قازاقستان • 07 اقپان، 2019

رۋدنىيدا جول قاۋىپسىزدىگىن باقىلايتىن قۇرىلعى ورناتىلدى

260 رەتكورسەتىلدى

ەۋرازيالىق توپ (ERG) قۇرامىنداعى سوكولوۆ-سارىباي كەن بايىتۋ وندىرىستىك بىرلەستىگىنىڭ باستاماسىمەن رۋدنىي قالاسىنىڭ كوشەلەرىنە «جاياۋ جۇرگىنشى تورى» دەپ اتالاتىن ەكى اقپاراتتىق-ەسكەرتپە قۇرالى ورناتىلدى. كەن الىبىنىڭ بۇل باستاماسى قالاداعى جول قوزعالىسى كەزىندە جۇرگىنشىلەر قاۋىپسىزدىگىنە سەپتەسۋ ماقساتىنان تۋعان ەدى.

– قالا جولدارىنىڭ جاياۋ جۇرگىنشىلەر كوبىرەك وتەدى دەگەن تۇسىندا قوزعالىس تەتىكتەرىن ورناتتىق. جۇرگىنشى تەتىكتىڭ ارەكەت ەتۋ اۋماعىنا ەنگەندە دابىل جارىعى جانىپ، تۇنگى ۋاقىتتىڭ وزىندە اينالا كۇندىزگىدەي جاپ-جارىق بولىپ كەتەدى. سول سەبەپتى كولىك جۇرگىزۋشىلەرى جۇرگىنشىنى كورىپ، جىلدامدىعىن ازايتادى، – دەپ ءتۇسىندىردى رۋدنىي قالالىق تكش، جولاۋشىلار كولىگى جانە اۆتوموبيل جولدارى ءبولىمىنىڭ باستىعى ولجاس ومىرزاقوۆ.

جول قوزعالىسى قاۋىپسىزدىگىن قامتاماسىز ەتۋ ماقساتىنداعى بۇل يگى ىسكە «جاسىل تەحنولوگيانىڭ» كوپ كومەگى ءتيدى. قۇرالعا ورناتىلعان جارىقتاندىرۋ قوندىرعىسى قۋات جيناقتاي الاتىن كۇن باتارەيالارىمەن جۇمىس ىستەيدى. «جاياۋ جۇرگىنشى تورى» اقپاراتتىق-ەسكەرتپە قۇرالى – اۆتوموبيل جولىن كەسىپ ءوتۋ كەزىندە ادامنىڭ قاۋىپسىزدىگى ءۇشىن ازىرلەنگەن سىناما جوباسى بولىپ تابىلادى. كۇن باتارەيالارى مەن كامەرالار داڭعىل جولدا بولىپ جاتقان بارلىق ءىس-ارەكەتتەردى 100 پايىز باقىلاۋعا مۇمكىندىك بەرەدى. بۇگىندە ەكى قۇرىلعى ساتىپ الىندى. ينفراقىزىل تەتىگى بار ءبىر قۇرىلعى قالانىڭ تۇرعىندار كوپ جۇرەتىن ورتالىق كوشەسىندە ىسكە قوسىلسا، ەكىنشىسى جوندەۋ-مەحانيكالىق زاۋىتىنا قاراما-قارسى بەتتەگى ونەركاسىپ كاسىپورىندارى تۇرعان اۋماقتا ورناتىلىپ جاتىر.

«جاياۋ جۇرگىنشى تورى» اقپاراتتىق-ەسكەرتپە قۇرالى – وبلىس قالالارى مەن اۋداندارىنداعى جولداردا العاش ورناتىلعان سىناما نۇسقا. ونىڭ جۇمىسى قاجەتتىلىككە قاراي تۇزەتىلىپ، جەتىلدىرەتىن بولادى. «جاياۋ جۇرگىنشى تورىنىڭ» قىزمەتىن ساراپتاۋ ءۇشىن رۋدنىيعا وسى جاڭالىقتىڭ اۆتورلارى «ANGEL ZEBRA» جشس قىزمەتكەرلەرى دانيار احاەۆ پەن ءاليحان راحىمبەكوۆ ارنايى كەلمەك. ولار قۇرىلعىلاردا كەمشىن تۇستار بولسا، انىقتاپ، تۇزەتەتىن بولادى. قاناتقاقتى جوبانى قازاقستاننىڭ باسقا دا قالالارىندا قولدانىسقا ەنگىزۋ ءۇشىن ول قاتەسىز جۇمىس ىستەۋى كەرەك ەكەن. قالالىق پوليتسەيلەر وسى قالپىنىڭ وزىندە قۇرىلعى جاياۋ جۇرگىنشىلەردىڭ قاتىسۋىمەن بولاتىن جول-كولىك وقيعالارىنىڭ ازاياتىنىنا سەنىمدى.

جوبانى جۇزەگە اسىرۋعا Eurasian Resources Group پەن قوستاناي وبلىسى اكىمدىگىنىڭ اراسىندا جاسالعان ءوزارا ىنتىماقتاستىق مەموراندۋم اياسىندا 14 ميلليوننان استام تەڭگە ءبولىندى. 15 جىلدان بەرى ءوندىرىس پەن وبلىس اكىمدىگى اراسىندا وسىنداي ىنتىماقتاستىق جالعاسىن تاۋىپ كەلەدى. مەموراندۋم شەڭبەرىندە بولىنگەن قارجى ءوڭىردىڭ ينفراقۇرىلىمى مەن الەۋمەتتىك-ەكونوميكالىق دامۋىنا جۇمسالىپ، تالاي يگى ىستەر جۇزەگە استى. جول قوزعالىسىن رەتتەۋدەگى جاڭا جوبا سونىڭ ءبىرى عانا.

ءنازيرا جارىمبەت،

«Egemen Qazaqstan»

 رۋدنىي

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ۇقساس جاڭالىقتار