سدۋ پرەزيدەنتى مەيىربەك ماجيتوۆ كەزدەسۋ قاتىسۋشىلارىنا ۋنيۆەرسيتەتتى ترانسفورماتسيالاۋ اياسىنداعى جۇرگىزىلىپ وتىرعان جوسپارلى جۇمىس تۋرالى بايانداپ جانە ونىڭ نەگىزگى باعىتى – مەملەكەتتىك, كورپوراتيۆتىك جانە ۇكىمەتتىك ەمەس ۇيىمدارمەن قىزمەتتىك قارىم-قاتىناستى نىعايتۋدى جولعا قويۋدىڭ زور ماڭىزدىلىعىن اتاپ ءوتتى. سونىمەن قاتار ءبىلىم ورداسىنىڭ باسشىسى مەملەكەتتىك قىزمەت وكىلدەرىمەن وتكىزىلىپ وتىرعان ورتاق اشىق الاڭنىڭ تيىمدىلىگىن جوعارى باعالاپ, ۋنيۆەرسيتەتتە بەرىلەتىن قىزمەت تۇرلەرىنە توقتالدى. اتاپ ايتقاندا, ءىس-شارا قاتىسۋشىلارىنا سدۋ بازاسىنداعى جازدىق بالالار لاگەرى, ۇزدىكسىز ءبىلىم بەرۋ ورتالىعىنىڭ قىزمەت تۇرلەرى, مەكتەپ وقىتۋشىلارىنا ارنالعان بىلىكتىلىكتى ارتتىرۋ باعدارلامالارى جانە نارىقتىڭ تالابىنا ساي جوعارى ساپالى ماماندار دايارلاۋ تۋرالى جان-جاقتى مالىمەت بەرىلدى.
كەزدەسۋ اياسىندا الماتى وبلىسى اكىمى اتىنان الەۋمەتتىك وسال توپتارعا ۋنيۆەرسيتەتتىڭ پەداگوگيگالىق جانە ينجەنەرلىك ماماندىقتارى بويىنشا ارنايى ءبىلىم بەرۋ گرانتتارىن ءبولۋ, وقۋ ورنىنىڭ بازاسىندا «سانالى ۇرپاق» جازعى بالالار لاگەرىن اشۋ, ورتا مەكتەپ ۇستازدارىنا ارنالعان وقۋ-جاتتىعۋ سەمينارلارى مەن شەبەرلىك ساعاتتار توپتاماسىن جۇرگىزۋ, سونىمەن قاتار مەكتەپ تۇلەكتەرىن ۇبت-عا ازىرلەۋ بويىنشا كەلىسىمگە قول جەتكىزىلدى.
ءوز كەزەگىندە الماتى وبلىسى اكىمدىگىنىڭ وكىلدەرى مەن جەرگىلىكتى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسشىلىعى اتالمىش ماقساتتاردى جۇزەگە اسىرۋ بويىنشا سۋلەيمان دەميرەل ۋنيۆەرسيتەتىنە ۇستىمىزدەگى جىلدىڭ ناۋرىز ايىندا كەلۋدى جوسپارلاپ وتىر.
ەسكە سالا كەتسەك, بىرەر ۋاقىت بۇرىن سدۋ بازاسىندا «سانالى ۇرپاق» جوبالى كەڭسەسىنىڭ تۇساۋى كەسىلىپ, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىستىق دەپارتمەنتىمەن ەكى جاقتى جوسپارلى جۇمىستار باستالىپ كەتتى.
