ەۋرازيالىق ينتەگراتسيا ينستيتۋتى قازاقستاننىڭ 17 وبلىسىندا, استانا, الماتى, شىمكەنت قالالارىندا Exit poll – رەفەرەندۋم ۋچاسكىلەرىنەن شىعا بەرىستە ازاماتتارعا ساۋالناما جۇرگىزدى.
ساۋالناما 200 رەفەرەندۋم ۋچاسكىسىن قامتىدى, ونىڭ ىشىندە 129 – قالالاردا, 71 – اۋىلدىق جەرلەردە ورنالاسقان.
ساۋالناماعا بارلىعى 30 مىڭ رەسپوندەنت قاتىستى, ولارعا ارنايى دايارلانعان ينتەرۆيۋەرلەر face-to-face ادىسىمەن سۇحبات جۇرگىزدى.
زەرتتەۋ ناتيجەلەرىنىڭ قاتەلىگى 1%-دان اسپايدى.
ايتا كەتەيىك, 15 ناۋرىز كۇنى قازاقستاندا جاڭا كونستيتۋتسيا جوباسى بويىنشا رەسپۋبليكالىق رەفەرەندۋم ءوتتى. ەل بويىنشا داۋىس بەرۋ ۋچاسكەلەرى ساعات 07:00-دەن 20:00-گە دەيىن جۇمىس ىستەدى.
داۋىس بەرۋ قۇقىعىنا 18 جاستان اسقان, سايلاۋشىلار تىزىمىنە ەنگىزىلگەن قازاقستان ازاماتتارى يە بولدى. تىزىمگە بارلىعى 12 461 796 ادام ەنگىزىلدى.
رەفەرەندۋم كۇنى ەل بويىنشا 10 388 داۋىس بەرۋ ۋچاسكەسى جۇمىس ىستەدى. سونداي-اق الەمنىڭ 54 ەلىندەگى قازاقستاننىڭ ديپلوماتيالىق وكىلدىكتەرى جانىنان 71 ۋچاسكە اشىلدى.
بايقاۋشىلار: رەفەرەندۋم بارىسىندا زاڭبۇزۋشىلىقتار تىركەلگەن جوق
ال 92 ۋچاسكەدە, نەگىزىنەن اسكەري بولىمدەردە, كوميسسيالار جۇمىسىن ەرتەرەك – ساعات 06:00-دە باستادى.
سونىمەن قاتار رەفەرەندۋمدا 9 126 850 ءازامات وز تاڭداۋىن جاسادى. ول تىزىمگە ەنگىزىلگەن ازاماتتاردىڭ 73,24 %-ىن قۇرادى. ايتا كەتەيىك, رەفەرەندۋمنىڭ رەسمي ناتيجەلەرى 2026 جىلعى 21 ناۋرىزعا دەيىن جاريالانادى.
