01 ناۋرىز، 2019

ۆيتالي تۆاريوناس: كەڭ پەيىلدى حالىققا ءدان ريزامىز

354 رەتكورسەتىلدى

ءبىز 1 ناۋرىز – العىس ايتۋ كۇنىن ۇلكەن قۇرمەتپەن جانە ەرەكشە ىقىلاسپەن قارسى الامىز. بۇل تاۋەلسىز قازاقستاندى قۇرۋعا مۇمكىندىك بەرگەن، ءبىزدى وسىرگەن ادامدارعا دەگەن ىزگى نيەت ءبىلدىرۋ مەن مەيىرىمدىلىك كۇنى. بۇل بولاشاق ۇرپاققا ۇلگى بولا بىلگەن ادامدارعا كورسەتىلەر قۇرمەت.

ءبىزدىڭ ەلىمىزدە كوپۇلتتى قازاقستان حالقىنىڭ ءوز داستۇرلەرى مەن ادەت-عۇ­رىپ­تارىن ساقتاۋىنا، بۇكىل الەمگە ءوزىنىڭ بەي­بىتسۇيگىش ساياساتى مەن ءبىر-بىرىنە دەگەن جاقسى كورشىلىك قارىم-قاتىناسىن كور­سەتۋىنە بىرەگەي مۇمكىندىك بار.

ءبىز، قازاقستاندا تۇراتىن ليتۆالىقتار ءوز جەرىندە ءومىر ءسۇرىپ، تاعدىردىڭ تالاي قيىنشىلىقتارىن باستارىنان وتكەرىپ جاتسا دا، قيىن-قىستاۋ جاعدايدا، باسقالارعا كو­مەكتەسۋگە مۇمكىندىك تاپقانى ءۇشىن قازاق حالقىنا ريزاشىلىعىمىزدى بىلدىرەمىز.

قازاق حالقى تاراپىنان بىزدەرگە كورسەتىلگەن جاقسىلىقتىڭ، ىزگىلىك پەن قولداۋدىڭ ونداعان، ءتىپتى جۇزدەگەن مىسالدارىن ايتا الامىز، سونىڭ ارقاسىندا قازىر ءبىز بەيبىتشىلىك پەن ءوزارا تۇسىنىستىكتە، كەلىسىمدە ءومىر ءسۇرىپ جاتىرمىز. تاعدىر تالكەگىمەن قۋعىنعا ۇشىراپ قازاقستانعا قونىس اۋدارعان ەتنوستار ءوز تاريحىنان قازاق ەلىنىڭ باۋىرمال دا قوناقجاي قاسيەتىن وسكەلەڭ ۇرپاققا جەتكىزىپ كەلەدى. ادامگەرشىلىك قارىم-قاتىناستىڭ ۇلگىسىنە اينالعان ايشىقتى مەرەكە – العىس ايتۋ كۇنى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ جارلىعىمەن قازاقستان حالقى اسسامبلەياسىنىڭ قۇرىلعان كۇنىمەن سايكەس مەرەكەلەنەدى. ەلىمىزدە تۇراتىن 130-دان استام ەتنوستار بۇل ايتۋلى كۇن­نىڭ ءمان-ماڭىزىن وتە جاقسى بىلەدى ءارى قۇر­مەتتەيدى.
 قازاقستانعا بۇگىندە الەمنىڭ ءتۇرلى ەلدەرىنەن كەلەتىن قوناقتار تازا كوڭىل­مەن، شىن پەيىلدەرىمەن قۋانا اتباسىن بۇ­رادى.

ءبىز 2017 جىلى ەكسپو كورمەسىن، الەمد­ىك دىندەر سەزىن وتكىزدىك، يادرولىق قارۋدان باس تارتتىق، ءبىز ەقىۇ مەن بۇۇ-نىڭ بەي­بىت­شىلىك سۇيگىش ساياساتىنداعى قارارلارىنا قولداۋ كورسەتەمىز. بىزدە مەملەكەت باسشىسى باسقاراتىن بەيبىتشىلىك پەن كەلىسىمنىڭ بىرەگەي ينستيتۋتى – قازاقستان حالقى اس­سام­­بلەياسى بار جانە ونىڭ اتقارىپ وتىر­عان ايشىقتى دا اۋقىمدى جۇمىستارى بۇكىل الەمگە تانىمال. 

