اۋىلعا كەلىپ وتا جاسادى
سارسەنبى, 13 ماۋسىم 2012 7:49
كاتونقاراعاي اۋىلىندا جاڭا جوبالى اۋرۋحانا ءۇيىنىڭ سالىنۋى №2 مب-ءنىڭ دارىگەرلەرىنە جاقسى ەڭبەك جاعدايلارىن تۋدىرۋمەن قاتار, ناۋقاستارعا كورسەتىلەر مەديتسينالىق كومەك تۇرلەرىن كەڭەيتۋگە دە ۇلكەن مۇمكىندىكتەر بەرىپ وتىر. ياعني, اۋرۋحانا ءۇيى زاماناۋي مەديتسينالىق قۇرال-جابدىقتارمەن جاقسى جابدىقتالعان, جانساقتاۋ ءبولىمى دە بار. كورشىلەس اۋداندارداعى ارىپتەستەرىنە قاراعانداعى وسىنداي ارتىقشىلىقتارىن ۋاقىتىلى سەزىنە بىلگەن بىرلەستىكتىڭ ديرەكتورى ارقابەك قادىرباەۆ اۋداندىق, وبلىستىق دەڭگەيلەردە وتكىزىلىپ جۇرگەن ءارتۇرلى جيىنداردا وبلىستاعى بىلىكتى ماماندار اۋىلعا كەلىپ,
سارسەنبى, 13 ماۋسىم 2012 7:49
كاتونقاراعاي اۋىلىندا جاڭا جوبالى اۋرۋحانا ءۇيىنىڭ سالىنۋى №2 مب-ءنىڭ دارىگەرلەرىنە جاقسى ەڭبەك جاعدايلارىن تۋدىرۋمەن قاتار, ناۋقاستارعا كورسەتىلەر مەديتسينالىق كومەك تۇرلەرىن كەڭەيتۋگە دە ۇلكەن مۇمكىندىكتەر بەرىپ وتىر. ياعني, اۋرۋحانا ءۇيى زاماناۋي مەديتسينالىق قۇرال-جابدىقتارمەن جاقسى جابدىقتالعان, جانساقتاۋ ءبولىمى دە بار. كورشىلەس اۋداندارداعى ارىپتەستەرىنە قاراعانداعى وسىنداي ارتىقشىلىقتارىن ۋاقىتىلى سەزىنە بىلگەن بىرلەستىكتىڭ ديرەكتورى ارقابەك قادىرباەۆ اۋداندىق, وبلىستىق دەڭگەيلەردە وتكىزىلىپ جۇرگەن ءارتۇرلى جيىنداردا وبلىستاعى بىلىكتى ماماندار اۋىلعا كەلىپ, مۇنداعى دارىگەرلەرگە ءىس-جۇزىندە كومەك كورسەتىپ, كۇردەلى ەمەس كەيبىر وپەراتسيالاردى جەرگىلىكتى جەرلەردە جاساۋعا ۇيرەتسە دەگەن ۇسىنىستار ايتقان بولاتىن. ەڭ سوڭعى رەت ول وسى ماسەلەنى وتكەن جىلى وسكەمەندە وتكىزىلگەن حيرۋرگتار قوعامىنىڭ كەزەكتى ءبىر كەڭەسىندە كوتەرىپ, ەسىمى رەسپۋبليكامىزعا عانا ەمەس تمد-عا جاقسى تانىمال بىلىكتى دارىگەر, وبلىستىڭ باس حيرۋرگى اسكەرتاي ءتۇسەلباەۆتىڭ تاراپىنان قولداۋ تاپقان-دى. ەندى مىنە, وسى يگى باستامانىڭ جەمىسىن كاتوندىقتار كورە باستادى.
وتكەن اپتادا وبلىستىق اۋرۋحانانىڭ باس حيرۋرگى ءا.ءتۇسەلباەۆ, پروكتولوگيا ءبولىمىنىڭ مەڭگەرۋشىسى م.بوشاباەۆ, وبلىستىق اۋرۋحانانىڭ انەستەزولوگ-رەانيماتولوگى, جەرلەسىمىز گ.سەمەنوۆا, تاعى باسقا مامان-ءدارىگەرلەردى كاتونقاراعاي اۋداندىق №2 مب-نە ءوزى باستاپ كەلىپ سەگىز ناۋقاسقا تەگىن وتا جاسادى.
– وسىدان بىرەر كۇن بۇرىن كاتونقاراعايعا ىسساپارمەن كەلىپ, مۇنداعى ناقتى جاعدايدى كوزبەن كورىپ كەتكەنمىن, – دەدى ءاسكەرتاي ءسىلام ۇلى. – اۋرۋحانالارى جاڭا, قۇرال-جابدىقتارى دا وبلىستاعىدان بىردە كەم ەمەس ەكەن. حيرۋرگيالىق كومەكتى قاجەت ەتەتىن ناۋقاستاردى انىقتاپ دايىنداۋدا دا دارىگەرلەر جاقسى ەڭبەكتەنىپتى. وسى جولى ءوت جولدارىندا تاس بار, قان تامىرلارى مەن تىك ىشەكتەرى سىرقاتتارىنا دا حيرۋرگيالىق ارالاسۋ قاجەت دەگەن سەگىز ناۋقاسقا وتا جاساۋعا كەلدىك. وپەراتسيالار ويداعىداي, ءساتتى ءوتتى. الداعى ۋاقىتتا دا بۇل جاڭا باستامانى جالعاستىرا بەرەمىز دەپ ويلايمىن. وسى جىلدىڭ ءشىلدە ايىندا جانە كۇزىندە قايتا ورالامىز دەگەن جوسپارىمىز بار.
حالىققا تۇرعىلىقتى جەرلەرىندە دارىگەرلىك قىزمەت كورسەتۋ ناۋقاستارعا ءتيىمدى. بىرىنشىدەن, ولار ۇزاق جول ءجۇرىپ شارشامايدى, وسكەمەن مەن ەكى ورتاعا ۋاقىت كەتىرىپ, بارىپ-كەلۋگە اقشا جۇمساپ شىعىندانبايدى. ال ءبىز بولساق, جەرگىلىكتى مامانداردىڭ كاسىبي بىلىكتىلىگىن جوعارىلاتۋعا كومەكتەسەمىز. كاتونقاراعايعا كەلمەس بۇرىن حيرۋرگيا ءبولىمىنىڭ مەڭگەرۋشىسى سەرىك توكيموۆ پەن انەستەزولوگ-رەانيماتولوگ اسەل قاسىموۆانى وبلىستىق اۋرۋحانادا ەكى اپتا تاجىريبەدەن وتكىزگەنبىز. ەندى, مىنە, ولاردىڭ ءوز جۇمىس ورىندارىندا بىرگە وتا جاسادىق. ۇلكەن نارىننان اسەل بۇلعۇنوۆا مەن اقسۋاتتان باعدان ورازحانوۆ دەگەن جاس دارىگەر-حيرۋرگتاردى دا كورسىن, ۇيرەنسىن دەگەن نيەتپەن وزىمىزبەن بىرگە الىپ ءجۇرمىز.
ەلباسىمىز نۇرسۇلتان نازارباەۆ «الەۋمەتتىك ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى بيىلعى جولداۋىندا: «مەديتسينالىق قىزمەت كورسەتۋدىڭ قولجەتىمدىلىگى مەن ساپاسىن ارتتىرۋ, سالاماتتى ءومىر سالتىن العا باستىرۋ ادامي الەۋەتتىڭ دەڭگەيىن ارتتىرۋدىڭ كەلەسى ءبىر ماڭىزدى باعىتى بولىپ تابىلادى», – دەي كەلە اتالمىش سالانىڭ قىزمەتكەرلەرىنىڭ الدىنا ۇلكەن مىندەتتەر قويعان بولاتىن. وسكەمەندىك دارىگەرلەر مەملەكەت باسشىسىنىڭ تالابىنا وسىلاي ناقتى ىستەرىمەن جاۋاپ بەرۋدە.
جانىبەك قىزىر.
