الدىمەن بارشا قازاقستاندىقتى پارتيامىزدىڭ 20 جىلدىعىمەن شىن جۇرەكتەن قۇتتىقتايمىن. شىن مانىندە, وسىدان 20 جىل بۇرىن, 1999 جىلى 1 ناۋرىزدا ءبىز – پرەزيدەنتتىڭ سەنىمدى وكىلدەرى, شتاب باسشىلارى ايانباي تەر توگىپ, اۋقىمدى ساياسي ىسكە بەل شەشە كىرىستىك. قازىر, مىنە, سول ەڭبەكتىڭ جەمىسىن كورىپ وتىرمىز.
ال بۇگىن مەملەكەت باسشىسى جۇكتەگەن تاپسىرمالاردى ابىرويمەن, ۋاقىتىندا جانە ساپالى ورىنداي الساق, ەلىمىزدىڭ ەڭسەسى كوتەرىلە تۇسپەك. اتاپ ايتقاندا, سوڭعى ۋاقىتتارى قوعام ىشىندە قىزۋ تالقىلانىپ جاتقان الەۋمەتتىك ماسەلەلەردى مەملەكەت باسشىسى تاپسىرعانداي ەڭسەرۋىمىز كەرەك. ونىڭ ىشىندە كوپ بالالى وتباسىلارعا, جاعدايى تومەن ازاماتتارعا ناقتى كومەك كورسەتۋدى بۇلجىتپاي ورىنداۋ پارتيا مۇشەلەرىنە ارتىلعان زور جاۋاپكەرشىلىك دەپ ەسەپتەيمىن. بۇل تەك الەۋمەتتىك-ەكونوميكالىق ماسەلە عانا ەمەس, ەلىمىزدىڭ تۇراقتىلىعى مەن قاۋىپسىزدىگىنىڭ كەپىلى بولادى. سوندىقتان الداعى ۋاقىتتا ۇكىمەت پەن وڭىرلەردەگى اكىمدەر مەملەكەت باسشىسىنىڭ تاپسىرماسىن مۇلتىكسىز جانە شاپشاڭ ورىنداۋى كەرەك.
سەرىك قوناقباەۆ,
مەملەكەت جانە قوعام قايراتكەرى
