- بۇل لاۋازىمعا قاميدولا سەرىك قاميدوللا ۇلى تاعايىندالدى. ول بۇعان دەيىن جىلىوي اۋدانى جۇمىسپەن قامتۋ, الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمىنىڭ باسشىسى لاۋازىمىن اتقاردى, - دەدى نۇرلان نوعاەۆ. – ول تاجىريبەلى جەتەكشى, الدىنا قويىلعان مىندەتتەردى ساپالى ورىنداۋعا قاجەت قاسيەتتەردىڭ ءبارى بويىندا بار. وسى جۇمىستى اۋداندا ىستەدىڭىز, ەندى ودان دا اۋقىمدى مىندەت جۇكتەلىپ وتىر. ورتالىق ورگاندارمەن, اۋداندارمەن ءوزارا قارىم-قاتىناستا بولۋ كەرەك.
سەرىك قاميدوللا س.بايىشەۆ اتىنداعى ۋنيۆەرسيتەتتى, قازاقستان يننوۆاتسيالىق جانە تەلەكوممۋنيكاتسيالار جۇيەلەرى ۋنيۆەرسيتەتىن بىتىرگەن. قۇقىق باكالاۆرى, حالىقارالىق ەكونوميكادا شەتەل تىلدەرىن مەڭگەرگەن جوعارى بىلىكتى ەكونوميست.
ەڭبەك جولىن 1995 جىلى قۇلسارىداعى ورتا مەكتەپ ديرەكتورىنىڭ ورىنباسارى قىزمەتىنەن باستاپ, 1999 جىلعا دەيىن سول جەردە جۇمىس ىستەدى. 2000-2004 جىلدارى جەكە فيرمادا ەكونوميست بولدى.
2004 جىلدان باستاپ جىلىوي اۋدانى جۇمىسپەن قامتۋ جانە الەۋمەتتىك باعدارلامالار بولىمىندە الەۋمەتتىك تولەمدەر ءبولىمى مەڭگەرۋشىسىنىڭ مىندەتىن اتقارۋشى بولدى.
2008 جىلى جىلىوي اۋداندىق جۇمىسپەن قامتۋ جانە الەۋمەتتىك باعدارلامالار بولىمىندە سەكتور مەڭگەرۋشىسى قىزمەتىن اتقاردى.
2010 جىلى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىن باسقاردى.
2011 جىلى اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ارداگەرلەرمەن جانە مۇگەدەكتەرمەن جۇمىس ءبولىمىنىڭ باسشىسى بولىپ تاعايىندالدى.
2012 جىلدان كۇنى بۇگىنگە دەيىن جىلىوي اۋداندىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار, ازاماتتىق حال اكتىلەرىن تىركەۋ ءبولىمىنىڭ باسشىسى بولدى.
اكتيۆتە وبلىس اكىمى اتىراۋ وبلىستىق جۇمىلدىرۋ دايارلىعى جانە ازاماتتىق قورعانىس باسقارماسىنىڭ باسشىسى بولعان عيبرات سۇلەيمەنوۆكە اتقارعان جۇمىسى ءۇشىن ريزاشىلىعىن ءبىلدىردى.
- زەينەتكەرلىك جاسىنا جەتۋىنە بايلانىستى سۇلەيمەن عيبرات ەركىن ۇلى لاۋازىمىنان بوساتىلدى. جاساعان جۇمىستارى ءۇشىن العىس ايتقىم كەلەدى. ول ۇزاق جىلدار بويى اكىمدىكتە ءتۇرلى باسقارمالاردى باسقاردى, ايماقتىڭ دامۋىنا ۇلكەن ۇلەس قوستى, - دەدى نۇرلان نوعاەۆ.
سونىمەن قاتار, ماقسوت مۇقانوۆ اۋىل شارۋاشىلىعى باسقارماسىنىڭ باسشىسى لاۋازىمىنان بوساتىلدى. ول ەندى قىزىلقوعا اۋداندىق اۋماقتىق سايلاۋ كوميسسياسىن باسقاراتىن بولادى.
باقىتگۇل باباش,
«Egemen Qazaqstan»
اتىراۋ
