«الماتى» اۋدانىنىڭ اكىمى ادىلبەك سارسەمباەۆتىڭ مالىمەتىنە سۇيەنسەك, اۋدان اۋماعىندا 387 اۋلا بار. ونىڭ 350-ءى بۇگىنگى تاڭدا جاقسى كۇيدە. «2018 جىلى 235 اۋلانىڭ قۇرىلىسى, 6 گۇل باعىن اباتتاندىرۋ جۇمىستارى جۇرگىزىلدى. وسى جىلى مۇسىرەپوۆ كوشەسى 10/2, 10/3 جانە قاجىمۇقان كوشەسى, 15 مەكەنجايلارى بويىنشا ەكى گۇل باعىن سالۋ, سونداي-اق قالعان 37 اۋلانى اباتتاندىرۋ جۇمىستارىن جۇرگىزۋ جوسپارلانعان», – دەدى ول.
سونىمەن بىرگە, تۇرعىنداردىڭ ءوتىنىشى بويىنشا مۇمكىندىگى شەكتەۋلى بالالارعا ارنالعان ويىن ەلەمەنتتەرى ورناتىلعان. اۋلاىشىلىك اۋماقتاردا 2 مىڭ شام بار. 387 اۋلانىڭ 25-ءى جارىقتاندىرىلماعان. «الماتى» اۋدانىنىڭ اۋماعىندا 2 584 بەينەباقىلاۋ كامەراسى ورناتىلعان. ولاردىڭ 2 434-ءى – تۇرعىن ۇيلەردە, 150-ءى كوشەلەر مەن كوشە قيىلىستارىندا ورناتىلعان. وسى جىلى 945 كامەرا ورناتىلادى دەپ جوسپارلانۋدا (539-ى «سەرگەك» كامەرالارى). اۋدان اۋماعىندا ورناتىلعان «سەرگەك» كامەرالارىنىڭ جالپى سانى 519-دى قۇرايدى.
«ەسىل» اۋدانىنىڭ اكىمى تولەگەن زاكاريانوۆتىڭ ايتۋىنشا, 2019 جىلى 10 اۋلاىشىلىك اۋماقتا جوندەۋ-قالپىنا كەلتىرۋ جۇمىستارىن جۇرگىزۋ كوزدەلگەن. اۋدانداعى 82 تۇرعىن ءۇي كەشەنىنىڭ كىرە بەرىسىندە 750 IP-كامەرا ورناتىلعان. ول تۇرعىنداردىڭ ءوز پاتەرلەرىن ونلاين جۇيەدە قاراپ وتىرۋىنا مۇمكىندىك بەرەدى. «سارىارقا» اۋدانىندا اۋلالاردى اباتتاندىرۋ جانە قاۋىپسىزدىكتى قامتاماسىز ەتۋ بويىنشا كەشەندى جوسپاردى جۇزەگە اسىرۋ شەڭبەرىندە 35 اۋلا اباتتاندىرىلدى. اتاپ ايتقاندا, 16 فۋتبول الاڭى, 2 باسكەتبول جانە 24 جاتتىعۋ الاڭى ورناتىلدى.
«قازىرگى تاڭدا «سارىارقا» اۋدانى بويىنشا 308 تۇرعىن ۇيدە 3 881 بەينەباقىلاۋ كامەرالارى ورناتىلدى. اۋدان تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ ءۇشىن 267 ءۇيدىڭ اۋلاسىندا, سونداي-اق اسا كريمينوگەندى ۋچاسكەلەردەگى تۇرعىن ءۇي (تەمىرجول بەكەتى اۋدانى, ارمان دۇكەنى, مەملەكەتتىك باعدارلامالار ۇيلەرى, «ماحاببات 1,2» تك) اۋلالارىندا 677 «سەرگەك» بەينەباقىلاۋ كامەراسى ورناتىلدى», – دەپ مالىمدەدى اۋدان اكىمى.
اۋداندا قازىرگى كەزدە جالپىلاي العاندا, 1 485 «سەرگەك» كامەراسى ورناتىلعان. بايقوڭىر اۋدانىندا 367 جارىق بەرۋ قۇرالى تاپشى بولعان. 2018 جىلى اۋداننىڭ ءوز كۇشىمەن 43 اۋلادا جارىق شامدارى اۋىستىرىلدى. قالعان مەكەنجايلار بويىنشا جارىق بەرۋشى قۇرالداردى ورناتۋ شارالارى وسى جىلى اياقتالماق.
سونىمەن قاتار, اۋدان اۋماعىندا ازاماتتاردىڭ قاۋىپسىزدىگىن قامتاماسىز ەتۋ ءۇشىن «سەرگەك» كامەرالارىن ورناتۋ ءجۇرىپ جاتىر. قازىرگى كەزدە ءبىرىنشى كەزەڭ اياقتالدى, ناتيجەسىندە 299 بەينەباقىلاۋ كامەراسى ىسكە قوسىلدى. ەكىنشى كەزەڭ بارىسىندا بايقوڭىر اۋدانىندا وسىنداي 450 كامەرا ورناتىلاتىن بولادى. كامەرالاردى ورناتۋ مەرزىمى اعىمداعى جىلدىڭ ناۋرىز ايىنىڭ سوڭىنا دەيىن جالعاسادى.
