1. جالپى ەرەجە
1.1. «Qazaq Epos» اعارتۋ جوباسى «تۇلپار ءمىنىپ, تۋ العان!» بايقاۋى (بۇدان ءارى — بايقاۋ) قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «بولاشاققا باعدار: رۋحاني جاڭعىرۋ», « ۇلى دالانىڭ جەتى قىرى» ماقالالارىندا جۇكتەلگەن مىندەتتەردى جۇزەگە اسىرۋ ماقساتىندا ۇيىمداستىرىلادى.
1.2. بايقاۋ رەسپۋبليكا كولەمىندە وتكىزىلەدى.
1.3. بايقاۋعا وقىتۋ تىلىنە قاراماستان, مەملەكەتتىك جانە مەملەكەتتىك ەمەس جالپى ورتا ءبىلىم بەرەتىن مەكتەپتەردىڭ, ليتسەيلەردىڭ, گيمنازيالاردىڭ جانە جالپى ءبىلىم بەرەتىن ۇيىمداردىڭ 6-10 سىنىپتارىنىڭ وقۋشىلارى قاتىسا الادى. ءار مەكتەپتەن كەم دەگەندە 10 وقۋشى (6-شى سىنىپتان 2 وقۋشى, 7-ءشى سىنىپتان 2 وقۋشى, 8-ءشى سىنىپتان 2 وقۋشى, 9-شى سىنىپتان 2 وقۋشى, 10-شى سىنىپتان 2 وقۋشى) جانە وقۋشىلاردى دايىندايتىن 5 مۇعالىم قاتىسادى ء(ار مۇعالىم 2 وقۋشىدان ارتىق دايىنداي المايدى).
1.4. بايقاۋ – قازاق حالقىنىڭ باتىرلىق ەپوستارىن جاتقا ايتۋ بويىنشا وتەدى. بايقاۋ اياسىندا قاتىسۋشىلارعا «قوبىلاندى باتىر» جىرىن جاتقا ايتۋ, جىردا كەزدەسەتىن كونەرگەن سوزدەردىڭ ءمان-ماعىناسىن ءتۇسىندىرۋ, قازاق ادەبيەتى ءپانىنىڭ وقۋ باعدارلاماسى نەگىزىندە ازىرلەنگەن سۇراقتارعا جاۋاپ بەرۋ تاپسىرىلادى.
1.5. وسى ەرەجە بايقاۋ شارالارى اياقتالعانعا دەيىن قولدانىس كۇشىن جويمايدى.
1.6. قوسىمشا اقپاراتتار مەن «قوبىلاندى باتىر» جىرىنىڭ ەلەكتروندى نۇسقاسى www.qazaqepos.com رەسمي سايتىندا جاريالانادى.
2. بايقاۋدىڭ ماقساتى مەن مىندەتتەرى:
- بالالار اراسىندا كىتاپ وقۋدى جانە قازاق حالقىنىڭ باتىرلىق ەپوستارىن ناسيحاتتاۋ;
- وسكەلەڭ ۇرپاقتىڭ شىعارماشىلىق جانە زياتكەرلىك قابىلەتىن دامىتۋعا جاعداي جاساۋ;
- بالالاردى حالىق پوەزياسىنا, قازاق حالقىنىڭ رۋحاني اسىل مۇراسىنا دەگەن سۇيىسپەنشىلىككە جانە پاتريوتيزمگە تاربيەلەۋ, ەلدىك پەن ەرلىك رۋحىن, نامىسقوي, قايسارلىق قاسيەتتەرگە باۋلۋ;
- بالالاردىڭ ادەبيەتكە, كوركەم ادەبيەتكە دەگەن سۇيىسپەنشىلىگىن وياتۋ;
- دارىندى بالالاردى انىقتاپ, ولارعا قولداۋ كورسەتۋ;
- ونەرلى جاستاردى حالىق اراسىندا تانىتۋ;
- قازاق ءتىلى جانە ادەبيەتى ءپانى مۇعالىمدەرىنىڭ بەدەلىن كوتەرۋ.
