قازاقستان • 19 اقپان، 2019

قوستانايدا ايەل-پوليتسەيلەر اراسىنداعى مەرگەن انىقتالدى

237 رەتكورسەتىلدى

قازىر پوليتسەيلەر اراسىندا ايەلدەر از ەمەس. ولار تەوريالىق ءبىلىم العانمەن، فيزيكالىق جاعىنان دا شىنىققان شىمىر بولماسا، قيىن ماماندىقتىڭ تالاپتارى ۇدەسىنەن شىعا الماسى انىق. جاقىندا قوستانايدا ءىىم وقۋ ورتالىعى بازاسىندا وتكەن وقۋ-جاتتىعۋ جيىنىندا اعا لەيتەنانت كارينا بازارباەۆا 27 ايەل-پوليتسەيلەردىڭ اراسىنان مەرگەندىگىمەن وق بويى العا شىقتى.

كارينا قوستاناي قالاسىنداعى ءىىم ش.قابىلباەۆ اتىنداعى اكادەمياسىن ءبىتىردى. ول مەرگەندىككە وسى ءبىلىم ورداسىندا جاتتىقتى. وقۋدى بىتىرگەنەن كەيىن بىرنەشە جىل اقمولا وبلىسىنداعى ستەپنوگورسك قالاسىندا قىزمەت ەتتى. وندا ايەلدەر اراسىندا مەرگەندىكتەن الدىنا جان سالعان جوق. ول قوستاناي قالاسىنا قايتىپ كەلىپ، جاسوسپىرىمدەر ءىسى جونىندەگى ينسپەكتور بولىپ جۇمىسىن جالعاستىردى. قازىر كارينا جاقسى جار، انا، قوستاناي قالالىق پوليتسياسىنىڭ جاۋاپتى قىزمەتكەرى.

ء«بىز، ايەلدەر،پوليتسەي بولعان سوڭ تەوريالىق ءبىلىم جەتكىلىكسىز، فيزيكالىق جاعىنان دا دايىن بولۋىمىز كەرەك. سوندىقتان قارۋ پايدالانۋدى وتە ۇقىپتىلىقپەن، ەپتىلىكپەن مەڭگەرۋىمىز كەرەك» دەيدى كارينا.

«قازىر ايەلدەر مەڭگەرمەگەن ماماندىق جوق شىعار، ءسىرا. سونىڭ اراسىندا ەر ادامدارعا ءتان ماماندىقتاردى تاڭداعان ايەلدەر دە از ەمەس. ايەل-پوليتسەيلەر وزدەرىنىڭ ىقىلاستىلىعىمەن، شىدامدىلىعىمەن، توزىمدىلىگىمەن ەرەكشەلەنەدى. جاۋىنگەرلىك قارۋدى، جەكپە-جەك ادىستەرىن پايدالانا بىلۋدەن، پسيحولوگيالىق جانە فيزيكالىق دايىندىقتان ساناتتارى بويىنشا حالقىمىز ايتقانداي، ايەلدەردىڭ «نازىك، ناشار بالا» ەكەنىن ۇمىتىپ كەتكەندەي بولامىز.ەرلەرمەن قاتار ولار ناعىز كاسىبي ساقشى ەكەنىن كۇندەلىكتى قىزمەتتە كورسەتىپ ءجۇر» دەيدى وبلىستىق پوليتسيا دەپارتامەنتى ارنايى دايىندىق باسقارماسى باستىعىنىڭ مىندەتىن اتقارۋشى ەرلان مۋسين.

ارينە، بۇل باعىتتاعى جۇمىس وسىلاي جالعاسا بەرەتىن بولادى.

ءنازيرا جارىمبەت،

«ەگەمەن قازاقستان»

قوستاناي

سوڭعى جاڭالىقتار

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار