30 قاڭتار مەن 5 اقپان ارالىعىندا «بارىس» سك 2004-2005 ج.ت. جاسوسپىرىمدەر كوماندالارى اراسىندا شايبالى ويىنداردان 4 جىلدا ءبىر رەت وتكىزىلەتىن جارىستارعا شىعىس قازاقستان, قاراعاندى, قوستاناي, الماتى جانە اقمولا وبلىستارىنان, سونداي-اق استانا, الماتى جانە اقتوبە قالالارىنان سەگىز قازاقستاندىق كوماندا قاتىستى. استانا قۇراماسىنىڭ ساپىندا №10 استانالىق سپورت مەكتەبىنىڭ حوككەيشىلەرى وينادى. «استانا» كومانداسى قالا مەن مەكتەپتىڭ نامىسىن ابىرويمەن قورعاپ, جاستار ويىندارىنىڭ التىن مەدالىنە يە بولدى. تۋرنير يەلەرى 21 ۇپاي جيناپ, قارسىلاستارىنان وزىپ شىقتى. اقتىق ويىندى قاراعاندى وبلىسىنىڭ كومانداسىمەن ويناپ, 3:2 ەسەبىمەن اياقتادى.
«ويىن جوعارى دەڭگەيدە ءوتتى. قارسىلاستاردىڭ كوڭىل-كۇيلەرى وتە تاماشا. بارلىعىنىڭ جەڭىسكە دەگەن تالپىنىسى وتە جوعارى. قىسقى جاستار ويىندارىندا ءبىرىنشى ورىن مەن ءۇشىن دە, بۇكىل كوماندا ءۇشىن دە, ءبىزدىڭ مەكتەپ ءۇشىن دە جوعارى ناتيجە. ءتورت جىلدا ءبىر رەت وتكىزىلىپ وتىرعان تۋرنيردە ويناۋ ءبىز ءۇشىن ۇلكەن قۇرمەت. سوندىقتان دا ءبىز ءوز كلۋبىمىزدى جوعارى دەڭگەيگە جەتكىزۋ ءۇشىن بارىنشاتىرىستىق, بۇل ءبىزدىڭ جانە كوماندانىڭ جەتىستىگى», - دەيدى, «استانا» كومانداسىنىڭ شابۋىلشىسى بوگدان پەتروچەنكو.
شايبالى حوكككەيدەن ءىىى قىسقى جاستار ويىندارىنىڭ قورىتىندىسى بويىنشا ەكىنشى ورىندى شىعىس قازاقستان وبلىسىنىڭ كومانداسى,ال قولا مەدالدى قاراعاندى وبلىسىنىڭ حوككەيشىلەرى يەلەندى.
