«2020 جىلدىڭ 1 قاڭتارىنان باستاپ, جەكە تۇلعا باسقا بانكتەر مەن جەكەلەگەن بانكتىك وپەراتسيالارىن جۇزەگە اسىراتىن ۇيىمداردان الىنعان يپوتەكالىق تۇرعىن ءۇي قارىزدارىنىڭ سىياقىلارى بويىنشا سالىقتىق شەگەرىمدى قولدانۋ قۇقىعىنا يە بولادى» دەلىنگەن حابارلامادا.
سىياقىلار بويىنشا سالىقتىق شەگەرىم تولەم كوزىنەن سالىق اگەنتىمەن (جۇمىس بەرۋشىمەن) قولداناتىندىقتان, جەكە تۇلعالار سالىقتىق جەڭىلدىكتى قولدانۋ ءۇشىن سالىق اگەنتىنە (جۇمىس بەرۋشىگە) كەلەسى قۇجاتتاردى ۇسىنۋى قاجەت:
1) جەكە تۇلعانىڭ سالىقتىق شەگەرىمدەردى قولدانۋ تۋرالى ءوتىنىشى;
2) راستايتىن قۇجاتتاردىڭ كوشىرمەلەرى.
سىياقىلار بويىنشا سالىقتىق شەگەرىمدى قولدانۋ ءۇشىن مىنا قۇجاتتار قاجەت:
1) قازاقستان رەسپۋبليكاسىنىڭ اۋماعىندا تۇرعىن ءۇي جاعدايلارىن جاقسارتۋ جونىندەگى ءىس-شارالاردى جۇرگىزۋگە «تۇرعىن ءۇي قۇرىلىس جيناق بانكى» اق-مەن جاسالعان يپوتەكالىق تۇرعىن ءۇي قارىزى شارتى;
2) سىياقى سومالارى ءبولىپ كورسەتىلگەن يپوتەكالىق تۇرعىن ءۇي قارىزىن وتەۋ كەستەسى;
3) وسىنداي قارىز بويىنشا سىياقىنىڭ وتەلگەنىن راستايتىن قۇجات (تۇبىرتەك).
مۇنداي قۇجاتتاردىڭ كوشىرمەلەرى تالاپ قويۋدىڭ ەسكىرۋ مەرزىمى ىشىندە, ياعني بەس جىل ىشىندە, سالىق اگەنتىندە ساقتالادى.
جەكە تۇلعانىڭ وسى سالىقتىق شەگەرىمىن تەك ءبىر سالىق اگەنتىندە (جۇمىس بەرۋشىدە) قولدانۋعا قۇقىعى بار ەكەنىن ەسكەرگەن ءجون.
سىياقىلار بويىنشا سالىقتىق شەگەرىمدى جەكە تۇلعا ءوز پايداسىنا جۇمسايدى. قازاقستان رەسپۋبليكاسىنىڭ اۋماعىندا تۇرعىن ءۇي جاعدايلارىن جاقسارتۋ جونىندەگى ءىس-شارالاردى جۇرگىزۋگە تۇرعىن ءۇي قۇرىلىسى جيناق بانكتەرىنەن الىنعان يپوتەكالىق تۇرعىن ءۇي قارىزدارى بويىنشا سىياقىنى تولەۋگە ارنالعان شىعىستار بويىنشا قولدانادى.
