ايماق باسشىسىنىڭ ايتۋىنشا, وتكەن جىلى وڭىردە قايتا وڭدەۋ سەكتورىنا 26 ميلليارد تەڭگە ينۆەستيتسيا تارتىلدى. ياعني, الدىڭعى جىلمەن سالىستىرعاندا ءتورت ەسەگە ارتىق. ونىڭ ىشىندە باستى ينۆەست جوبا - ول «ماكينسك قۇس فابريكاسى» جشس جوباسى.
جوبىنىڭ ەكىنشى كەزەڭى جۇزەگە اسىرىلعان 2020 جىلى كاسىپورىن ەلىمىزدىڭ قۇس ەتىنە دەگەن ىشكى سۇرانىسىنىڭ 15 پايىزىن جاۋىپ, يمپورت ۇلەسىن 30 پايىزعا ازايتادى. بۇگىنگى كۇنى قۇس فابريكاسىندا ءبىر ادامعا ەڭبەك ونىمدىلىگى 25 مىڭ دوللاردى قۇرايدى. ال, ەكىنشى كەزەڭى ىسكە قوسىلعان كەزدە بۇل كورسەتكىش 1,5 ەسەگە ۇلعايادى كەلەشەكتە كاسىپورىندا جوبانىڭ ءۇشىنشى كەزەڭى جۇزەگە اسىرىلىپ, ءوندىرىس قۋاتىن 100 مىڭ تونناعا جەتكىزۋ جوسپاردا بار.
ايتالىق, ازىق-ت ۇلىك ءوندىرىسىنىڭ كولەمى وتكەن جىلى 80 ميلليارد تەڭگەگە ارتتى. «بيىلعى جىلى «ۋروجاي» جشس جارما ءوندىرىسىن ىسكە قوسادى. بۇدان بولەك, «مولوكو سينەگورە» جانە «ناتيجە» جشس جاڭعىرتۋ ارقىلى ءوندىرىستى قالپىنا كەلتىردى. ال, «Eco Milk» جوندەۋ جۇمىستارى جۇرگىزىلۋدە», - دەپ اتاپ ءوتتى وبلىس اكىمى. ايتا كەتۋ كەرەك, اقمولا وبلىسى تاۋاروندىرۋشىلەرىنىڭ ونىمدەرى برەندكە اينالدى. بۇگىنگى كۇنى استانا قالاسىندا 5 «AQMOL» دۇكەنى جۇمىس ىستەيدى. بيىلعى جىلى تاعى ۇشەۋىن اشۋ جوسپارلانىپ وتىر.