ەلىمىزدە قازاقستاندىقتاردىڭ بيزنەس­پەن اينالىسۋىنا بارلىق جاعدايلار قاراس­تىرىلعان، سونداي-اق ينۆەستورلاردى تارتۋ ءۇشىن دە ءتيىمدى تاسىلدەر جاسالعان.

ءبىزدىڭ ليتۆالىق دوستارىمىزدىڭ بىرىنە قاراعاندى وبلىسىنداعى ءبىزدىڭ ءوڭىرىمىز ۇنادى، ول ەرەكشە «ليتۆالىقتار اۋلاسىن» سالىپ بەردى، ءبىز ءوز مەرەكەلەرىمىزدى، وزگە دە ءىس-شارالارىمىزدى وسىندا ريزاشىلىقپەن جانە تەگىن وتكىزەمىز.

بىزدەر ءۇشىن سالىنعان، ەتنومادەني بىر­لەستىكتەردىڭ باسىن ءبىر جەردە شوعىر­لان­دىراتىن «دوستىق ءۇيىمىز» سەكىلدى ءزاۋ­لىم سا­رايىمىز بار جانە زامان تالابىنا ساي بوي كوتەرگەن عاجاپ عيمارات ءۇشىن، بەي­بىتشىلىك پەن كەلىسىمنىڭ، دوستىق پەن جاق­سى­لىق­تىڭ سالتانات قۇرۋىنا نەگىز قالا­­عان قۇتتى شاڭىراق ءۇشىن ەلباسى نۇرسۇل­تان ءابىش ۇلى نازارباەۆقا زور العى­سى­مىزدى بىلدىرەمىز.

مۇنداي اسىل قاسيەت پەن قايىرلى باتىلدىق ۇلگىسىنىڭ بۇگىندە ءبىزدىڭ جاڭا بۋىنىمىزدىڭ بويىنان دا كورىنىس تاۋىپ وتىرعانىنا كۋا بولىپ وتىرمىز. ءبىزدىڭ ءىزباسارلارىمىز، جەلكىلدەپ شىققان قۇراقتاي بولىپ تاماشا جاستارىمىز ءوسىپ كەلەدى، ولار قازاقستاننىڭ بولاشاعى. وسى ورايدا بيىلعى جىلدى مەملەكەت باسشىسى نۇرسۇلتان ءابىش ۇلى نازارباەۆتىڭ جاستار جىلى دەپ جاريالاعانى كەزدەيسوقتىق ەمەس. ءبىز جاستارعا مەملەكەت، بيزنەس، وتباسى قۇرۋ ىسىندە ءوزىن تانىتا بىلۋىنە، تاۋەلسىز ەلىمىزدىڭ ودان ءارى وركەندەي تۇسۋىنە ۇلەس قوسۋىنا جان-جاقتى بىرەگەي مۇمكىندىكتەر جاساپ كەلەمىز. 
مەن بولاشاقتا بۇل ۇرپاقتىڭ دا بىزگە ريزا بولاتىندىعىنا سەنىم ارتامىن.

ۆيتالي تۆاريوناس،

قاراعاندى وبلىستىق «Lituanica» ليتۆا ەتنومادەني بىرلەستىگىنىڭ توراعاسى، قازاقستان حالقى اسسامبلەياسى توراعاسىنىڭ ورىنباسارى 

قاراعاندى

سوڭعى جاڭالىقتار

When will Employment Roadmap start working?

قوعام • بۇگىن، 15:47

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

الەمدەگى احۋال قانداي؟

كوروناۆيرۋس • بۇگىن، 10:57

قىزىلوردا: تاعى 3 ادام تىركەلدى

ايماقتار • بۇگىن، 09:57

مما: UFC-ءدى سىنعا الدى

سپورت • بۇگىن، 09:20

ۇقساس جاڭالىقتار