3. ۇيىمداستىرۋ كوميتەتىنىڭ قىزمەتى
3.1. بايقاۋدى اقپارات جانە كوممۋنيكاتسيالار, ءبىلىم جانە عىلىم مينيسترلىكتەرى, استانا, الماتى, شىمكەنت قالالارى مەن وبلىستىق اكىمدىكتەردىڭ جانە «حابار» اگەنتتىگىنىڭ قولداۋىمەن «Qazaq Epos» قوعامدىق قورى جۇزەگە اسىرادى. ۇيىمداستىرۋ كوميتەتىنىڭ قۇرامىنا جەرگىلىكتى اتقارۋشى ورگان جانە «Qazaq Epos» قوعامدىق قورىنىڭ وكىلدەرى كىرەدى.
3.2. ۇيىمداستىرۋ كوميتەتى وكىلەتتىلىگى:
- بايقاۋدىڭ وتكىزىلۋ شارتتارى مەن ەرەجەسىن بەكىتەدى;
- قازاقستان رەسپۋبليكاسىنىڭ قوعام جانە مەملەكەت قايراتكەرلەرى مەن عالىم-ادەبيەتشىلەردەن تۇراتىن بايقاۋدىڭ قازىلار القاسىن بەكىتەدى;
- قازىلار القاسىنىڭ جۇمىسىن ۇيلەستىرەدى;
- قاتىسۋشىلارعا اۋداندىق, وبلىستىق كەزەڭدەردە ۇسىنىلاتىن سۇراقتاردى ازىرلەيدى.
4. بايقاۋدى وتكىزۋ كەزەڭدەرى, ءتارتىبى مەن شارتتارى:
4.1. بايقاۋ 2 ىرىكتەۋ, 1 اقتىق كەزەڭنەن تۇرادى:
- اۋداندىق كەزەڭ (2019 جىلدىڭ 22-28 ءساۋىر ارالىعىندا);
- وبلىستىق كەزەڭ (2019 جىلدىڭ 29 ءساۋىر – 23 مامىر ارالىعىندا);
- رەسپۋبليكالىق اقتىق كەزەڭ (2019 جىلدىڭ 1-5 شىلدە ارالىعى. وتكىزىلۋ ورنى — استانا قالاسى. تەلەۆيزيالىق جوبا).
4.2. اۋداندىق ءى-ىرىكتەۋ كەزەڭ. جەرگىلىكتى ءبىلىم باسقارماسىنىڭ وكىلدەرى ۇيىمداستىرۋ كوميتەتىنە 2019 جىلدىڭ 20 اقپانىنا دەيىن قاتىسۋشىلاردىڭ ءتىزىمىن بەرەدى.
تىزىمدە كەلەسى اقپارات كورسەتىلۋ كەرەك.
قاتىسۋشى مەكتەپ وقۋشىسى:
- قاتىسۋشىنىڭ تولىق اتى-ءجونى (قاتىسۋشىنىڭ فوتوسى);
- ەلدى مەكەن (وبلىس/قالا/اۋدان/اۋىل);
- مەكتەبى, وقيتىن سىنىبى;
- وقۋشىنى دايىنداعان مۇعالىمنىڭ اتى-ءجونى;
- بايلانىس تەلەفونى, e-mail.
قاتىسۋشى مەكتەپ وقۋشىلاردى دايىندايتىن مۇعالىمدەر:
- مۇعالىمنىڭ تولىق اتى-ءجونى (مۇعالىمنىڭ فوتوسى);
- ەلدى مەكەن (وبلىس/قالا/اۋدان/اۋىل);
- مەكتەبى;
- دايىنداعان وقۋشىلارىنىڭ اتى-ءجونى;
- بايلانىس تەلەفونى, e-mail.
جوعارىدا كورسەتىلگەن اقپارات qazaqepos@gmail.com ەلەكتروندى پوشتاسىنا جىبەرىلۋى قاجەت.
4.2.1. اۋداندىق بايقاۋعا قاتىسۋشىلار ماراباي جىراۋ نۇسقاسىنداعى «قوبىلاندى باتىر» جىرىن جاتقا ايتۋ بويىنشا جارىسادى.
