قازاقستان • 01 ناۋرىز، 2019

جىل سايىن 1 ناۋرىزدا  «كەمسىتۋشىلىك جوق» كۇنى اتالىپ وتىلەدى

309 رەتكورسەتىلدى

جىل سايىن بىرىككەن ۇلتتار ۇيىمىنىڭ ايتۆ/جيتس جونىندەگى بىرىككەن باعدارلاماسى – يۋنەيدس باستاماسى شەڭبەرىندە 1 ناۋرىزدا  «كەمسىتۋشىلىك جوق» كۇنى اتالىپ وتىلەدى.  بۇگىندە سول داستۇرمەن «كەمسىتۋشىلىك زاڭدارىن وزگەرتۋ ءۇشىن ارەكەت ەت» ۇرانىنىڭ اياسىندا 1 ناۋرىز – «كەمسىتۋشىلىك جوق» كۇنى اتالىپ وتۋدە.

بيىل يۋنەيدس كەمسىتۋشىلىك زاڭدارىن جويۋ ماقساتىندا ارەكەت ەتۋدىڭ قاجەتتىلىگىن اسا ەرەكشەلىكپەن ايتۋدا. كەمسىتۋشىلىكپەن كۇرەسۋ – بۇل ايتۆ مەن جيتس-ءتىڭ الدىن الۋعا بايلانىستى ءتيىمدى پروفيلاكتيكا مەن مەديتسينالىق كۇتىمدى ىسكە اسىرۋ جولىنداعى ۇلكەن توسقاۋىل. كەمسىتۋشىلىككە دۋشار بولۋ قورقىنىشى ادامداردىڭ ايتۆ-احۋالىن جاقسارتىپ، ونى اشىق ايتۋدان جاسقاندىرادى. كەمسىتۋشىلىك جوق كۇنى كەمسىتۋشىلىكتىڭ بارلىق تۇرىنە نۇكتە قويۋ ماقساتىندا نيەتتەستىكتىڭ جاھاندىق قوزعالىسىن قۇرۋعا بارىنشا سەپتىگىن تيگىزىپ كەلەدى.

ايتۆ-مەن ءومىر سۇرەتىن ادامدارعا ء(اوا) قاتىستى ستيگماتيزاتسيالاۋ مەن كەمسىتۋشىلىك ايعاقتارىن جويۋ وتە قيىن. الەمدە بۇل پروبلەمادان تولىعىمەن قۇتىلعان ەل جوق. قازاقستان رەسپۋبليكاسى ايتۆ-ينفەكتسياسىنا وسالدىلىققا اسەر ەتەتىن جانە مەديتسينالىق قىزمەتتەرگە ءاوا-دىڭ قولجەتىمدىلىگىنە كەدەرگى بولاتىن فاكتورلاردى جويۋعا ارنالعان شارالاردى قابىلدايدى. اۋرۋدىڭ سيپاتىنا بايلانىستى كەمسىتۋشىلىكتىڭ قانداي دا ءبىر ءتۇرىن بولدىرماۋ تۋرالى مەملەكەتتىك كەپىلدەمەلەرى قر حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسىندە جانە كونستيتۋتسيادا زاڭنامالىق دەڭگەيدە بەكىتىلگەن.

ەلىمىزدە ءاوا-عا قاتىستى قوعامدا توزىمدىلىكتى قالىپتاستىرۋعا باعىتتالعان ءىس-شارالار ۇنەمى جۇرگىزىلىپ وتىرادى. بىلتىر 2018-2019 جىلدارعا ارنالعان ءاوا ستيگماسى مەن كەمسىتۋشىلىكتەرىمەن كۇرەسۋ جونىندەگى ۇلتتىق جوسپارعا قول قويىلدى، الماتىدا يۋنەسكو كلاستەرلىك بيۋروسى ء#اوا ستيگماسى مەن كەمسىتۋشىلىكتەرىن  تومەندەتۋ بويىنشا ەشكىم دە ارتىق ەمەس جوباسىن جۇزەگە اسىردى.

– قازاقستاندا ايتۆ-ينفەكتسياسىن ءتيىمدى باقىلاۋعا ارنالعان بارلىق العىشارتتار مەن الەۋەت بار. ايتۆ تارالۋىن توقتاتۋ ءۇشىن ەڭ الدىمەن مەديتسينالىق مەكەمەلەردە كەمسىتۋشىلىكتى تولىعىمەن جويۋعا ەرەكشە ءمان بەرۋ كەرەك. بۇل جاعداي ايتۆ-ينفەكتسياسى ىندەتىنىڭ ءوسۋ قارقىنىن ايتارلىقتاي قىسقارتۋعا سەپتىگىن تيگىزەدى، – دەپ ەسەپتەيدى قر دسم قازاق دەرماتولوگيا جانە ينفەكتسيالىق اۋرۋلار عىلىمي ورتالىعى ديرەكتورىنىڭ مىندەتىن اتقارۋشى باۋىرجان بايسەركين.

ستيگما مەن كەمسىتۋشىلىكتى جويۋعا بارىنشا كوڭىل بولە وتىرىپ، ءبىز ايتۆ-مەن ءومىر سۇرەتىن ادامداردىڭ مۇمكىندىگىن ارتتىرامىز، ولاردىڭ ەم الا وتىرىپ، ءومىر ءسۇرۋ ساپاسى مەن ۇزاقتىعىن جاقسارتۋعا سەپتىگىمىزدى تيگىزەمىز. كەمسىتۋشلىكتى جويۋ نەگىزىندە حالىقتى اۋرۋلار تۋرالى، الدىن الۋ شارالارى مەن بەرىلۋ جولدارى تۋرالى اقپاراتتاندىرۋ جاتادى.

ايناش ەسالي،

«Egemen Qazaqstan»

الماتى

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار