باسەكەلەس ميتت رومني بولۋى مۇمكىن
بەيسەنبى, 5 قاڭتار 2012 7:10
اقش-تىڭ ايوۆا شتاتىندا وتكەن رەسپۋبليكاشىلدار پارتياسى بەلسەندىلەرىنىڭ جيىنىندا پرەزيدەنتتىك سايلاۋعا كانديداتتار اراسىنان ولاردىڭ ەشقايسىسى باسىم داۋىسقا يە بولا المادى.
رەيتەر اگەنتتىگىنىڭ حابارلاۋىنشا, پەنسيلۆانيا شتاتىنىڭ بۇرىنعى گۋبەرناتورى ريك سانتورۋم مەن ماسساچۋسەتس شتاتىنىڭ ەكس-گۋبەرناتورى ميتت ءرومنيدىڭ ارقايسىسى 24 پايىزدان, كونگرەسسمەن رون پول 22 پايىز داۋىس جيناعان. ال وكىلدەر پالاتاسىنىڭ بۇرىنعى سپيكەرى نيۋت گينگريچ ءتورتىنشى ورىن العان. ونىڭ جيناعان داۋىسى – 13 پايىز.
بەيسەنبى, 5 قاڭتار 2012 7:10
اقش-تىڭ ايوۆا شتاتىندا وتكەن رەسپۋبليكاشىلدار پارتياسى بەلسەندىلەرىنىڭ جيىنىندا پرەزيدەنتتىك سايلاۋعا كانديداتتار اراسىنان ولاردىڭ ەشقايسىسى باسىم داۋىسقا يە بولا المادى.
رەيتەر اگەنتتىگىنىڭ حابارلاۋىنشا, پەنسيلۆانيا شتاتىنىڭ بۇرىنعى گۋبەرناتورى ريك سانتورۋم مەن ماسساچۋسەتس شتاتىنىڭ ەكس-گۋبەرناتورى ميتت ءرومنيدىڭ ارقايسىسى 24 پايىزدان, كونگرەسسمەن رون پول 22 پايىز داۋىس جيناعان. ال وكىلدەر پالاتاسىنىڭ بۇرىنعى سپيكەرى نيۋت گينگريچ ءتورتىنشى ورىن العان. ونىڭ جيناعان داۋىسى – 13 پايىز. قالىپتاسقان ءداستۇر بويىنشا ايوۆاداعى بەلسەندىلەر جيىنى (كوكۋس) اقش-تاعى پرەزيدەنتتىك سايلاۋ باسەكەسىن اشىپ بەرەدى. ەندى رەسپۋبليكاشىلدار الدىندا ءوز كانديداتۋراسىن ەكىنشى مەرزىمگە ۇسىنعان دەموكرات باراك وباماعا باسەكەلەس بولاتىن تۇلعانى انىقتاۋ تۇر. ول 10 قاڭتار كۇنى نيۋ-گەمپشير شتاتىندا بەلگىلى بولادى.
ايەلدەن قۋلىق ارتىلعان با؟!
ماسكەۋدەگى ءبىر بانكتە بولعان اسا ءىرى كولەمدەگى اقشا ۇرلىعى قىلمىسىنىڭ بەتى اشىلدى. قۇقىق قورعاۋ ورگاندارىنىڭ ءمالىمەتتەرىنە قاراعاندا, ونى سول بانكتىڭ 47 جاستاعى قىزمەتكەرى جاساعان.
تەرگەۋ امالدارى بارىسىندا انىقتالعانىنداي, قىزمەتكەر ايەل ءوزىنىڭ قىزمەت بابىن پايدالانا وتىرىپ, كاسسا زالىندا قويىلعان اقشا بۋمالارىن سول مولشەردە كەسىلگەن قاعاز بۋمالارمەن الماستىرعان. بۇل جىمىسقى ارەكەتىن ول بىرنەشە رەت قايتالاعان ەكەن. وسىلايشا, بانكتەن 18,2 ميلليون رۋبل, 62 مىڭ ەۋرو جانە 53 مىڭ دوللار الىپ شىعىپتى. بۇل قىلمىستىق ارەكەت بەينەباقىلاۋ كامەراسىنىڭ كومەگىمەن اشىلعان كورىنەدى.
