ەلىمىز باستامالارىنا ەرەكشە نازار
سەيسەنبى, 20 قاراشا 2012 7:12
جاقىندا دجيبۋتيدە يسلام ىنتىماقتاستىعى ۇيىمى (يىۇ) سىرتقى ىستەر مينيسترلەرىنىڭ كەڭەسى اشىلىپ, وعان قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ باستاعان قازاقستاندىق دەلەگاتسيا قاتىستى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
سەيسەنبى, 20 قاراشا 2012 7:12
جاقىندا دجيبۋتيدە يسلام ىنتىماقتاستىعى ۇيىمى (يىۇ) سىرتقى ىستەر مينيسترلەرىنىڭ كەڭەسى اشىلىپ, وعان قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ باستاعان قازاقستاندىق دەلەگاتسيا قاتىستى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
كونفەرەنتسيانىڭ اشىلۋىندا ءسوز سويلەگەن قازاقستان رەسپۋبليكاسى سىرتقى ساياسات ۆەدومستۆوسىنىڭ باسشىسى قازاقستاننىڭ وسى ۇيىمعا 2011 جىلدىڭ 28 ماۋسىمى مەن ۇستىمىزدەگى جىلدىڭ 15 قاراشاسىنا دەيىن سوزىلعان ءتوراعالىعىنىڭ قورىتىندىسىن شىعاردى. ول قازاقستان ديپلوماتياسى تاريحىنداعى وسى ماڭىزدى وقيعا كۇردەلى گەوساياسي جانە جاھاندىق ەكونوميكالىق سىن-قاتەرلەر مەن يىۇ گەوگرافياسىندا ورىن العان درامالىق ساياسي وزگەرىستەر كەزەڭىندە وتكەنىن اتاپ كورسەتتى.
مينيستر قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2011 جىلدىڭ 28 ماۋسىمىندا استانادا وتكەن يىۇ سىرتقى ىستەر مينيسترلەرىنىڭ 38-ءشى كەڭەسىندەگى باعدارلامالىق ءسوزى قازاقستاندىق ءتوراعالىقتىڭ كۇن ءتارتىبىن بەلگىلەسە, وندا يسلام الەمىن جاڭعىرتۋ, ونىڭ ءباسەكەگە قابىلەتتىلىگىن جوعارىلاتۋ, الەۋمەتتىك-ەكونوميكالىق پروگرەسس, حالىقارالىق ارەنادا يىۇ-نىڭ ءرولىن نىعايتۋ جانە وركەنيەتارالىق ۇنقاتىسۋدى دامىتۋ ماسەلەلەرىنە باسا نازار اۋدارىلعانىن كولدەنەڭ تارتتى.
ە.ىدىرىسوۆ استاناداعى سىمك بارىسىندا يسلام كونفەرەنتسياسى ۇيىمىن يسلام ىنتىماقتاستىعى ۇيىمىنا وزگەرتۋ تۋرالى تاريحي شەشىم قابىلدانعانىن اتاپ وتە كەلىپ, استانانىڭ توراعالىعى اياسىندا, تۇتاستاي العاندا, 40 ءىس-شارا, ونىڭ ىشىندە, 10 ءىس-شارا مينيسترلىكتەر دەڭگەيىندە ۇيىمداستىرىلعانىن, وسىنىڭ ناتيجەسىندە, ۇيىمنىڭ ءتۇرلى ورگاندارىنىڭ قىزمەتى ايتارلىقتاي بەلسەندى بولا تۇسكەنىن ايتتى.
ماسەلەن, قازاقستان باستاماسىمەن 7-ءشى بۇكىلالەمدىك يسلام ەكونوميكالىق فورۋمى, يىۇ-عا مۇشە ەلدەر دەنساۋلىق ساقتاۋ مينيسترلەرىنىڭ 3-ءشى كونفەرەنتسياسى, قورشاعان ورتا مينيسترلەرىنىڭ 5-ءشى كەزدەسۋى سەكىلدى اسا ءىرى ءىس-شارالار ۇيىمداستىرىلدى. اتالعان كەزەڭدە سوماليگە گۋمانيتارلىق كومەك رەتىندە 500 ملن. اقش دوللارى كولەمىندە قاراجات جينالدى. مۇنى ۇيىمنىڭ اسا ءىرى تابىسى دەپ باعالاعان ءجون.