اۋداندىق بايقاۋ 3 كەزەڭ بويىنشا ءوربيدى:
1) جىر ايتۋدان سايىس;
2) سۇراق-جاۋاپ (جىر ىشىندەگى جەكەلەگەن وقيعالار مەن جەر-سۋ اتاۋلارىنا قاتىستى سۇراقتار);
3) جىردىڭ ىشىندەگى كونەرگەن, تاريحي سوزدەردىڭ ماعىناسىن اشۋ, ءتۇسىندىرۋ.
اۋداندىق بايقاۋعا قاتىسۋشىلار ماراباي جىراۋ نۇسقاسىنداعى «قوبىلاندى باتىر» جىرىن جاتقا ايتۋ بويىنشا جارىسادى.
4.2.2. اۋداندىق كەزەڭدە جۇلدەلى ءۇش ورىنعا يە بولعان 3 وقۋشىعا وبلىستىق بايقاۋعا قاتىسۋعا جولداما بەرىلەدى.
4.3. وبلىستىق جانە استانا, الماتى, شىمكەنت قالالارى بويىنشا ءىى-ىرىكتەۋ كەزەڭى.
4.3.1. وبلىستىق جانە استانا, الماتى, شىمكەنت قالالارىنداعى بايقاۋعا قاتىسۋشىلار ماراباي جىراۋ نۇسقاسىنداعى «قوبىلاندى باتىر» جىرىن جاتقا ايتۋ بويىنشا جارىسادى.
وبلىستىق جانە استانا, الماتى, شىمكەنت قالالارىنداعى بايقاۋ 3 كەزەڭنەن تۇرادى:
1) ساحناعا شىعۋ رەتى جەرەبە ارقىلى الدىن الا انىقتالىپ, ساحناعا ەكى قاتىسۋشىدان شىعارىلادى. قازىلار القاسى جاس جىرشىنى كەز كەلگەن ساتتە توقتاتقاندا, كەلەسى قاتىسۋشى جىردى ءارى قاراي جالعاستىرا جونەلۋگە دايىن بولۋى كەرەك نەمەسە قازىلار القاسى جىر ىشىندەگى وقيعالار جەلىسى بويىنشا جالعاستىرۋدى ۇسىنۋعا قۇقىلى (تالاپ ەتكەن جاعدايدا سول جەردەن جالعاستىرۋى ءتيىس);
2) قاتىسۋشىلارعا سۇراق بيلەت تۇرىندە بەرىلەدى, ءار بيلەتتە ەكى سۇراقتان بولادى (6-10 سىنىپتىڭ قازاق ادەبيەتى وقۋلىعى بويىنشا ازىرلەنەدى).
3) جىرداعى تۇراقتى ءسوز تىركەستەرىن, قاناتتى سوزدەردى, تەڭەۋلەردى انىقتاپ, ماعىناسىن اشۋ (سۇراقتار قازىلار القاسى تاراپىنان قويىلادى).
استانا, الماتى, شىمكەنت قالالارى مەن وبلىستاردا جەڭىمپاز اتانعان وقۋشىلار رەسپۋبليكالىق اقتىق كەزەڭگە قاتىسۋعا جولداما الادى.
4.3.2. بايقاۋدىڭ ەرەجەسى جانە سۇراقتار الدىن الا «Egemen Qazaqstan» گازەتىندە جاريالانادى. الايدا بيلەتتە سۇراقتاردىڭ بەرىلۋ فورماسى وزگەرگەنىمەن مازمۇنى ساقتالادى.
5. باعالاۋ كريتەريلەرى:
5.1. قاتىسۋشىلاردىڭ ونەرى 10 بالدىق جۇيەمەن باعالانادى.
5.2. قاتىسۋشىنىڭ شىعارمانى وقۋ مانەرىنە جانە ارتيستىك شەبەرلىگىنە نازار اۋدارىلادى, ياعني باتىرلار جىرىن ناقىشىنا كەلتىرىپ, توگىلتىپ جىرلاۋى ەسكەرىلەدى. جىردى ايتۋ بارىسىندا قاتىسۋشى مۇدىرسە, نە ۇمىتىپ قالسا بايقاۋدان شىعارىلادى, ال جەڭگەنى كەلەسى كەزەڭگە وتەدى.