وكىلدىكتەرىن كاتاردا اشاتىن بولدى
«تاليبان» يسلام قوزعالىسى كاتار بيلىگىمەن وزدەرىنىڭ وسى ەلدە ساياسي وكىلدىگىن اشۋ ماسەلەلەرى جونىندە باستاپقى كەلىسىم جاساعاندارى تۋرالى مالىمدەدى.
«تاليبان» قوزعالىسىنىڭ ءباسپاسوز حاتشىسى زابيۋللا مودجاحەدتىڭ حابارلاۋىنشا, دوحا قالاسىندا ورنالاساتىن ءوفيستى اۋعانستانداعى اسكەري قيمىلداردى توقتاتۋ ماقساتىندا كەلىسسوزدەر جۇرگىزۋ ءۇشىن پايدالانادى. «قازىرگى كەزدە ءبىز شەت مەملەكەتتەردە ءوز وكىلدىكتەرىمىزدى ۇستاۋعا ءازىرمىز, – دەدى ول. – بۇل حالىقارالىق قوعامداستىقپەن ءوزارا تۇسىنىستىكتى قامتاماسىز ەتۋ ءۇشىن قاجەت. وسىعان بايلانىستى ءبىز كاتار ەلىمەن تۇسىنىستىككە قول جەتكىزىپ وتىرمىز». «تاليبان» قوزعالىسى, سونداي-اق تاليبتەرمەن بايلانىسى بار دەپ سوتتالعانداردى اقش-تىڭ گۋانتانامو تۇرمەسىنەن بوساتۋعا شاقىردى.
كەمە اپاتتى جاعدايدا قالدى
رەسەي مەملەكەتتىك تەڭىز-قۇتقارۋ ورتالىعىنىڭ حابارلاۋىنشا, كۋريل ارالدارى ماڭىندا اپاتتى جاعدايعا ۇشىراعان «يرينا» كەمەسىندە 150 تونناعا جۋىق مۇناي ونىمدەرى جانە 560 توننا مۇزداتىلعان بالىق بار ەكەن.
«يرينا» كەمەسى وحوت تەڭىزىنەن ۆلاديۆوستوكقا كەلە جاتقاندا قاتتى تولقىن ۇرۋى سالدارىنان وسىنداي جاعدايعا تاپ بولعان ەدى. قوزعالتقىشى ءوشىپ, كەمەگە سۋ كىرە باستاعاندا, كەمە كاپيتانى 19 ادامنان تۇراتىن ەكيپاج مۇشەلەرىن كوشىرۋ تۋرالى شەشىم قابىلداعان. ولارعا «تاتارستان» كولىك رەفريجەراتورى كومەككە كەلىپ, ەكيپاج مۇشەلەرىن قۇتقارىپ قالعان. سوڭعى مالىمەتتەرگە قاراعاندا, «يرينا» كەمەسىنە ساحالين پورتىنان «اتلاس» قۇتقارۋ كەمەسى كومەككە بارا جاتىر.
ونلاين جۇيەسىمەن ساتامىن دەپ…
قىتايدا پويىز بيلەتتەرىن جاڭا ونلاين جۇيەسى بويىنشا ساتۋ جولاۋشىلاردى ەداۋىر قيىندىقتارعا تاپ كەلتىرىپ وتىر. وعان قاڭتار ايىنىڭ سوڭىنا قاراي مەرەكەلەنەتىن جاڭا جىلعا بايلانىستى پويىز بيلەتتەرىنە سۇرانىستىڭ ەسەلەپ ارتۋى سەبەپ بولعان.
