بۇگىنگى تاڭدا ەلىمىزدە پارتيانىڭ 1 ميلليوننان استام مۇشەسى بار. بۇل دەگەنىڭىز ۇلكەن كۇش. پارتيا قۇرىلعالى بەرگى ۋاقىتتىڭ ىشىندە ەلىمىزدە ەلەۋلى وزگەرىستەر ورىن الدى. الايدا, ماسەلەسىز قوعام بولۋى مۇمكىن ەمەس. بۇل ورايدا «نۇر وتان» پارتياسى حالىقتىڭ تالاپ-تىلەگىنە دە قۇلاق اسىپ, ءاربىر ماسەلەنىڭ وڭ شەشىلۋىنە اتسالىسىپ كەلەدى. پارتيا ءاربىر كەزەڭدە ءوز باعدارلاماسىن قابىلداپ, ونىڭ ورىندالۋىنا جوعارى دەڭگەيدە ءمان بەرىپ وتىر. تاياۋدا ەلباسىنىڭ قاتىسۋىمەن استانا قالاسىندا وتەتىن پارتيانىڭ سەزىندە باس پارتيا 2030 جىلعا دەيىنگى ءوز باعدارلاماسىن قابىلدايدى. بۇل ەلىمىز ءۇشىن جاۋاپتى كەزەڭ. ال پارتيا جارعىسىنا وزگەرىستەر مەن تولىقتىرۋلار ەنگىزۋدەگى باستى ماقسات – ەلباسى جولداۋىندا ايتىلعانداي, ازاماتتاردىڭ ءال-اۋقاتىن ارتتىرۋ. قازىرگى كەزدە ەلىمىزدە ەلباسى جولداۋىندا ايتىلعان جالاقى كولەمىن ارتتىرۋ, تۇرعىن ءۇي, جاستار ماسەلەسى سياقتى باسىم باعىتتار جۇزەگە اسىپ كەلەدى. تەك قانا جەتكەن جەتىستىكپەن ءومىر سۇرمەي, ءارى قاراي دا ۇلكەن ماقسات كەرەك. ساپالى تۇردە وزگەرۋ قاجەت. ءالى دە بولسا ەل ىشىندە شەشىلمەگەن ماسەلەلەر بار. مىنە, «نۇر وتان» پارتياسىنىڭ جارعىسىنا وزگەرىستەر مەن تولىقتىرۋلار ەنگىزۋمەن بىرگە ءتۇرلى ماسەلەلەردىڭ دە شەشىمى تابىلادى.
بۇگىنگى تاڭدا «قازفوسفات» جاۋاپكەرشىلىگى شەكتەۋلى سەرىكتەستىگىندە 6200 ادام جۇمىس ىستەيتىن بولسا, ونىڭ 2163-ءى «نۇر وتان» پارتياسىنىڭ مۇشەلەرى. ءبىر قۋانتارلىعى, بۇلاردىڭ كوبى جاستار. بىزگە قاراستى زاۋىتتاردا دا پارتيانىڭ باستاۋىش ۇيىمدارى بار. ۇيىمداردىڭ جۇمىسى دا وندىرىسكە ۇلكەن ۇلەس قوسۋدا. ءوزىم دە «نۇر وتان» پارتياسى ساياسي كەڭەسىنىڭ مۇشەسى رەتىندە قوعامدىق جۇمىستارعا ارالاسامىن. ەلباسىنىڭ جولداۋىندا ايتىلعانداي, ءبىز دە ەڭبەك ونىمدىلىگىن جانە ءوندىرىس كولەمىن جىل سايىن 20 پايىزعا ارتتىرىپ وتىرمىز. ماسەلەن, وتكەن جىلى كاسىپورىندا 112 ميلليارد تەڭگەنىڭ ءونىمى وندىرىلسە, بۇل كورسەتكىشتى بيىل 130-140 ميلليون تەڭگەگە جەتكىزۋدى جوسپارلاپ وتىرمىز. بۇل ارقىلى دا حالىقتىڭ ءال-اۋقاتى ارتىپ, الەۋمەتتىك جاعدايى جاقسارا تۇسەدى.
مۇقاش ەسكەندىروۆ,
«نۇر وتان» پارتياسى ساياسي كەڭەسىنىڭ مۇشەسى, «قازفوسفات» جشس باس ديرەكتورى, قازاقستاننىڭ ەڭبەك ەرى
جامبىل وبلىسى
