جارىس قۇرلىق اسكەرلەرى بريگادالارىنىڭ وقۋ پوليگوندارىندا بولىمشەلەردى گارنيزونداردان تىس جەرگە اۋىستىرۋسىز وتكىزىلەدى. قۇرامىندا تاجىريبەلى اسكەري قىزمەتشىلەر بار تورەشىلەر القالارى جارىستىڭ جەڭىمپازدارىن ەكى نوميناتسيا بويىنشا انىقتايدى: ءبىرىنشىسى موتواتقىشتار, دەسانتتىق-شابۋىلشى, شابۋىلشى باتالوندار, تەڭىز جاياۋ اسكەرلەرى باتالوندارى اراسىندا جانە ەكىنشىسى تانك باتالوندارى اراسىندا. جارىس بارىسىندا باتالونداردىڭ جەكە قۇرامىنا, مەرزىمدى اسكەري قىزمەتتىڭ اسكەري قىزمەتشىلەرىن قوسا العاندا, تاۋلىكتىڭ كەز كەلگەن ۋاقىتىندا اۋا رايى جاعدايلارىنا قاراماستان شتاتتىق قارۋ-جاراقتان باقىلاۋلىق (وقۋ) اتىس جاتتىعۋلارىن جانە جاۋىنگەرلىك دايارلىق پاندەرى بويىنشا نورماتيۆتەردى ورىنداۋ قاجەت. وتكەن جىلعى جارىستىڭ ناتيجەسى قۇرلىق اسكەرلەرى بولىمشەلەرىنىڭ اتىس جاتتىقتىرۋ دەڭگەيىنىڭ ايتارلىقتاي ارتقانىن, اسكەري قىزمەتشىلەردىڭ ءدال كوزبەن كورۋ جانە اتۋ داعدىسىنىڭ ارتقانىن اتاپ وتكەن ءجون.
