«مەملەكەتتىك باعدارلاما مەملەكەت باسشىسىنىڭ ەرەكشە باقىلاۋىندا. باعدارلامانى ىسكە اسىرۋ ماقساتىندا ەكونوميكاداعى شىعىنداردى قىسقارتاتىن ايتارلىقتاي ەكونوميكالىق تيىمدىلىك كۇتىلۋدە. ەلباسى بۇعان ەرەكشە كوڭىل ءبولىپ وتىر. باعدارلاما قابىلدانعان ساتتەن باستاپ ءبىر جىل ءوتتى. ىلگەرىلەۋ بار, بىراق ءبىز ونى ءالى دە بايقايمىز. زاڭنامالىق بازا جەتىلدىرىلدى. وندىرىستەردى, بيزنەستى, مەملەكەتتىك باسقارۋدى جۇرگىزۋ تاسىلدەرى ازىرلەندى جانە وڭتايلاندىرىلدى. الايدا, ءبىز دە بىرقاتار پروبلەمالىق ماسەلەلەردى بايقاپ وتىرمىز. مەملەكەتتىك ورگاندار ءوز باعىتتارى شەڭبەرىندە عانا, كەيدە ءوزارا تاۋەلدى مىندەتتەردى جۇزەگە اسىرۋعا كەلىسپەستەن تسيفرلاۋمەن اينالىسادى», دەدى ب. ساعىنتاەۆ سەيسەنبى كۇنى ۇكىمەت وتىرىسىندا.
ونىڭ ايتۋىنشا, وسىعان بايلانىستى ءاربىر مەملەكەتتىك ورگان وزىنشە ەسەپ بەرەتىن تسيفرلاندىرۋ اسەرلەرىن باعالاۋدىڭ تۇراقتى مونيتورينگىن جۇرگىزۋ قاجەت.
«تاعى ءبىر ماسەلە – قانداي دا ءبىر سالادا تسيفرلاندىرۋ الەۋەتىن انىقتاۋ قاجەت. داۋرەن اسقاربەك ۇلى, سىزگە وسىنىڭ بارلىعىن بىرىڭعاي جۇيەگە كەلتىرۋ جانە وسى باعىتتا جۇمىس ىستەۋ قاجەت», دەپ تاپسىردى پرەمەر-مينيستر.