قازاقستاننىڭ كوپشىلىك تاراپىنان قولداۋ تاپقان باستامالارىنىڭ قاتارىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ يىۇ-نىڭ ازىق-ت ۇلىك قاۋىپسىزدىگى جۇيەسىن قۇرۋ تۋرالى ۇسىنىسىن اتاۋعا بولادى. ويتكەنى, بۇل باستاما نەگىزىندە استانادا ۇيىمنىڭ جاڭا ينستيتۋتى – يىۇ-نىڭ ازىق-ءتۇلىك قاۋىپسىزدىگى جونىندەگى ءوفيسىن قۇرۋ تۋرالى شەشىم قابىلداندى.
يسلام دامۋ بانكىمەن (يدب) ىنتىماقتاستىق سالاسىندا ءوزارا ىقپالداستىققا ايتارلىقتاي ىرگەتاس قالاندى – يدب-مەن ەلدىك ءارىپتەستىك ستراتەگياسى جاسالدى. بۇل قازاقستان رەسپۋبليكاسىنداعى ءتۇرلى جوبالاردى جۇزەگە اسىرۋ ءۇشىن ايتارلىقتاي قارجى كوزدەرىن تارتۋعا, سونداي-اق قازاقستان باسشىسىنىڭ كەلەسى ءبىر باستاماسى – شاعىن جانە ورتا بيزنەستى دامىتۋ ءۇشىن قور قۇرۋ تۋرالى باستامانى جۇزەگە اسىرۋعا ءمۇمكىندىك بەرەدى.
استانا يىۇ-نىڭ ىشكى رەفورمالارىنا باعىتتالعان بىرقاتار قادامدارعا, ونىڭ ەو-مەن, ەقىۇ-مەن, شىۇ-مەن, اوسشك-مەن جانە الەمدىك جانە ءداستۇرلى ءدىندەر كوشباسشىلارىنىڭ سەزدەرىمەن ىنتىماقتاستىعىن كەڭەيتۋگە باستاماشىلىق جاسادى. قازاقستان رەسپۋبليكاسىنىڭ يادرولىق تاراتپاۋ, اۋعانستانداعى جاعدايدى قالپىنا كەلتىرۋ, G-Global-دى دامىتۋ, سونداي-اق ۇيىمنىڭ G-20-مەن ءوزارا ءىس-قيمىلىن ىلگەرىلەتۋ بويىنشا باستامالارى مۇسىلمان قاۋىمى تاراپىنان قولداۋ تاپتى.
استانادا يىۇ-نىڭ ادام قۇقىقتارى جونىندەگى تاۋەلسىز تۇراقتى كوميسسياسىن قۇرۋ تۋرالى شەشىم قابىلدانۋى ماڭىزدى قادام بولدى.
قازاقستان سىمك-ءنىڭ توراعاسى رەتىندە تاياۋ شىعىستاعى بەيبىتشىلىك پەن قاۋىپسىزدىك ماسەلەلەرىن تالقىلاۋدا سالماقتىلىق پەن تەپە-تەڭدىك كورسەتتى. ءبىزدىڭ ەلىمىز ۆاتيكاندا ەلشىلەر دەڭگەيىندە يىۇ-نىڭ دەلەگاتسياسىنا جەتەكشىلىك جاساپ, پالەستينا اۋماعىنداعى كاتوليك شىركەۋىنىڭ مەنشىك ماسەلەلەرىن تالقىلادى.
