بۇگىندە رەسپۋبليكا بويىنشا 340 مىڭ كوپبالالى وتباسى بار. سونىڭ ىشىندە 28 مىڭ وتباسى تۇرعىن ءۇي كەزەگىندە تۇر. مينيستر وسىنداي مالىمەت ايتا كەلىپ: «مەملەكەت باسشىسىنىڭ تاپسىرماسىنا سايكەس, ءبىز جەتى جىلدىڭ ىشىندە جىل سايىن 6 مىڭ جالدامالى پاتەردى سالىپ وتىرامىز. ءسويتىپ, 2025 جىلعا دەيىن 40 مىڭنان استام جالدامالى پاتەر تۇرعىزىلادى. سول كەزدە كەزەكتە تۇرعان كوپبالالى وتباسىلاردىڭ باسپانا ماسەلەسى تولىعىمەن شەشىلەدى. بيىل مامىر ايىندا كوپبالالى وتباسىلارعا جالدامالى پاتەردى بەرۋدى باستايمىز», - دەدى.
ەستەرىڭىزگە سالا كەتەيىك, «نۇر وتان» پارتياسىنىڭ كەزەكتى XVIII سەزىندە نۇرسۇلتان نازارباەۆ «نۇرلى جەر» باعدارلاماسىن كەڭەيتىپ, سونىڭ اياسىندا كوپبالالى وتباسىلارعا 40 مىڭ جالدامالى پاتەر سالۋدى تاپسىردى. «ۇكىمەتكە «نۇرلى جەر» باعدارلاماسى اياسىندا كوپبالالى وتباسىلار ىشىندەگى از قامتىلعان وتباسىلارعا باسىمدىق بەرە وتىرىپ, 40 مىڭنان استام جالدامالى پاتەر سالۋدى تاپسىرامىن. بۇل ماقساتقا تاياۋ 7 جىلدا جىل سايىن 50 ملرد تەڭگە بولىنەتىن بولادى», دەدى مەملەكەت باسشىسى.
