22 اقپاندا ماسكەۋدە ەۋرازيالىق ەكونوميكالىق وداققا مۇشە مەملەكەتتەر باسشىلارى ورىنباسارلارىنىڭ كەڭەسى وتەدى. قازاقستاندىق دەلەگاتسيانى پرەمەر-ءمينيستردىڭ ءبىرىنشى ورىنباسارى اسقار مامين باسقارادى. اتالعان وتىرىستا ەۋرازيالىق ەكونوميكالىق وداعى شەڭبەرىندە ينتەگراتسيالىق ىنتىماقتاستىقتىڭ وزەكتى ماسەلەلەرى قاراستىرىلادى دەپ جوسپارلانۋدا.
«ەۋرازيالىق ەكونوميكالىق وداعى اياسىندا ينتەگراتسيالىق جوبالار پەرسپەكتيۆالارىنا, وداقتىڭ سەربيامەن ەركىن ساۋدا تۋرالى كەلىسىم جاساسۋ تۋرالى كەلىسسوزدەرگە, وداق جانە قىتاي كەدەندىك شەكارالارى ارقىلى تاسىمالداناتىن تاۋارلار مەن حالىقارالىق كولىك قۇرالدارى تۋرالى اقپارات الماسۋ تۋرالى كەلىسىم جوباسىنا ەرەكشە نازار اۋدارىلاتىن بولادى», دەدى ول.
جالپى, كەڭەس وتىرىسىنىڭ كۇن تارتىبىنە 22 ماسەلە كىرەدى, ونىڭ 8-ءى شاعىن قۇرامدا قارالادى دەپ جوسپارلانۋدا.
