ايتۋلى كۇنگە وراي دەپارتامەنتتىڭ تىنىس-تىرشىلىگىمەن, باعىت-باعدارىمەن جانە اتقاراتىن جۇمىستارىمەن تانىس بولۋ ءۇشىن كەلگەندەر دە از بولمادى. ولاردىڭ ىشىندە وزدەرىنىڭ شاعىمدارىمەن, ۇسىنىس سۇراقتارىمەن كەلگەن جاستار كوپ بولدى. اتاپ ايتقاندا, تەستىلەۋ كەزەڭدەرى جانە مەملەكەتتىك قىزمەتكە ورنالاسۋ ءتارتىبى بويىنشا ساۋالدارىمەن كەلگەن, سونىمەن قاتار, جاستار پراكتيكاسى بويىنشا مەملەكەتتىك ورگانداردا قىزمەت ەتىپ جۇرگەن ءبىر توپ ماماندار كەلدى.
كەلۋشىلەرگە دەپارتامەن قىزمەتكەرلەرى وڭىرىمىزدەگى مەملەكەتتىك قىزمەتشىلەردىڭ فاكتورلى-بالدىق شكالا بويىنشا ەڭبەكاقى تولەۋدىڭ جاڭا جۇيەسى, مەملەكەتتىك قىزمەتشىلەرگە ارنالعان تەستىلەۋدىڭ كەزەڭدەرىندەگى جەكە قاسيەتتەرىن باعالاۋدىڭ جاڭا شارتتارىن ارنايى ازىرلەنگەن پاراقشالار ارقىلى ءتۇسىندىرىپ, مەملەكەتتىك قىزمەت سالاسىنا ەنىپ جاتقان جاڭالىقتارمەن ءبولىستى. ولاردىڭ ىشىندە, مەملەكەتتىك كورسەتىلەتىن قىزمەت سالاسى, سىبايلاس جەمقورلىقتىڭ الدىن الۋداعى جاڭاشىلدىقتار, ەلەكتروندى قىزمەت الۋ, وزىنە ءوزى قىزمەت كورسەتۋ سالالارىنداعى وزگەرىستەردى دە اتاپ ءوتتى. وسى ءساتتى پايدالانا وتىرىپ, دەپارتامەنتتىڭ مەملەكەتتىك كورسەتىلەتىن قىزمەتتەر باسقارماسىنىڭ باسشىسى جاسۇلان مارشاك ۇلى كەلۋشىلەرگە وزىنە-ءوزى قىزمەت كورسەتۋ مەن ەلەكتروندى قىزمەت الۋ تۇرلەرىن جانە قازىرگى تاڭدا ىسكە قوسىلعان «تسيفرلىق اگەنت» موبيلدىك قوسىمشاسىنىڭ تيىمدىلىگىن ءتۇسىندىردى.
وزدەرىنىڭ جەكە سۇراقتارىن, وي پىكىرلەرى مەن ۇسىنىستارىن تىڭداپ بولعاننان كەيىن, دەپارتامەنت باسشىسى تەستىلەۋ زالى مەن قىزمەتكەرلەردىڭ جۇمىس بولمەلەرىن ارالاپ, ارنايى ازىرلەنگەن پاراقشالارمەن بارلىق باسقارمانىڭ اتقاراتىن جۇمىستارىن تانىستىرىپ ءوتتى.
ءسوز سوڭىندا دەپارتامەنت باسشىسى نۇرگۇل الماسقىزى جاستارعا قازىرگى زامان اعىمىنا ساي, بولاشاققا نىق سەنىممەن ناقتى ماقسات قويىپ, وزدەرىنە دەگەن سەنىمدىلىكتىڭ جوعارى بولۋ كەرەكتىگىن ايتتى.
- بۇل ۇيىمداستىرىلعان «اشىق ەسىك كۇنى» جاستارعا, بىزدەرگە جاقسى اسەر قالدىردى دەپ ويلايمىن. سەبەبى سۇراقتارىمىز, تۇسىنبەگەن تۇستارىمىز كوپ بولادى. مەملەكەتتىك قىزمەتكە ەندى ورنالاسقالى جۇرگەن, ەڭبەك شارتىمەن نەمەسە جاستار پراكتيكاسىمەن جۇرگەندەرگە پايداسى بار. شارا قىزىق, ءارى بىزگە ۇنادى,دەيدى جاقسىلىق ابۋباكىر. ول قازىر ماڭعىستاۋ وبلىستىق مەملەكەتتىك كىرىستەر دەپارتامەنتىندە ەڭبەك شارتىمەن قىزمەت ەتەدى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