فورۋمدا ءسوز سويلەگەن يىۇ-نىڭ باس حاتشىسى ەكمەلەددين يحسانوعلى, دجيبۋتي پرەزيدەنتى يسمالي ومار گەللە, يىۇ-عا مۇشە ەلدەر سىرتقى ساياسات ۆەدومستۆولارىنىڭ باسشىلارى قازاقستان رەسپۋبليكاسىنىڭ ۇيىمعا توراعالىعىن جوعارى باعالاپ, پرەزيدەنت نۇرسۇلتان نازارباەۆ ىلگەرىلەتكەن باستامالاردىڭ كوكەيكەستىلىگىن اتاپ كورسەتتى. ال بۇل باستامالار يسلام ۋمماسىنىڭ كۇن تارتىبىندە تۇرعان اسا ماڭىزدى پروبلەمالاردى قوزعايدى.
ولاردىڭ سوزدەرىنە قاراعاندا, قازاقستان توراعالىق لاۋازىمىندا ءوزىن كۇردەلى ساياسي ۇدەرىستەردە كونسترۋكتيۆتى شەشىم قابىلداۋعا قابىلەتتى تولىسقان جانە جاۋاپكەرشىلىكتى مەملەكەت رەتىندە كورسەتتى. وسى ورايدا, قازاقستاننىڭ الەمگە ەكونوميكاسى دامىعان, ەتنوسارالىق جانە دىنارالىق كەلىسىمدى ساقتاپ وتىرعان ءتيىمدى مەملەكەتتىك قۇرىلىس قالىپتاستىرىپ, دۇنيە جۇزىنە ۇلگى كورسەتىپ كەلە جاتقان ەل ەكەنىن دە اتاپ كورسەتكەن ابزال. اتاپ ايتقاندا, يىۇ-نىڭ باس حاتشىسى, قازاقستاندىق توراعالىقتىڭ جوعارى مازمۇنى مەن كاسىبيلىگىن اتاپ وتە كەلىپ, ونىڭ ۇيىم تاريحىنداعى اسا ءبىر جارقىن بەت بولىپ قالاتىنىن كولدەنەڭ تارتتى.
كونفەرەنتسيا جۇمىسى شەڭبەرىندە ە.ىدىرىسوۆ بىرقاتار ەكىجاقتى كەزدەسۋلەر وتكىزدى. اۋعانستان سىرتقى ساياسات ۆەدومستۆوسىنىڭ باسشىسى ز.راسۋلمەن, ەگيپەت سىرتقى ساياسات ۆەدومستۆوسىنىڭ باسشىسى م.امىرمەن, يران سىرتقى ساياسات ۆەدومستۆوسىنىڭ باسشىسى ا.ساليحيمەن, ساۋد ارابياسى سىرتقى ساياسات ۆەدومستۆوسىنىڭ باسشىسى, حانزادا ابدەل ءازيز بەن ابداللامەن, گامبيا سىرتقى ساياسات ۆەدومستۆوسىنىڭ باسشىسى س.ۆاففا-وگوومەن, گۆينەيا سىرتقى ساياسات ۆەدومستۆوسىنىڭ باسشىسى ب.فوفانومەن, گايانا سىرتقى ساياسات ۆەدومستۆوسىنىڭ باسشىسى ك.رودريگەس-بيركەتپەن, اقش پرەزيدەنتىنىڭ يىۇ-داعى ارنايى ەلشىسى ر.حۋسەينمەن كەلىسسوزدەر بارىسىندا حالىقارالىق, وڭىرلىك جانە ەكىجاقتى ىنتىماقتاستىقتىڭ كوكەيكەستى ماسەلەلەرى تالقىلاندى. قازاقستان رەسپۋبليكاسىنىڭ استانادا حالىقارالىق ەكسپو-2017 كورمەسىن وتكىزۋ, سونداي-اق قازاقستاننىڭ 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنەن ورىن الۋ تاپسىرىستارىن ىلگەرىلەتۋ ءماسەلەلەرىنە باسا نازار اۋدارىلدى. قازاقستاندىق مينيستر, سونىمەن قاتار, يىۇ-نىڭ باس حاتشىسى ە.يحسانوعلىمەن جانە يسلام دامۋ بانكىنىڭ پرەزيدەنتى م.ءاليمەن كەلىسسوزدەر جۇرگىزدى.
«ەگەمەن-اقپارات».
