تاتۋلىق تامىرى تەرەڭدە
بەيسەنبى, 25 قازان 2012 7:20
ادام قۇقىن قورعاۋدا حالىقارالىق ۇلگى-قالىپتاردى ساقتاۋ بۇگىندە الەمدىك قوعامداستىقتا وتە جوعارى باعالانادى. ءبىزدىڭ ەلىمىز – قازاقستان وتە قارقىندى دامىپ كەلە جاتقان جانە ورتالىق ازيا ەلدەرى ىشىندە ەشقانداي دا ۇلتارالىق جانە كونفەسسياارالىق جانجال بولماعان بىردەن-ءبىر تاۋەلسىز بەيبىت ەل ەكەنىن ءبۇكىل الەم مويىندايدى. شىنىندا, ۇلتارالىق كەلىسىم مەملەكەتىمىزدىڭ ىشكى ساياسي تۇراقتىلىعىن قالىپتاستىرادى.
بەيسەنبى, 25 قازان 2012 7:20
ادام قۇقىن قورعاۋدا حالىقارالىق ۇلگى-قالىپتاردى ساقتاۋ بۇگىندە الەمدىك قوعامداستىقتا وتە جوعارى باعالانادى. ءبىزدىڭ ەلىمىز – قازاقستان وتە قارقىندى دامىپ كەلە جاتقان جانە ورتالىق ازيا ەلدەرى ىشىندە ەشقانداي دا ۇلتارالىق جانە كونفەسسياارالىق جانجال بولماعان بىردەن-ءبىر تاۋەلسىز بەيبىت ەل ەكەنىن ءبۇكىل الەم مويىندايدى. شىنىندا, ۇلتارالىق كەلىسىم مەملەكەتىمىزدىڭ ىشكى ساياسي تۇراقتىلىعىن قالىپتاستىرادى. بۇگىندە وڭتۇستىك قازاقستان وبلىسىندا 20 ەتنومادەني ءبىرلەستىك جۇمىس ىستەيدى. بۇل قوعامدىق بىرلەستىكتەردىڭ نەگىزگى ماقساتى – ءار ۇلتتىڭ انا ءتىلى, مادەنيەتى جانە ادەت-عۇرىپتارىن ساقتاپ, ەلىمىزدە ءومىر سۇرەتىن ءاربىر ەتنوستىڭ بويىندا وتانسۇيگىشتىك سەزىمدى بەرىك قالىپتاستىرىپ, ەتنوسارالىق جانە كونفەسسياارالىق كەلىسىمنىڭ قازاقستاندىق مودەلىن نىعايتۋ. قازاقستان حالقى اسسامبلەياسىنىڭ 19-سەسسياسىندا ەلباسى نۇرسۇلتان نازارباەۆ مەملەكەتتىك ورگانداردىڭ ەتنومادەني بىرلەستىكتەرمەن ءوزارا ءىس-قيمىلىن جەتىلدىرۋ جانە كورشىلەس مەملەكەتتەرمەن مادەني ءىس-شارالاردى ءوتكىزۋگە باسىمدىق بەرۋ ماسەلەسىن ايتىپ وتكەن بولاتىن.
بىرلىگى مەن تىرلىگى جاراسقان وڭتۇستىكتە ءتۇرلى ۇلتتاردىڭ ءبىر-بىرىمەن تىعىز قارىم-قاتىناس جاساپ, ىنتىماق, اۋىزبىرشىلىكتە, تاتۋ-ءتاتتى تۇرۋى ءۇشىن كوپتەگەن ءىس-شارالار ۇيىمداستىرىلىپ جاتادى. سونىڭ ءبىرى رەتىندە, جاقىندا عانا وبلىستىق وزبەك ەتنومادەني بىرلەستىگىنىڭ «وزبەك حالقىنىڭ ءتىلى, مادەنيەتى, ادەت-عۇرپى جانە داستۇرلەرى» مەرەكەسىنە وراي وزبەكستانداعى قازاق ەتنومادەني بىرلەستىگىنىڭ توراعاسى مارات ۇكىباەۆ باستاعان قازاق جانە وزبەك, تاجىك, تاتار ۇلتىنىڭ وكىلدەرىنەن قۇرالعان دەلەگاتسيانى قوناققا شاقىرعانىن ايتا كەتۋگە بولادى. قوناقتار شىرايلى شىمكەنت قالاسىنداعى دانق مەموريالىنا, گەنەرال سابىر راحىموۆتىڭ ەسكەرتكىشىنە گۇل شوقتارىن قويىپ, سايرامداعى سانسىز باپتار, وتىرارداعى ارىستان باپ, تۇركىستانداعى احمەت ياساۋي كەسەنەسىن ارالاپ, زيارات جاسادى. وسى ساپار بارىسىندا ولار وبلىسىمىزداعى ەتنوسارالىق كەلىسىمنىڭ وتە جوعارى دەڭگەيدە ەكەنىن جانە سان الۋان ۇلت جانە ۇلىستاردىڭ ءبىر-بىرىمەن تاتۋ-ءتاتتى تۇرىپ جاتقانىن كورىپ, قاتتى ريزا بولىپ قايتتى.
ءبىز باسەكەگە قابىلەتتى ازاماتتار بولىپ قالىپتاسۋ ءۇشىن بارلىق سالالاردا ايانباي ەڭبەك ەتۋدەمىز. ءار جىلى قازاقستان حالقى اسسامبلەياسى, وبلىستىق ءبىلىم, تىلدەردى دامىتۋ باسقارمالارىمەن بىرلەسە وتىرىپ, 11 سىنىپ وقۋشىلارى اراسىندا رەسپۋبليكالىق «مەملەكەتتىك ءتىلدى ءبىلۋ – پارىزىڭ», «وزبەك ءتىلى – انا ءتىلىم, قازاق ءتىلى – وتان ءتىلىم» اتتى بايقاۋلار وتكىزىپ كەلەمىز. بايقاۋ جەڭىمپازدارىنا باعالى سىيلىقتار جانە جوعارى وقۋ ورىندارىندا تەگىن گرانت ارقىلى ءبىلىم الۋ ءۇشىن سەرتيفيكاتتار بەرىلەدى. اتاپ ايتاتىن بولساق, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى مەن ا.ياساۋي اتىنداعى حقتۋ ءار جىلى 1, وڭتۇستىك قازاقستان حالىقتارى دوستىعى ۋنيۆەرسيتەتى, م.ساپارباەۆ اتىنداعى گۋمانيتارلىق-پەداگوگيكالىق ينستيتۋتى, وقپي, شىمكەنت ينستيتۋتى جانە باسقا دا ورتا وقۋ ورىندارى 2 دانادان سەرتيفيكاتتار بەرىپ كەلەدى.
جالپى العاندا, سوڭعى ءۇش جىلدا جوعارى وقۋ ورىندارىندا تەگىن وقۋ ءۇشىن 39 وقۋشى تەگىن گرانتقا يە بولدى. مۇنى مەملەكەتتىك ءتىلدىڭ دامۋىنا مەملەكەتتىك ورگانداردىڭ قوسىپ وتىرعان ۇلەسى دەپ ايتۋعا بولادى. سودان بولار, جىل سايىن مەملەكەتتىك ءتىلدى بىلسەم دەگەن جاستاردىڭ قاتارى كوبەيىپ كەلەدى.
وزبەك ۇلتىنىڭ ءاربىر مەرەكەسىن, ءاربىر تويىن ونىڭ ۇلتتىق تاعامى – پالاۋسىز ەلەستەتۋ ءمۇمكىن ەمەس. وڭتۇستىك قازاقستان وبلىسىنىڭ 80 جىلدىعى قارساڭىندا اباي ساياباعىندا وتكەن مەرەكەدە 80 كەلى پالاۋ باسىلىپ, حالىققا تاراتىلدى. سونداي-اق, الداعى ۋاقىتتا «ادەبيەتتەر ءبىرلىگى – حالىقتار بىرلىگى» اتتى ءمۇشايرا, «چاشما» شىعارماشىلىق توبىنىڭ 25 جىلدىق مەرەيتويىن, «كوگەرشىن – تىنىشتىق ەلشىسى» اتتى فەستيۆال وتكىزۋدى جوسپارلاپ وتىرمىز. سونىمەن بىرگە, سپورتتىڭ بىرنەشە ءتۇرى بويىنشا سپارتاكيادالار, شاحمات ءتۋرنيرى, جاس انشىلەر بايقاۋى وتكىزىلەدى. بۇل ءىس-شارالاردىڭ بارلىعى قوعامدا ۇلتارالىق تاتۋلىقتىڭ نىعايۋىنا ءوز سەپتىگىن تيگىزەتىنى انىق.
ءبىزدىڭ ماقساتىمىز – ەتنوسارالىق جانە كونفەسسياارالىق كەلىسىمدى دامىتۋدىڭ مادەنيەتتى جولىن ىزدەپ, رۋحاني-ادامگەرشىلىك قۇندىلىقتاردى ارتتىرا بەرۋ.
يكرام حاشيمجانوۆ,
شىمكەنتتەگى وزبەك ەتنومادەني بىرلەستىگىنىڭ توراعاسى.
وڭتۇستىك قازاقستان وبلىسى.
