ايماقتار • 26 اقپان، 2019

ماڭعىستاۋدا 5000-عا جۋىق كاسىپكەر ساۋالناماعا قاتىستى

287 رەت كورسەتىلدى

ساۋالنامانى جۇرگىزۋدىڭ ماقساتى - وڭىردەگى ءاربىر كاسىپكەرمەن جەكە سويلەسىپ، پىكىرىن ءبىلۋ، تىعىز بايلانىس ورناتۋ، ءىس جۇرگىزۋدە تۋىنداعان تۇيىتكىلدى ماسەلەلەرىمەن جەتە تانىسۋ، جاڭادان قوسىلعان ونلاين-قىزمەت تۇرىنە تىركەۋ. 

ماڭعىستاۋ وبلىسىندا كاسىپكەرلەر اراسىندا ساۋالناما جۇرگىزۋ وسى جىلدىڭ 17 قاڭتارىندا باستالعان بولاتىن. قالالار مەن اۋداندار، اۋىلداردا بۇگىنگە دەيىن 4700-دەي كاسىپكەر ساۋالناماعا قاتىسىپ، وي-پىكىرىن ءبىلدىردى. قازىر ماڭعىستاۋدا 67 142 كاسىپكەرلىك سۋبەكتىسى جۇمىس ىستەپ تۇر. سونىڭ 49 989-ى call-centre ارقىلى، ال 18 153-ءى وكپ قىزمەتكەرلەردىڭ وزدەرى نىساندى ارالاپ تولتىرۋىمەن جۇزەگە اسادى.

كاسىپكەرلەردىڭ تىنىس-تىرشىلىگىمەن تانىسۋ ءۇشىن «اتامەكەن» ۇكپ 300 قىزمەتكەرى، ال وڭىرلىك پالاتانىڭ 20 شاقتى مامانى تاڭنان كەشكە دەيىن سۇراقتارعا جاۋاپ الىپ، ساۋالناما جۇمىستارىن جۇرگىزىپ وتىر.

ساۋالناما تولتىرۋ الدىمەن تۇپقاراعان اۋدانىنىڭ فورت-شەۆچەنكو قالاسى، باۋتين مەن اتاش كەنتتەرىنەن باستالدى. سونان سوڭ جۇمىس توبى مۇنايلى اۋدانىنا باردى. اقتاۋ، جاڭاوزەن قالالارى مەن قاراقيا، بەينەۋ، ماڭعىستاۋ اۋداندارىندا دا جۇمىس قارقىندى ءجۇرىپ جاتىر.

 ساۋالناما اياسىندا «Atameken services» پورتالىنىڭ قىزمەتى دە ءتۇسىندىرىلىپ جاتىر. ماڭعىستاۋلىق 534 بيزنەس-سۋبەكتىسى وسى پورتالدىڭ قىزمەتىنە جۇگىنىپ ۇلگەردى. ونلاين قىزمەت ءتۇرى ارقىلى كاسىپكەر 60-تان استام تەگىن سەرۆيستىك قىزمەت الادى. ءتورت نەگىزگى باعىت بويىنشا كورسەتىلەتىن كومەكتىڭ العاشقىسى - «نەسيە اگرەگاتورى». ونى قولدانعان كاسىپكەرلەر ۇيدەن شىقپاي-اق بارلىق بانكتەر مەن قارجىلىق ۇيىمدارعا نەسيە الۋعا ءوتىنىم بەرە الادى. ەكىنشى، بيزنەس ءبىلىمدى كەڭەيتۋ جانە قىزمەتكەرلەردى قايتا وقىتۋ ءۇشىن «Atameken.Academy» سەرۆيسى كومەكشى قۇرال بولادى. ءۇشىنشى، كاسىبي زاڭگەرلىك كومەك «قۇقىقتىق قورعاۋ» بولىمىندە قولجەتىمدى. ءتورتىنشى، ءوتىنىم بەرۋشىلەرگە بيزنەس-جوبا، سالىقتى ەسەپتىلىك، نارىققا ماركەتينگتىك زەرتتەۋ جۇرگىزۋ تەگىن كورسەتىلەدى.

بۇدان بولەك، كاسىپكەرلەر پالاتاسىنىڭ كاسىپكەرلەرگە قىزمەت كورسەتۋ ورتالىعى ارقىلى دا «Atameken Services» قىزمەتىنە جۇگىنۋگە بولادى. مۇندا ىسكەرلەر بۋحگالتەرلىك جانە سالىقتىق ەسەپ، ستاتيستيكالىق ەسەپتى قۇرۋ، ماركەتينگتىك سۇراقتار، مەملەكەتتىك ساتىپ الۋ ماسەلەلەرى بويىنشا ونلاين-پورتالعا ءوتىنىم جىبەرۋىنە تولىقتاي مۇمكىندىگى بار. وسىلايشا كاسىپكەر ۋاقىتىن ۇنەمدەپ، كەزەكتە تۇرىپ، قاعازباستىلىققا ۇرىنىپ سابىلماي اسا ءتيىمدى قىزمەتتەردى قالاعان جەرىندە وتىرىپ الۋىنا بولادى.

«اتامەكەن» ۇلتتىق كاسىپكەرلەر پالاتاسى ونلاين-ساۋالنامانى دا ىسكە قوستى.

گۇلايىم شىنتەمىرقىزى،

«Egemen Qazagstan»

ماڭعىستاۋ وبلىسى

سوڭعى جاڭالىقتار

وزبەكستان نارىعىنا شىعادى

ەكونوميكا • بۇگىن، 07:55

قوسىلۋ شارتىنا قول قويدى

قوعام • بۇگىن، 07:54

قۇس شارۋاشىلىعى قولداۋ كۇتەدى

ەكونوميكا • بۇگىن، 07:51

تاكەن جازعان اشتىق

تاريح • كەشە

ۇقساس جاڭالىقتار