ۇلتتىق بانكتىڭ مالىمدەمەسىنە سۇيەنسەك, بانكتىڭ كاپيتالىنا جاڭا ينۆەستور تارتىپ, اۋىل شارۋاشىلىعى ونىمدەرىن وندىرۋشىلەرگە قوسىمشا قولداۋ كورسەتۋ جانە ولاردىڭ جىلدام قالىپقا كەلۋى ءۇشىن جاعدايلار جاسالدى. سونىڭ نەگىزىندە «First Heartland Securities» كومپانياسى «تسەسنابانك» اكتسيالارىنىڭ باقىلاۋ پاكەتىن ساتىپ الدى.
«تسەسنابانك» اق-تىڭ ۇلەسىنە ۆاليۋتالىق كرەديتتەر تۇرىندەگى جۇكتەمەسى بار اگروونەركاسىپتىك سالا كرەديتتىك پورتفەلىنىڭ 65%-ى تيەسىلى ەكەندىگى بەلگىلى. سىرتقى نارىقتارداعى جىلدام وزگەرەتىن احۋالدىڭ قىسىمىمەن اۋىل شارۋاشىلىعى وندىرۋشىلەرىنىڭ قارجىلىق ورنىقتىلىعى ناشارلادى. ءوز كەزەگىندە بۇل بانكتىڭ قارجىلىق ورنىقتىلىعىنا اسەر ەتتى», دەلىنگەن حابارلامادا.
سونداي-اق «پروبلەمالىق كرەديتتەر قورى» اق «تسەسنابانكتەن» 604 ميلليارد تەڭگەگە اۋىل شارۋاشىلىعى نەسيە پورتفەلىن ساتىپ الدى.
«ۇلتتىق بانك پەن قازاقستان رەسپۋبليكاسىنىڭ ۇكىمەتى بەكىتكەن «تسەسنابانك» اق-نىڭ قارجىلىق تۇراقتىلىعىن جاقسارتۋ جانە اگروونەركاسىپتىك كەشەندى قولداۋعا باعىتتالعان شارالارعا سايكەس اگروونەركاسىپتىك كەشەن (اوك) كاسىپورىندارى ءۇشىن بىرىڭعاي بورىشتىق ساياساتتى جۇزەگە اسىرۋ ماقساتىندا «پروبلەمالىق كرەديتتەر قورى» «تسەسنابانكتىڭ» اۋىل شارۋاشىلىعى نەسيەلەرى پورتفەلىن 604 ملرد. تەڭگەگە ساتىپ الدى», دەلىنگەن حابارلامادا.
ەستەرىڭىزگە سالا كەتەيىك, 25 قاڭتاردا «تسەسنابانكتىڭ» قارجىلىق كومەككە مۇقتاج ەكەنىن تۋرالى اقپارات شىققان بولاتىن. «تسەسنابانككە» كومەك كورسەتۋ جوسپارى قازاقستاننىڭ بانك جۇيەسىنىڭ جاي-كۇيى تۋرالى سۇراق تۋدىرادى. وتكەن جىلدىڭ ءساۋىر ايىندا قر پرەزيدەنتى نۇرسۇلتان نازارباەۆ سەكتوردى تازارتۋ ءۇشىن بيلىك 10 ميلليارد دوللار جۇمساعانىن, ەندى بانكتەرگە كومەكتەسە المايتىنىن ايتقان بولاتىن.
ۇلتتىق بانكتىڭ دەرەكتەرى بويىنشا, 1 قاڭتارداعى جاعداي بويىنشا تسەسنابانك اكتيۆتەرى 1 ترلن. 711 ملرد. تەڭگەنى قۇرادى (بانك سەكتورىنىڭ اكتيۆتەرىنىڭ 6,77% -ى). مەرزىمى كەشىكتىرىلگەن كرەديتتەر 39,19% (جۇيە بويىنشا بارلىعى 14,51%) دەپ باعالاندى. اقپاراتقا سايكەس, اعىمداعى جىلدىڭ باسىندا «تسەسنابانك» اق تۇرعىندارىنىڭ سالىمدارى 380 ميلليارد تەڭگەنى قۇرايدى. بانكتەگى زاڭدى تۇلعالاردىڭ دەپوزيتتەرى - 320 ميلليارد تەڭگە. «تسەسنابانك» - قازاقستانداعى كوممەرتسيالىق بانكتىڭ ەكىنشى ءىرى نەسيە پورتفەلى.
ۇلتتىق بانك پەن ۇكىمەت ىسكە اسىرعان شارالار كەشەنى جانە «تسەسنابانك» اق-قا جاڭا ينۆەستور تارتۋ «تسەسنابانك» اق-تى قالىپقا كەلتىرۋگە مۇمكىندىك بەردى. قازىرگى ۋاقىتتا بانكتىڭ ۇلتتىق بانكتىڭ ەڭ تومەنگى تالاپتارىنان اساتىن كاپيتالداندىرۋ جانە وتىمدىلىك كورسەتكىشتەرى, كرەديتورلارعا قاراجاتتىڭ قايتارىلۋىن قامتاماسىز ەتەتىن, تەڭگەمەن ۇزاق مەرزىمدى قورلاندىرا الاتىن تۇراقتى قورى بار.
«تسەسنابانك» اق-تى قارجىلاي قالىپقا كەلتىرۋ جوسپارى قازىرگى اكتسيونەرلەرىنىڭ تەڭبە-تەڭ قاتىسۋىمەن نە جاڭا ينۆەستورلاردى تارتا وتىرىپ مەملەكەت تاراپىنان قولداۋ كورسەتۋدىڭ نەگىزدىلىگى; پروۆيزيالاردىڭ, كاپيتالدىڭ جانە وتىمدىلىكتىڭ تاۋەكەل-بەيىنىنە سايكەس كەلەتىن قاجەتتى قورىن جاساۋ قاعيداتتارىمەن; جانە ءتيىمدى مەنەدجمەنتتى تارتا وتىرىپ, قارجى ينستيتۋتىنىڭ بيزنەس-مودەلىن كەيىننەن وزگەرتۋ ارقىلى ىسكە اسىرىلدى.
«تسەسنابانك» اق ءوزىنىڭ سالىمشىلارى, كرەديتورلارى مەن ينۆەستورلارى الدىنداعى مىندەتتەمەلەرىن ورىنداپ جاتقان, ورنىقتى قارجى ينستيتۋتى رەتىندە جۇمىس ىستەۋىن جالعاستىرادى. «تسەسنابانك» اق-تىڭ ودان ءارى دامۋ ستراتەگياسىن FHS اكتسيونەرلەرى ايقىندايدى.
