ايماق باسشىسىنىڭ سوزىنە سەنسەك, وبلىستىق بيۋدجەتتەن اياگوزدىڭ جىلۋ جۇيەسىنە 250 ميلليون تەڭگە قارجى بولىنبەك. «مەنشىك يەسىنەن ساتىپ الىپ, بۋ قازاندىقتارىن تولىعىمەن جاڭارتامىز. ەندى ءۇش قازاندىقتى دا جاڭادان قويامىز. بىرەر كۇندە جۇمىستار باستالادى. اماندىق بولسا, بيىلعى 1 قىركۇيەككە دەيىن اياگوز قالاسى جاڭا جىلۋ قازاندىقتارىمەن تولىق قامتاماسىز ەتىلەدى. سارسەنبى كۇنى ارنايى ماماندار كەلىپ, بۇل ءىستى باستايتىن بولادى. الماتىدان دا ارنايى مامانداردى شاقىرتىپ وتىرمىز. ءبىز بۇل ماسەلەنى تولىعىمەن شەشەمىز», - دەگەن وبلىس اكىمى ءوزىنىڭ اياگوز اۋدانىنا ءبىر جىلدىڭ ىشىندە 6 رەت كەلگەنىن جەتكىزدى.
ازامات قاسىم,
«Egemen Qazaqstan»