5.3. قازىلار القاسى وقۋشىنىڭ ءبىلىمىن تەكسەرۋ ءۇشىن قوسىمشا سۇراقتار قويىپ, داۋىس بەرۋ ارقىلى جەڭىمپازداردى انىقتايدى.
6. قازىلار القاسى تۋرالى:
6.1. بايقاۋعا قاتىسۋشىلاردىڭ ونەرىن باعالاۋ ءۇشىن قازىلار القاسى قۇرىلادى.
6.2. قازىلار القاسىنىڭ شەشىمى تۇبەگەيلى بولىپ تابىلادى جانە قايتا قارالمايدى.
6.3. قازىلار القاسى قاتىسۋشىلاردىڭ ءاربىر مۇدىرگەنىن قالت جىبەرمەي, بەلگىلەپ وتىرۋى ءتيىس.
6.4. قازىلار القاسىنىڭ شەشىمى حاتتاما تۇرىندە راسىمدەلەدى جانە وعان بارلىق مۇشەلەرى قول قويادى. داۋىستار سانى تەڭ تۇسكەن جاعدايدا قازىلار القاسىنىڭ توراعاسى شەشۋشى داۋىسقا يە بولادى.
7. ماراپاتتاۋ
7.1. اۋداندىق كەزەڭدە 1, 2, 3 ورىن العان جەڭىمپازدار بايقاۋدىڭ وبلىستىق كەزەڭىنە وتەدى. ال جەڭىمپاز وقۋشىلاردىڭ مۇعالىمدەرى ءبىلىم جانە عىلىم ءمينيسترىنىڭ ارنايى ديپلومىمەن ماراپاتتالادى.
اۋداندىق كەزەڭنىڭ جەڭىمپاز وقۋشىلارى اقشالاي سىياقىمەن ماراپاتتالادى.
ءى ورىن – 150 000 ء(جۇز ەلۋ مىڭ) تەڭگە;
ءىى ورىن – 100 ء(جۇز مىڭ) تەڭگە;
ءىىى ورىن – 50 (ەلۋ مىڭ) تەڭگە;
7.2. استانا, الماتى, شىمكەنت قالالارى مەن وبلىستاردا 1-ورىن يەلەنگەن جەڭىمپازدار (17 وقۋشى) رەسپۋبليكالىق بايقاۋعا جولداما الادى.
7.3. رەسپۋبليكالىق اقتىق بايقاۋدىڭ ەرەجەسى, تالاپتارى مەن شارتتارى العاشقى 2 ىرىكتەۋ كەزەڭى اياقتالعان سوڭ جاريالاناتىن بولادى. وبلىستىق بايقاۋدىڭ جەڭىمپازدارى كەلەسىدەي اقشالاي سىياقىمەن ماراپاتتالاتىن بولادى:
وقۋشىلار ءۇشىن:
ءى ورىن (بىرەۋ) – 1 000 000 ء(بىر ميلليون) تەڭگە;
ءىى ورىن (بىرەۋ) – 600 000 (التى ءجۇز مىڭ) تەڭگە;
ءىىى ورىن (بىرەۋ) – 300 000 ء(ۇش ءجۇز مىڭ) تەڭگە.
ءۇستازدار ۇشىن:
ءى ورىن (بىرەۋ) – 2 000 000 (ەكى ميلليون) تەڭگە;
ءىى ورىن (بىرەۋ) – 1 200 000 ء(بىر ميلليون ەكى ءجۇز مىڭ) تەڭگە;
ءىىى ورىن (بىرەۋ) – 600 000 (التى ءجۇز مىڭ) تەڭگە.
بايقاۋ ەرەجەسىنە وزگەرىستەر ەنگىزىلسە قوسىمشا حابارلانادى.
ۇيىمداستىرۋ كوميتەتىنىڭ مەكەنجايى:
010000, استانا قالاسى, ق.ساتباەۆ كوش., 8. 4-قابات, 400-كابينەت
تەل.: 8 701 782 62 22, e-mail: qazaqepos@gmail.com
