26-28 اقپان ارالىعىندا «استانا كونۆەنتسشن بيۋرو» جشس سانكت-پەتەربۋرگتىڭ تاجىريبەلى حالىقارالىق جاتتىقتىرۋشىلارىمەن بىرلەسىپ استانا قالاسىنىڭ تۋريستىك نىساندارىنا ەكسكۋرسيالىق قىزمەت كورسەتۋ جانە مۇراجاي پەداگوگيكاسى قىزمەتكەرلەرىنىڭ بىلىكتىلىگىن ارتتىرۋ كۋرسىن وتكىزدى.
مەملەكەتتىك ەرميتاج ادىسكەرى مارينا چەكمارەۆا جانە كوركەمونەر اكادەمياسىنىڭ ونەرتانۋشىسى ەلەنا كورولكوۆا, پسيحوتەراپەۆت اركادي كۋزنەتسوۆ كۋرسقا قاتىسۋشىلار مەن مۋزەيگە كەلۋشىلەرگە بارىنشا ادال كەڭىستىك قۇرۋ اسپەكتىلەرى تۋرالى ايتىپ, جاڭا تەحنولوگيالاردى قولدانا وتىرىپ, ءوزىنىڭ بىرەگەي ءونىمىن قۇرۋ بويىنشا پراكتيكالىق ترەنينگتەر وتكىزدى.
كۋرستارعا قازاقستان ۇلتتىق مۇراجايىنىڭ, اسكەري-تاريحي مۇراجايدىڭ, س.سەيفۋللين اتىنداعى مۇراجايدىڭ, قر تۇڭعىش پرەزيدەنتى-ەلباسى مۇراجايى مەن كىتاپحاناسىنىڭ, بولاشاق ەنەرگياسى مۇراجايىنىڭ (نۇر الەم), «الجير» مەموريالدىق كەشەنىنىڭ, بەيبىتشىلىك جانە كەلىسىم سارايىنىڭ, تاۋەلسىزدىك سارايىنىڭ, «استانا-بايتەرەك» مونۋمەنتىنىڭ, «اتامەكەن «قازاقستان كارتاسى» ەتنو-مەموريالدىق كەشەنىنىڭ ادىسكەرلەرى قاتىستى. كۋرستان 80-نەن استام ەكسكۋرسوۆود پەن مۇراجاي قىزمەتكەرى ءوتتى.
