وتاندىق اۋىل شارۋاشىلىعىن ءتۇسىمى جوعارى, باعاسى قول جەتىمدى ءداندى داقىلدار تۇقىمىمەن قامتىپ وتىرعان سەرىكتەستىكتىڭ بۇل سالادا 15 جىل تاجىريبەسى بار. وتكەن جىلى قازاق اۋىل شارۋاشىلىعى عىلىمي-زەرتتەۋ ينستيتۋتىمەن بىرلەسە وندىرىسكە ەنگىزگەن قانت قىزىلشاسىنىڭ جاڭا سورتى «ايشولپان» دەپ اتالادى.
- ءبىزدىڭ ماقساتىمىز قازاق ديقاندارىنىڭ ساپالى قىزىلشا تۇقىمىن ەگىپ, مول ءونىم جيناۋىنا كومەك كورسەتۋ. وتاندىق تۇقىمنىڭ ساپاسى شەتەلدەن ميلليونداعان دوللارعا ساتىپ الىناتىن تۇقىمنان ەش كەم ەمەس, قايتا ونىمدىلىگ اناعۇرلىم جوعارى ەكەندىگىنە سوڭعى ون بەس جىل بويعى جۇمىسىمىزدىڭ ناتيجەسىندە كوز جەتكىزدىك. ءبىزدىڭ ءونىمدى ۋكراينا, رەسەي ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتتارى سىناقتان وتكىزىپ, جوعارى باعا بەردى. ەل ديقاندارى دا «قامقورلىقتىڭ» تۇقىمىنا كوشە باستادى, - دەيدى قامقورلىق» ەليتالىق-تۇقىم شارۋاشىلىعىنىڭ ديرەكتورى الەن جولداسوۆ.
قالماحانبەت مۇقامەتقالي,
«Egemen Qazaqstan»
الماتى وبلىسى