قىتاي ەلىندە 23 قاڭتاردان باستاپ ءبىر اپتا بويى كوكتەم فەستيۆالى (جاڭا جىل) كەڭىنەن تويلانادى. وسى كەزدە جولاۋشىلار قوزعالىسى اسا كوپ بولادى. سونداي-اق قالاارالىق قوعامدىق كولىكتەردى پايدالانۋشىلار سانى 200 ميلليوننان اسادى دەپ كۇتىلۋدە. ءتيىستى مينيسترلىك باستاپقىدا ونلاين جۇيەسى ارقىلى بيلەت ساتۋ ۇزىن-سونار كەزەكتى ازايتۋعا ىقپال ەتەدى دەپ ەسەپتەگەن كورىنەدى. ال ناتيجەسىندە, كوپتەگەن ازاماتتار بيلەت قۇنىن تولەگەنمەن, جولاۋشىلار تىزىمىنە ەنبەي قالعان. مينيسترلىك بۇل پروبلەمانى 15 جۇمىس كۇنى ىشىندە شەشۋگە ۋادە بەرىپ وتىر.
اناسىمەن جولىعۋعا مۇمكىندىك بەردى
ۋكراينانىڭ بۇرىنعى پرەمەر-مينيسترى يۋليا تيموشەنكونىڭ قىزى ەۆگەنيانى حاركوۆ قالاسىنداعى كاچانوۆ تۇزەۋ كولونياسىندا جازاسىن وتەپ جاتقان اناسىمەن كەزدەسۋگە رۇقسات ەتتى. وعان رۇقساتتى يۋ.تيموشەنكونىڭ ادۆوكاتى سەرگەي ۆلاسەنكونىڭ ءوتىنىشى بويىنشا ۋكراينا قاۋىپسىزدىك قىزمەتىنىڭ تەرگەۋشىسى بەرگەن.
ەۆگەنيانىڭ اناسىنا اپتاسىنا ەكى رەت, ال ادۆوكاتىنىڭ تۇراقتى جولىعىپ تۇرۋىنا مۇمكىندىك جاسالعان. بۇدان بىرەر كۇن بۇرىن كىشى تيموشەنكوعا رۇقسات قاعازى جوق بولعاندىقتان, اناسىمەن جولىعۋىنا باس تارتىلعان ەدى. ۋكراينا ەكس-پرەمەرىنىڭ رەسەيمەن گاز كەلىسىمىن جاساۋ كەزىندە ءوز وكىلەتتىك لاۋازىمىن اسىرا پايدالاندى دەگەن ايىپ تاعىلىپ, 7 جىل مەرزىمگە سوتتالعانى بەلگىلى.
وپپوزيتسيا قىسىم جاساۋعا شاقىردى
سۆازيلەند ەلىنىڭ وپپوزيتسياسى سوسا-سوla كورپوراتسياسىن وسى مەملەكەتتىڭ باسشىسى, كورول مسۆاتي ءىىى-كە ەلدە ساياسي رەفورمالار جۇرگىزۋ ءۇشىن قىسىم جاساۋعا شاقىردى. وپپوزيتسيا بەلسەندىلەرىنىڭ ءبىرى – لاكي لۋكەلەنىڭ مالىمدەۋىنشە, مسۆاتي بيلىگىنىڭ «اپارتەيدتەن ايىرماشىلىعى جوق».
سوسا-سوla كورپوراتسياسى سۆازيلەندىنىڭ اسا ءىرى ينۆەستورلارىنىڭ ءبىرى بولىپ تابىلادى. رەسمي ەمەس مالىمەتتەرگە قاراعاندا, ەل بيۋدجەتى كىرىسىنىڭ 40 پايىزى وسى كورپوراتسيانىڭ ۇلەسىنە تيەدى. بۇعان دەيىن كومپانيانىڭ وكىلدەرى سوسا-سوla ەلدىڭ ساياسي ومىرىنە ارالاسپايتىندىعىن بىرنەشە رەت مالىمدەگەن سياقتى. ال سۆازيلەند بارلىق ساياسي پارتيالارعا تىيىم سالعان مونارحيالى ەل بولىپ تابىلادى. ەلگە 44 جاستاعى مسۆاتي ءىىى 1986 جىلدان بەرى بيلىك جۇرگىزىپ كەلەدى.
ينتەرنەت ماتەريالدارى نەگىزىندە ازىرلەندى.
