باسىلىم اقپارىنا سايكەس, پولتورانينمەن بىرگە تاعى ەكى اۋستريالىق شاڭعىشى دا مويىنداعان. تەرگەۋدەن كەيىن ولار ۇيلەرىنە جىبەرىلدى.
ەسكە سالساق, 27 اقپاندا اۋستريا قۇقىق قورعاۋ ورگانىنىڭ قىزمەتكەرلەرى گەرمانيا پروكۋراتۋرا قىزمەتكەرلەرىمەن بىرگە حالىقارالىق دوپينگتىك جەلىگە قارسى وپەراتسيا وتكىزدى, سونىڭ اياسىندا زەفەلدتە شاڭعى سپورتى بويىنشا چەمپيوناتتا بىرنەشە قۇراما كوماندالارعا جەتى ءتىنتۋ جۇمىستارىن جۇرگىزىپ, دوپينگكە قارسى زاڭنامانى بۇزعان دەگەن كۇدىكپەن اۋستريا قۇراماسىنىڭ ەكى سپورتشىسىن, قازاقستاننىڭ ءبىر سپورتشىسىن, ەستونيانىڭ ەكى سپورتشىسىن ۇستادى. كەيىن بەلگىلى بولعانداي, ۇستالعان قازاقستاندىق الەكسەي پولتورانين بولىپ شىقتى.
تەرگەۋ اقپارىنشا, كوممەرتسيالىق سپورتتىق الاياقتىق جانە تيىم سالىنعان پرەپاراتتار مەن دوپينگ تاسىلدەرىن پايدالانعان دەگەن كۇدىكپەن گەرمانيادا سپورت دارىگەرى, دارىگەر س.ماركپەن بايلانىستى قىلمىستىق توپ انىقتالدى. اۋستريالىق قۇقىققورعاۋشىلار قىلمىسكەرلەردىڭ ەرفۋرت قالاسىندا ارەكەت ەتكەندەرىن جانە بىرنەشە جىل بويى سپورتشىلارعا دوپينگ ۇسىنىپ كەلگەندەرىن مالىمدەدى.
شاڭعى سپورتى بويىنشا الەم چەمپيوناتى زەفەلدتە 20 اقپاننان 3 ناۋرىز ارالىعىندا ءوتىپ جاتىر.
