01 ناۋرىز، 2019

تەحنيكالىق ماماندار دايارلاۋداعى ىنتىماقتاستىق

503 رەتكورسەتىلدى

قازاقستان ماشينا جاساۋشىلار وداعى جانە س.سەيفۋللين اتىنداعى قازاق اگرو­تەح­نيكالىق ۋنيۆەرسيتەتى «Samruk-Kazyna Trust» الەۋمەتتىك جوبالاردى دامىتۋ قورىنىڭ باستاماسىمەن جاستار الەۋەتىن دامىتۋ بولىگىندە «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى پرەزيدەنت جولداۋىنىڭ نەگىزگى تار­ماقتارىن ىسكە اسىرۋعا كىرىستى.

جاستار جىلى اياسىندا وداق پەن ۋنيۆەرسيتەت ماشينا جاساۋ سالاسىندا تەحنيكالىق ما­مان­دىقتاردىڭ بىلىكتى كادرلارىن دايارلاۋعا باعىتتالعان ىنتى­ماق­تاستىق تۋرالى مەمو­ران­دۋمعا قول قويدى. شاراعا اتالعان وداق باسقار­ماسىنىڭ توراعاسى مەيرام پىشەمباەۆ، س.سەي­­فۋل­لين اتىنداعى قازاق اگروتەح­ني­كالىق ۋنيۆەر­سيتەتىنىڭ رەكتورى اقىلبەك كۇرىشباەۆ جانە جوو وقىتۋشىلارى مەن ستۋدەنتتەرى قاتىستى. 

«اۋىل شارۋاشىلىعى ءون­دى­رىسىن دامىتۋ يننوۆاتسيانى قول­داۋ ارقىلى ىسكە اسادى. بۇگىنگى ءىس-شارا ماشينا جاساۋ سالاسىندا جاڭا فورماتتاعى كادرلاردى دايارلاۋعا باعىتتالعان بولاشاق ىنتىماقتاستىققا جاقسى تۇرتكى بولادى»، دەدى رەكتور.

م.پىشەمباەۆ تا بۇل شارانىڭ ماڭىزىن اتاپ ءوتتى. «بۇگىن ءبىز عىلىم مەن بيز­نەس­تىڭ ءوزارا ءىس-قيمىلى سالاسىن­داعى ماڭىزدى ءىس-شارالاردىڭ ءبىرىن وتكىزەمىز. ەلباسى ايت­قان الەۋمەتتىك باستامالار ءتورتىنشى ونەركاسىپتىك توڭكەرىس جاعدايىندا جاڭا ەكونوميكادا تالاپ ەتىلەتىن مامانداردى دامىتۋعا باسا نازار اۋدارادى. ياعني، ماشينا جاساۋدا عانا ەمەس، بارلىق وڭدەۋشى سالانى دامىتۋدىڭ قوزعاۋشى كۇشى بولاتىن بىلىكتى كادرلار قاجەت»، دەدى ول.
«Samruk-Kazyna Trust» الەۋمەتتىك جوبالاردى دامىتۋ قورى وداقپەن بىرلەسىپ روبوت­تەحنيكا بويىنشا پراكتيكالىق ساباقتار وتكىزۋگە ارنالعان وقۋ جيناقتارىن، قۇرالدار مەن قورعانىس قۇرالدارىن تابىس ەتتى. بۇل جيناقتار وقىتۋ پروتسەسىن تولىقتىرۋعا، اتاپ ايتقاندا، تەوريالىق ءبىلىمدى پراكتيكادا قولدانۋعا مۇمكىندىك بەرەدى. ءوز كەزەگىندە ستۋدەنتتەر زەرتحانادا وزدەرىنىڭ تاجىريبەلىك داعدىلارىن كورسەتتى.

راۋان قايدار،

«Egemen Qazaqstan»

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار