڭەسىنiڭ كەزەكتi وتىرىسى مەن تۇركiتiلدەس مەملەكەتتەردiڭ جىل سايىنعى بيزنەس-فورۋمى سياقتى تۇركi كەڭەسiنiڭ ماڭىزدى ءىس-شارالارىنا قاتىسۋى تۋرالى پىكىر الماستى. باس حاتشى امiرەەۆ سىرتقى ىستەر ءمينيسترى كاميلوۆتى بىرلەسكەن تۇركى ساۋدا-ونەركاسىپتىك پالاتالارىن قۇرۋ جونىندە حاتشىلىقتىڭ iستەپ جاتقان جۇمىسى تۋرالى حاباردار ەتتى.
تۇركى كەڭەسىنىڭ جۇمىسىندا بايقالىپ وتىرعان ديناميكالىق ۇردىستەردىڭ وزبەكستان ءۇشىن ۇلكەن قىزىعۋشىلىق تۋدىراتىنىن جەتكiزگەن سىرتقى ىستەر ءمينيسترى قاميلوۆ, وزبەكستاننىڭ وسى ۇدەرىستىڭ ءبىر بولىگى بولۋعا جانە, ەكونوميكا سالاسىنا باسىمدىق بەرiلگەنiن دە اتاپ ءوتiپ, ءوزارا مۇددەلەر نەگiزiندە ىنتىماقتاستىقتى دامىتۋعا دايىن ەكەنiن ايتتى. مينيستر وسى باستامالار اياسىندا ىنتىماقتاستىق مۇمكىندىكتەرىن ءارi قاراي قاراستىرۋ ماقساتىندا باس حاتشىنى تاشكەنتكە شاقىردى.
اتالعان كەزدەسۋگە جوبا ديرەكتورى وزگە پان دا قاتىستى.
